¹ Lomsebenti walendzawo yalelive lalabantfu baka Juda, lusendvo ngelusendvo, lacondza eningizimu emnceleni we Edomu, kanye nelihlane lase Zini lelingasekugcineni eningizimu. ² Umncele wabo ngaseningizimu wawusuka ekugcineni elwandle lweluswayi, isuka ngasemfuleni lobheke ngaseningizimu. ³ Indzawo yabo yalandzela yaphumela ngaphandle ngaseningizimu lokuyintsaba yase Akrabhimu phindze yendlule embikwe Zini, phindze yenyukela etulu eningizimu yase Khadeshi Bhaneya, kundlula ngase Hezironi, phindze etulu ku Adari, lapho ajika khona ngaku Khakha. ⁴ Yendlula ngase Azimoni, ahamba endlula umfudlana wase Ghibhithe, phindze wafika ngasekugcineni kwawo kulolwandle. Bekungumncele wabo wangaseningizimu. ⁵ Umncele wangase mphumalanga bekulwandle lwaswayi, emlonyeni we Jodani. Umncele wangasenyakatfo wawukijima asuka ekugcineni kwalolwandle emlonyeni we Jodani. ⁶ Wenyukela etulu eBethi Hogla phindze endlula enyakatfo yase Bethi Araba. Yase seyenyukela etulu kulelitje la Behani indvodzana ya Rubheni. ⁷ Ngako lemincele yenyukela etulu ku Debi kusukela esihosheni sase Akhori, phindze kubheka enyakatfo, kugucukela ngase Gilgali, lebhekene nalentsaba yase Adumimu, lengaseningizimu yalesihosha.Ngako lomncele wawundlula ngasemantini ase Eni Shemeshi phindze aye e Eni Rogeli. ⁸ Ngako lomncele wenyukela etulu esihosheni sa Beni Hinomi ngaseningizumu ngase dolobheni iJebhusi (lokuyi, Jerusalema). Ngako yase inyukela etulu entsabeni lele ngasesihosheni sase Hinomu, ngasenshonalanga, leyingasekugcineni nenyakatfo kuletihosha taRefayimu. ⁹ Ngako lemincele yalulwa kusukela etulu kulentsaba kuyan emfuleni wase Nephtoah, phindze aphumele ngaphandle kusukela lapho kuya kulamadolobha asentsabeni i Ephironi. Bese lemincele iyagoba kugegeletela iBhala (lefana ne Khiriyathi Jerimu). ¹⁰ Wase lomncele ugegeletela ngasenshonalanga ye Bhala kuya entsabeni iSeyiri, phindze yendlule ngalapho kuya emaceleni entsaba iJeyarimu ngasenyakatfo (lefana ne Kesalomu), yehlela phansi eBhethi Shemeshi, phindze yendlulela e Timina. ¹¹ Lomncele wahamba ngaphandle ngaphambi kwentsaba lengasenyakatfo ye Ekhironi, phindze yagobela ngase Shikheroni yase indlula entsabeni iBhala, phindze kusukela lapho yaya eJabhineli. Lomncele waphelela kulolwandle. ¹² Lomncele wangasenshonalanga kwakulwandle lelikhulu phindze nemlayini lohlukanisako. Lona ngumncele walesive saka Juda, lusendvo ngelusendvo. ¹³ Ekugcineni lemilayeto yaSimakadze ku Joshuwa, Joshuwa wanika indvodzana yaKhalebu yase Jefune umsebenti walelive kulesive saka Juda, Khiriyathi Aba, loku ngu , Hebroni (Aba bekunguyise wa Anakhi). ¹⁴ Khalebu wakhokhela ngaphandle emadvodzana a Anakhi lamatsatfu: Sheshayi, Ahimani kanye na Thalimayi, situkulwane sa Anakhi. ¹⁵ Wanyukela etulu sukela lapho wayomelana netakhamiti tase Debiri (Debiri lobekabitwa ngekutsi ngu Khiriyathi Seferi). ¹⁶ Khalebu watsi, ''Labantfu labahlasela Khiriyathi Seferi phindze balibamba, kuye ngitoniketa Akhisa indvodzakati yami abe ngumfati.'' ¹⁷ Ngesikhatsi Othniyeli indvodzana ya Khenazi, umnakabo Khalebu, alibamba, Khalebu wamnika Akhisa indvodzakati yakhe abengumfati. ¹⁸ Masinyane emvakwaloko, Akhisani weta ku Othniyeli phindze wamncenga kutsi acele babe wakhe insimu. Nakehla embongolweni yakhe, Khalebu watsi kuye, '''Yini loyifunako?'' ¹⁹ Akhisa waphendvula, ''Ngentele umusa, ngalokutsi songinikile lelive le Negevu: Phindze nginike netiyalu temanti.'' Ngako Khalebu wamnika tiyalo letingetulu phindze naletingaphansi. ²⁰ Loku ke bekuyindlalifa yalesive saka Juda, lusendvo ngelusendvo. ²¹ Emadolobha beka esive saka Juda ngaseningizimu, kusondzela nemincele yase Edomu, bekungu Khabzeli, Ederi, Jaguri, ²² Khina, Dimona, Adada, ²³ Khedeshi, Hazori, Ithina, ²⁴ Zifi, Thelemu, Bheyalothi. ²⁵ Hazori Hadatha, Kheriyothi Hezroni (bekwatiwa ngekutsi yi Hazori), ²⁶ Amamu, Shema, Molada, ²⁷ Hazari Gada, Heshimoni, Bethi Pelethi, ²⁸ Hazari Shuwali, Bherisheba, Bhiziyothiya. ²⁹ Bhala, Iyimu, Ezemu, ³⁰ Eltholadi, Khesili, Horima, ³¹ Ziklagi, Madimana, Sanisana, ³² Lebayothi, Shilihimu, Ayini, kanye ne Rimoni. Lawa bekungemadolobha langemashumi lamabili nemfica asa onkhe, kufaka ekhatsi nemiti yabo. ³³ Ematsafeni bekune Eshithayoli, Zora, Ashina, ³⁴ Zanowa, Eni Ganimu, Thaphuwa, Enami, ³⁵ Jarimuthi, Adulamu, Sokho, Azekha, ³⁶ Sharayimu, Adithayimu, kanye ne Gedera (lekuyi, Gederothayimu). Lawa ngemadolobha lalishumi nakune ngenombolo, kufaka ekhatsi tindlu tabo. ³⁷ Zenani, Hadasha, Migidaligadi, ³⁸ Dileyani, Mizpha, Joktheli, ³⁹ Lakhishi, Bozkhathi, Egloni. ⁴⁰ Khaboni, Lahamasi, Khithilishi, ⁴¹ Gederothi, Bethi Dagoni, Nama, Makkheda. Lawa ngemadolobha lalishumi nesitfupha ngenombolo, kufaka ekhatsi tindlu tabo. ⁴² Libna, Etheri, Ashani, ⁴³ Ifitha, Ashina, Nezibi, ⁴⁴ Kheyila, Akzibi, Maresha. Lawa ngemadolobha layimfica, kufaka ekhatsi netindlu tabo. ⁴⁵ Ekhironi, nemadolobha lasemacentselweni kanye netindlu; ⁴⁶ kusukela e Ekhironi kuya elwandle lolukhulu, yonkhe imiti lebeyidvutane ne Ashidodi, kufaka ekhatsi imiti. ⁴⁷ Ashidodi, nemadolobha lasemacentselweni, kufaka ekhatsi nemiti yabo; Gaza, nemacentselo emadolobha kufaka ekhatsi nemiti yabo; kuya emfudlaneni wase Gibhithe, phindze nakulelwandle lolukhulu kanye nelusentse lwalo. ⁴⁸ Eveni letintsaba, Shamiri, Jathiri, Sokho, ⁴⁹ Dana, Khiriyathi Sana (lekuyi, Debiri), ⁵⁰ Anabi, Eshithemo, Animu, ⁵¹ Gosheni, Holoni, kanye ne Gilo. Lawa ngemadolobha lalishumi nakunye, kufaka ekhatsi imiti yabo. ⁵² Arabi, Duma, Eshani, ⁵³ Janimu, Bethi Taphuwa, Aphekha, ⁵⁴ Humtha, Khiriyathi Ariba (lokuyi, Hebroni), kanye ne Ziyori. Lawa ngemadolobha layimfica, kufaka ekhatsi imiti yabo. ⁵⁵ Mayoni, Kharimeli, Ziphi, Jutha, ⁵⁶ Jezreyeli, Jokdeyamu, Zanowa, ⁵⁷ Khayini, Gibeya, kanye na Thimina. Lawa ngemadolobha lalishumi, kufaka ekhatsi imiti yabo. ⁵⁸ Halhuli, Bethi Zuri, Gedori, ⁵⁹ Marathi, Bethi Anothi, kanye ne Elthekhoni. Lawa bekasitfupha emadolobha, kufaka ekhatsi imiti yabo. ⁶⁰ Khiriyathi Bhali (lokuyi, Khiriyathi Jerimu), kanye ne Rabha. Lawa bekamabili emadolobha, kufaka ekhatsi imiti yabo. ⁶¹ Ehlane, bekuyi Bhethi Araba, Midini, Sekhakha, ⁶² Nibishani, lidolobha la swayi, kanye ne En Gedi. Lawa ngemadolobha lasitfupha, kufaka ekhatsi imiti yabo. ⁶³ Kepha ema Jebhusi, takhamuti tase Jerusalema, sive sema Juda asikhonanga kubakhokhela ngaphandle, ngako ema Jebhusi ahlala lapho nesive saka Juda kuze kube ngulelilanga leli.