¹ Ekuseni kuseluvivi, baphristi labakhulu bahlangana ndzawonye netibondza nebabhali kanye nalo lonkhe licoco lemaJuda. Bamkhunga Jesu bamchuba bahama naYe.Base bamuniketa Philato. ² Philato wambuta, "ngabe ungiyo yini inkhosi yemaJuda?''Wamphendvula, ''ushito wena." ³ Baphristi labakhulu bambeka emacala ngetintfo letinyenti. ⁴ Philato wambuta futsi, ''Awutiphendvuleli ngani?Uyabona yini kutsi tinganani tintfo labakubeka licala ngato!'' ⁵ Kepha Jesu akaphindzanga amphendvule Philato,futsi loko kwammangalisa Philato. ⁶ Ngalesikhatsi salomkhosi, Philato abevamise kubakhululela sinye siboshwa, siboshwa labasicelile, ⁷ bekunendvodza leyayibitwa ngekutsi nguBharaba ejele lebelinemavukela mbuso labebabulele ngesikhatsi benta siphitsiphitsi. ⁸ Lesicumbi seta kuPhilato sacala kumcela kutsi abentele njengaloko abentile esikhatsini lesengcile. ⁹ Philato wabaphendvula watsi, ''Niyafuna yini kutsi nginikhululele iNkhosi yemaJuda?'' ¹⁰ Ngobe bekati kutsi loko kungenca yemona lokutsi baphristi labakhulu banikele Jesu kuye. ¹¹ Kepha baphristi labakhulu bavusa sicuku kutsi simemete kakhulu kutsi lokungenani kukhululwe Bharaba. ¹² Philato wabaphendvua futsi watsi, ''manje kumele ngentenjani ngaleNkhosi yemaJuda?'' ¹³ Bamemeta futsi batsi,''Mbetsele!'' ¹⁴ Philato watsi kubo, ''Yini lokubi lakwentile?'' Kepha bachubeka bamemeta kakhulu, ''Mbetsele.'' ¹⁵ Philato afuna kwenetisa lesicuku, ngako ke wabakhululela Bharaba. Wabhambabula Jesu wase umnikela kutsi abetselwe. ¹⁶ Emasotja amchuba Jesu amungenisa ngekhatsi ebaleni lenkantolo (lekuyindlunkhulu yahulumende), ase abita lonkhe licembu lemasotja. ¹⁷ Bamembatsisa umjiva lobukhwebeletane webukhosi, base baluka umchele lonemanyeva bametfwesa wona. ¹⁸ Acala amshayela sihlutfu atsi ''Bayethe Nkhosi yemaJuda!'' ¹⁹ Bebamshaya ngendvuku yemhlanga enhloko baphindze bamkhafulela. Baguca ngemadvolo bamkhotsama embikwakhe. ²⁰ Emvakwekube bamphukute, bamkhumula lengubo lebukhwebeletane babuyisela takhe timbatfo, base bayamchuba kutsi bayombetsela. ²¹ Indvodza letsite, libito layo lelingu Simoni wase Sirene, afika nje aphuma emaphandleni(Bekunguyise wabo Alekzanda naRufusi), bamuphocelela kutsi atfwale lesiphambano. ²² Lamasotja asondzeta Jesu endzaweni lekutsiwa kuseGoligotha lapho bekutsiwa (yiNdzawo Yesikobho). ²³ Bamunika liwayini lelalibhicwe nemure,kepha akanatsanga. ²⁴ Bamubetsela base bahlukaniselana timphahla takhe ngekushaya inkhatho. ²⁵ Kwakulihora lesitsatfu nabambetsela. ²⁶ Babhala satiso selicala lakhe, ''Inkhosi yemaJuda.'' ²⁷ Babetsela kanye naye tigebengu letimbili, lesinye ngesekudla sakhe, lesinye ngesencele sakhe. ²⁸ Letinye tincwadzi takadzeni atinaye Makho 15:28,Kwagcwaliseka umbhalo lotsi, 'Wabalwa kanye nalabanganamtsetfo.' ²⁹ Labo lebabetengcela bamchaphata banikina tinhloko tabo batsi, ''Aha! Wena longabhidlita lithempeli uphindze ulakhe ngemalanga lamatsatfu, ³⁰ tisindzise wena bese uyehla lapho esiphambanweni!" ³¹ Ngalokufanako baPhristi labakhulu nabo bebakhulumisana bodvwa ngekumedzelela, kanye nalabhali, batsi ''Wasindzisa labanye, kepha akakhoni kutisindzisa yena. ³² Khristu, Inkhosi yaka Israyeli, ayehle nyalo esiphambanweni, khona sitobona sitewukholwa.''Labo bebabetselwe naye nabo bamujikela. ³³ Ngensimbi yesitfupha, kwafika bumyama eveni kwaze kwaba yinsimbi yemfica. ³⁴ Ngensimbi yemfica Jesu wamemeta ngelivi lelikhulu watsi, ''Eloyi,Eloyi, lama sabakthani?'' lokuhunyushwa ngekutsi, ''Nkulunkulu wami,Nkulunkulu wami, ungishiyeleni?'' ³⁵ Labanye balabo bebeme eceleni bamuva asho lamagama batsi, ''buka, umemeta Elija.'' ³⁶ Lomunye wagijima, wafaka liwayini lelimunyu esiponjini, wafaka elutsini lwemhlanga, wase umnika kutsi akanatse. Lendvodza yatsi, ''Asesibone kutsi Elija utowufika yini atomehlisa.'' ³⁷ Jesu wase umemeta ngelivi lelikhulu wafa. ³⁸ Indvwango yesihenco yadzabuka emkhatsini kusukela etulu kuya phansi. ³⁹ Indvuna yelikhulu lebeyime lapho imbuka Jesu nakafa ngalendlela, yatsi, ''ngempela lomuntfu abeyiNdvodzana yaNkulunkulu.'' ⁴⁰ Kwakukhona lapho bafati lababebuka bamele khashanyana. Kulabo bafati bekuna Mariya Magdalene, Mariya (unina waJakobe lomncane naJose), kanye naSalome. ⁴¹ Lekwatsi ngesikhatsi asese Galile bamlandzela bamnakekela.Nalabanye labanyenti bafati baya naye eJerusalema. ⁴² Kwatsi nase kuhlwile, ngobe bekulilanga lemalungiselelo, lokukutsi, lilanga lelilandzelwa lisabatha, ⁴³ Josefa wase Arimathiya weta. Bekalilunga lelihloniphekile leliqoqo bekamele umbuso waNkulunkulu. Watsatsa sibindzi waya kuPhilato wafike wacela sidvumbu saJesu. ⁴⁴ Philato wamangaliswa kutsi Jesu sewufile; wabita indvuna yelikhulu wayibuta kutsi Jesu sewufile yini. ⁴⁵ Ngesikhatsi Philato asafundzile kulendvuna yelikhulu kutsi Jesu besekafile,waniketa Josefa lomtimba. ⁴⁶ Josefa abephetse imphahla,wase umfaka ethuneni lalisematjeni.Wase ufuca lelitje uvala indzawo yekungena ethuneni. ⁴⁷ Mariya Magdalene kanye naMariya unina waJose babona lendzawo lapho abe ngcwabwe khona.