¹ Nasekwendlulile lusuku lweSabatha,Mariya Magadelina, Mariya make waJakobe, na Salome beta nemakha kuze bagcobe umtimba waJesu. ² Lokwakuseluvivi elangeni lekucala evikini,baya ethuneni nakuphuma lilanga. ³ Babetsi kumunyengamunye,''ngubani lotasisusela lelitje emlonyeni welithuna'' ⁴ 'Nabatsi batsatsakubuka lelitje beseligicitiwe ,ngokubabelilikhulu kakhulu. ⁵ Bangena ethuneni babonalibhungu lebeligcoke tembatfo letimhlophe, lihleti esandleni sangesekudla, betfuka. ⁶ Watsi kubo,'''Ningetfuki.Nifuna Jesu, waseNazaretha, lowabetselwa.Uvukile!Akekho lapha.Bonani lapho beka laliswekhona. ⁷ Kepha hambani, nitjele bafundi bakhe kanye na Phetro,'Uhamba ngaphambili kwenu uya eGalile. Lapho ke nitamubona, njengobe anitjela.'' ⁸ Baphuma bagijima ethuneni,babechachatela betfukile. Abazange basho lutfo kunoma ngangubani ngoba bebetfuke kakhulu. ⁹ Ekuseni ngeluvivi ngelilanga lekucala evikini, ngemuvakwekuvuka, wabonakala ku Mariya waseMagadela, lolobekakhokhe kuye emadimoni lasikhombisa. ¹⁰ lowesifazane wahamba wabatjela labolabekanabo Jesu, ngesikhatsi balila bakhala. ¹¹ Beva kutsi uyaphila nalokutsi umbonile lowesifazane, kepha abakholwanga. ¹² Emuva kwaleto tintfo wabonakala ngetindlela letinyenti kubobobabili basahamba aphumela ngaphandle kwelive. ¹³ Bahamba bayotjela lala banye bafundzi, kepha ababakholwanga. ¹⁴ Jesu waphindze wabonakala muva kulabalishumi nakunye basesuka ekudleni,wabekhuta ngekungakholwa kwabo nangebulukhuni betinhlitiyo tabo,sizathu abazange bakholwe labo labamubona emuva kweku vuka kwakhe. ¹⁵ Watsi kubo,''Hambani niye emhlabeni wonkhe, nishumayele endalweni yonkhe ¹⁶ .Loyo lokholwako abhabhatiswe uyawusindziswa , loyo longa kholwa uyawehlulelwa. ¹⁷ Letibonakaliso titawuhamba nalabo labakholwako; Ngeligama lami bayawucosha emadimoni, Batawukhuluma tilimi letinsha. ¹⁸ Bayawuphakamisa tinyoka ngetandla, nabaphindza banatsa sinatfo lesibulalanako akunabenta lutfo. Batababeka tandla labagulako, bayawuphiliswa.,'' ¹⁹ Emuvakwekukhuluma kweNkhosi kubo, yase iyatsatfwa yayiswa ezulwini yaphindza yahlala esandleni sangekudla saNkulunkulu. ²⁰ Bafundzi besuka basebayawushumayela endzaweni yonkhe, ngesikhatsi iNkhosi isasebenta ngabo iphindze igcizelela livi ngetibonakaliso lebetihamba nako.