¹ Leti tindzawo letamukelwa bantfu baka Israyeli njengendlalifa yabo eveni lema Khenane, lekwatsi Eliza umphristi, Joshuwa indvodzana ya Nuni, phindze nebaholi betive taka Israyeli babaniketa bona. ² Lifa labo belikhetsiwe ngalokunengi lokuyimfica phindze nesive sinye, njengoba Simakadze abelayetile esandleni sa Mose. ³ Ngoba Mose bekanikee lelifa lalababili phindze incenye yasinye sive ngesheya kwe Jodani, kepha kumaLevi akabaniketanga lifa. ⁴ Sive sa Josefa besimave lamabili, Manase kanye na Efrayemi. Ema Levi akaniketwanga indzawo yendlalifa kulendzawo, kepha emadolobha latsite kutohlala kuwo, kanye nemadlelo etimfuyo kanye futsi nemathulusi. ⁵ Bantfu baka Israyeli benta njengoba Simakadze bekalayetile ku Mose, ngako balitfola lelive. ⁶ Ngako lesive saka Juda beta ku Joshuwa eGilgali. Kheleb indvodzana ya Jephune umKhenizithe, watsi kuye, ''Uyati kutsi Simakadze utseni ku Mose inceku yaNkulunkulu mayelana nawe kanye nami eKhadeshi Bharina. ⁷ Bengineminyaka lengemashumi lamane budzala ngesikhatsi Mose sisebenti sa Simakadze angitfuma kusuka eKhadeshi Bharina kuya kuyobuka lelive. Ngamletsela umbiko futsi njengoba bekusenhlitiyweni yami kutsi ngikwente. ⁸ Kepha bomnaketfu labenyuka nami benta tinhlitiyo talabantfu tancibilika ngekwesaba. Kepha ngekuciniseka ngalandzela Simakadze Nkulunkulu wami. ⁹ Mose wafunga ngalelolanga, atsi, ' Ngicinisile lelive lapho lunyawo lwakho lilihambile litaba yindlalifa yakho kanye nebantfwabakho kuze kubephakadze, ngoba ngesiciniseko umlandzele Simakadze Nkulunkulu wami.' ¹⁰ Nyalo, buka! Simakadze ungigcinile ngaphila leminyaka lengemashumi lamane nesihlanu, njengoba bekashito-sukela ngesikhatsi Simakadze akhulume lamagama ku Mose, ngesikhatsi Israyeli ahamba ehlane. Nyalo, buka! Ngalelilanga leli ngineminyaka lengemashumi lasiphohlongo nesihlanu budzala. ¹¹ Ngisenemandla njengalelo langa Mose angitfuma. Emandla ami anjengoma bekamandla ami phambilini, emphini phindze nasekuhambeni nasekubuyeni. ¹² Ngako nyalo nginike lelive letintsaba, lelo Simakadze langitsembisa lona ngalelolanga. Ngoba weva ngalelolanga kutsi ema Anakhi bekalapho kanye netincaba temadolobha. Kungenteka kutsi Simakadze abenami nekutsi ngitabakhokhela ngaphandle, njengoba Simakadze abeshito.'' ¹³ Ngako Joshuwa wambusisa phindze wanikte Hebroni abeyindlalifa ku Khaleb indvodzana ya Jefune. ¹⁴ Ngako Hebron waba yindlalifa ya Khaleb indvodzana ya Jefune umKhenizithe kuze kube ngulelilanga, ngoba ngesiciniseko walandzela Simakadze, Nkulunkulu wema Israyeli. ¹⁵ Nyalo ligama la Hebroni ngekwemtsetfo bekungu Kiriyathi Ariba. (Ariba abeyindvodza beyiodvume kakhulu kuma Anakhi.) Ngako lelive laphumula emphini.