¹ Nyalo Joshuwa besekagugile ngesikhatsi Simakadze atsi kuye, ''Sewugugile, kepha kuselive lekumele litsatfwe. ² Leli ke live lelisele: Tonkhe tifundza temaFilisti, kanye nabo bonkhe base Gebhushiri, ³ kusukela eShihori, lengasemphumalanga neGibhithe, phindze ngasenyakatfo eminceleni yase Ekhironi, leyatiwa ngekutsi yindzawo yema Khenani; babusi labasihlanu bema Filisti, labo base Gaza, Ashidodi, Ashikeloni, Gathi, kanye ne Ekhironi-indzawo yema Avvites. ⁴ Eningizimu (indzawo yema Avvites); lonkhe live lema Khenani, kusuka e Ara yema Sidoni, kuze kube se Afeki leseminceleni yema Amorithe; ⁵ live lema Gebhalithe, onkhe ema Lebanoni kuya ngasemphumalanga, kusuka eBhali Gadi ngaphansi kwentsaba iHerimoni kuya eLebo Hamathi. ⁶ Phindze, tonkhe takhamiti telive letintsaba kusukela eLebanoni khashane njenge Misirefothi Mayimu, kufaka ekhatsi bonkhe bantfu base Sidoni. Ngitabakhokha ngaphandle kwemabutfo aka Israyeli. Yibanesiciniseko kutsi unika lelive laka Israyeli balabele, njengoba ngilayetile. ⁷ Hlukanisa lelive kuletive netiyimfica kutsi tilabele phindze nencenye yalesive sema Manase.'' ⁸ Incenye yalesive sase Manase, saka Rubeni kanye nesaka Gadi bebasemukele sabelo sabo labanikwa sona ngu Mose ngasemphumalanga ne Jodani, ⁹ sukela e Arowa, lesemacentselweni wemfula i Arinoni gorge (kufaka ekhatsi lidolobha lelisemkhatsini we gorge), kuya kuyoyonkhe lendzawo lecendzile yase Medeba khashane ne Diboni; ¹⁰ onkhe emadolobha eSihoni, inkhosi yema Amorithe, labebusa eHeshiboni, kuya eminceleni yema Amoni; ¹¹ Gileyadi, kanye nesifundza selive lema Geshuri nema Makha, onkhe entsaba iHerimoni, onkhe ema Bashani kuya ku Salekha; ¹² wonkhe umbuso we Og eBashani, lowabusa e Ashitharothi kanye ne Edreyi-loku ngulobekusele kulesive sema Refa-Mose wabancoba wabakhokhela ngaphandle. ¹³ Kepha bantfu baka Israyeli abazange babakhokhela ngaphandle ema Geshiri nome ema Makhathi. Kepha, Geshuri kanye na Makhathi bebahlala kuma Israyeli kuze kube ngulelilanga. ¹⁴ Esiveni sa Levi sodvwa Mose akabaniketanga sabelo. Umnikelo wa Simakadze, nkulunkulu wema Israyeli, lewentiwe ngemlilo, lokusabelo sabo, njengoba Nkulunkulu asho ku Mose. ¹⁵ Mose waniketa indlalifa kulesive sa Rubheni, lusendvo ngelusendvo. ¹⁶ Indzawo yabo beyiyaka Arowa, emngcengcemeni wemfula i Arinoni gorge, futsi nalelidolobha lelisemkhatsini walomsaho, kanye nayoyonkhe lendzawo ngase Medeba. ¹⁷ Rubheni wamukela Heshiboni kanye nawo onkhe emadolobha lakulendzawo, Diboni, kanye na Bamothi Bali, phindze na Bethi Bali Meyoni, ¹⁸ kanye na Jahazi, phindze na Kedemothi, na Mefathi, ¹⁹ kanye na Kiriathaim, kanye na Sibma, phindze na Zerethi Shahari entsabeni yalesihosha. ²⁰ Rubheni waphindze wamukela Bethi Peori, nemehlela we Pisgah, Bethi Jeshimothi, ²¹ onkhe emadolobha akulendawo, phindze nayoyonkhe imibuso yase Sihoni inkhosi yema Amorithe, lababusa eHeshboni, labo Mose labancoba kanye nebaholi base Midian, Evi, Rekemi, Zuri, Huri kanye na Reba, inkhosatana yase Sihoni, lobekahlala kulelive. ²² Bantfu baka Israyeli nabo babulala ngenkemba Bhalamu indvodzana ya Bheyori, lobekasangoma, kulabalabanye labebababulele. ²³ Umncele wesive sa Rubheni ngumfula iJodani; loku ngumjubo wabo. Loku bekusabelo salelive la Rubheni, siniketwe lusendvo ngelusendvo, kanye nemadolobha netindzawo tabo. ²⁴ Loku ngilokwaniketwa ngu Mose esiveni saGadi, lusendvo ngelusendvo: ²⁵ Live labo kwakungu Jazeri, onkhe emadolobha aGiliyadi nencenye yalendzawo yema Amorithe, kuya ku Aroyeri, leseceleni ne Raba, ²⁶ kusukela eHeshiboni kuya eRamathi Mizpha phindze ne Bethonimu, kusukela eMahanayime kuya kulendzawo ya Debiri. ²⁷ Etihosheni, Mose wabanikete Bethi Haramu, Bethi Nimura, Sukhothi, phindze naZafoni, lokusele kwalombuso wa Sihoni inkhosi yase Heshibhoni, nale Jodani ingumncele, kuya phansi ekugcineni kwalomfula iKinerethi, ngasemphumalanga ye Jodani. ²⁸ Lesi sabelo sabelo salelive la Gadi, lusendvo ngelusendvo, nanemadolobha netindzawo tabo. ²⁹ Mose waniketa sabelo kulencenye yesive sa Manase. Bekutjelwe lencenye yalesive setitukulwane ta Manase, lusendvo ngelusendvo. ³⁰ Indzawo yabo beyiyase Mahanayimu, onkhe emaBhashani, wonkhe umbuso wa Og inkhosi yase Bhashan, phindze nawo onkhe emadolobha a Jayiri, lase Bashani, emadolobha lamashumi lasitfupha; ³¹ incenye ya Giliyadi, kanye na Ashitharothi kanye na Edireyi ( emadolobha ase Og eBhashani). Lawa ke bekaniketwe titukulwane ta Makiri indvodzana ya Manase-incenye yalabantfu ba Makiri, lusendvo ngelusendvo. ³² Lesi ke lifa Mose labaniketa lona ematsafeni aMowabi, ngesheya kwe Jodani ngasemphumalanga ne Jerikho. ³³ Mose akazange abanika lifa kulesive sa Levi. Simakadze, Nkulunkulu wema Israyeli, ulifa labo, njengoba asho kubo.