¹ Nyalo ke leti tinkhosi tale live, lamadvodza aka Israyeli labancoba. Ema Israyeli atsatsa sikhundla kulelive belingase mphumalanga ne Jodani lapho lilanga liphuma khona, kusukela esihosheni semfula i Arinoni kuya entsabeni iHerimoni, phindze nawo onkhe ema Arabha kuya ngasemphumalanga. ² Sihoni, inkhosi yema Amorithe, bebahlala eHeshibhoni. Abebusa kusukela e Aroyeli, lokusemngcengcemeni we Arinoni Gorge sukela emkhatsini welutsentse, phindze nencenye ye Gilead kuya phansi e emfuleni weJabbok emnceleni wema Amonithe. ³ Sihon waphindze wabusa ku Arabha elwandle lwase Khinerethi, kuya emphumalanga, elwandle lase Arabha (lwandle lelunaswayi) nawubheka emphumalanga, yonkhe indlela kuya e Bhethi Jeshimothi phindze kubheka eningizimu, ngasemaceleni entsaba iPisgah. ⁴ Og, inkhosi ya Bhashani, lomunye loyincenye yema Rephaim, lobekahlala eAshtaroth nase Edrei. ⁵ Wabusa etikwentsaba iHemoni, Salekha, nakuwo onkhe ema Bhashani, kuya emnceleni walabantfu base Geshu phindze nema Maacathites, kanye nencenye yema Gileyadi, kuya eminceleni yase Sihoni, inkhosi yase Heshibhoni. ⁶ Mose inceku yaSimakadze, kanye nebantfu baka Israyeli besebabancobile, ngako Mose inceku yaSimakadze, waniketa lendzawo kutsi ibesabelo esiveni sema Rubeni, kuma Gadi, kanye nencenye yesive sema Manasseh. ⁷ Lawa ke ngemakhosi elive lawo Joshuwa nebantfwana baka Israyeli babahlulekisa ngasenshonalanga yase Jodani, kuchamuka eBhali Gadi esihosheni madvutane neLebanoni kuya entsabeni iHalakhi madvutane neEdomu. Joshuwa waniketa lendzawo kulesive saka Israyeli kutsi balabele. ⁸ Wabanika live letintsaba, ematsafa, ema Arabha, emaceleni etintsaba, lihlane, kanye ne Negevu-live lema Hittites, Amorithe, emaKhenani, emaPherizithe, emaHivites, kanye nema Jubusites, ⁹ Lamakhosi afaka ekhatsi emakhosi aseJerikho, inkhosi yase Ayi leseceleni kwe Betheli, ¹⁰ inkhosi yase Jerusalema, inkhosi yase Enayime, ¹¹ inkhosi yase Jamuthi, inkhosi yase Lakhishi, ¹² inkhosi yase Egloni, inkhosi yase Geza, ¹³ inkhosi yase Debiri, inkhosi yase Gederi, ¹⁴ inkhosi yase Horima, inkhosi yase Aradi, ¹⁵ inkhosi yase Libna, inkhosi yase Adulamu, ¹⁶ inkhosi yase Makheda, inkhosi yase Betheli, ¹⁷ inkhosi yase Thaphuwa, ¹⁸ inkhosi yase Heferi, inkhosi yase Afeki, inkhosi yase Lasharoni, ¹⁹ inkhosi yase Madoni, inkhosi yase Hazori, ²⁰ inkhosi yase Shimuroni Meroni, inkhosi yase Akhishafi, ²¹ inkhosi yase Thanakhi, inkhosi yase Megido, ²² inkhosi yase Khedeshi, inkhosi yase Joknayamu eKhameli, ²³ inkhosi yase Dori eNafothi Dori, inkhosi yase Goyimu eGiligali, ²⁴ kanye nenkhosi yase Thiriza. Lenombolo yalamakhosi beyingemashumi lamatsatfu nakunye seka onkhe.