¹ Wori nirora orwire oruyaya ne ekyaro kiyaya, kwo kubha orwire rwo kwamba ne ekyaro kyo kwamba gyamarire kutura noro mang'ana gariga gatario. ² Narorere omunsi omweru, Yerusalemu inyaya, inu yejire ansi okusoka murwire ku Nyamuwanga, gunu guandariwe rwo omwenga unu apambirwe ku songa yo murume waye. ³ Nonguwe insauti inene okusoka ku kitebhe kyo obhukama niyaikati, "RINGIRA"! obhwikasi mwa Nyamuwanga bhuri amwi na omwana wo munu, Nawe karama amwi nabho. Abhajo okubha bhanu bhaye, Na Nyamuwanga omwene kajokubha nabho na kajokubha Nyamuwanga webhwe. ⁴ Kajo okufuuta risiga okusoka mumeso gebhwe, woru rutakuja kubhao rufu kweki, noro okuomboreza, Noro kurira, Noro obhunyoke bho moyo, mang'ana ga kara gamarire kutura. ⁵ Omwene unu ariga ekaye iiguru ye ekitebhe kyo obhukama aikire, "RINGIRA" enikora mangana gone kubha mayaya, "Naika," mkarame rinu ku songa amang'ana ganu ni go obhuakika na ekimari. ⁶ Ambhwiriye amang'ana ganu gamarire kutura! Anye ni Alfa na Omega, kubhwambilo na kubhutero. Arabhe wone wone unu kongwa obhwiro Enimuyana ekyo kunywa tari kwa igarama okusoka ku chemichemi ya amanji go obhuoru. ⁷ Unu kaiga kagega amang'ana ganu, na enibha Nyamuwanga waye, one kabha mwana wani. ⁸ Nawe rwa kutyo iri ku bhanu abhobhaya, bhanu bhatana bhwikirisha, bhanu abhabhiisha, Abheti, Abhazimi, Abharosi, Bhanu abhenamira risusano, na abhabhei bhone, orubhara rwebhwe oruja okubha ku mwaro gwo omuriro gwe ekibhiriti gunu ogurungusha. Ruyo ndo orufu rwa kabhiri. ⁹ Umwi wa abhajuma saba ejire kwanye, umwi unu ariga ana amabhakuri ganu gejuye amapigo saba aga ku bhutero na aikireti, "Nuje anu." Enija okukweresha omwenga, omugasi wo omwana wa ing'ondi." ¹⁰ Kimwi angegere kula ku moyo mukima ekinene na ekirera a anyereshishe amanji owo moyo omweru, Yerusalemu, ukenka ansi okusoka murwire ku Nyamuwanga. ¹¹ Yerusalemu yariga ili na obhungi bhwa Nyamuwanga, na obhujomu bhwaye bhwariga rwa ekito kyo obhwera, rwa rigina rye ekirore safi rya Yaspi. ¹² Rwariga ruri na indugu inene, omurera gwe emiryango kumi na mbiri, amwi na abhajuma kumi na mbili ku miryango. Iguru miryango bhariga bhakaramire amasina ga amakabhira kumi na gabhili aga abhana bha Israeli. ¹³ Ku rubhara rwa mashariki gyariga girio miryango esatu, orubhara rwa kusini miryango esatu, orubhara rwa kasakazini miryango esatu, orubhara rwa magharibi miryango esatu. ¹⁴ Jindugu jo omusi jariga jine emisingi kumi na mbili, na iguru yajo gariga gariko amasina kumina gabhiri aga abharegi kumi na bhabhiri abho mwana wa ing'ondi. ¹⁵ Umwi unu aromere nanye ariga ori na ekipimo kya isimbo inu iroshibhwa kwa injahabu ku songa yo okupima omunsi, emiryango gyaye na jindugu jaye. ¹⁶ Omusi gwatuywe musi yo omuraba, obhurera waye bhwariga bhuri sawa na obhupana bhaye. Apimire omusi kwa ekipimo kya isimbo, stadia 12,000 kwa obhurera(obhurera bhwaye, obhupana na ekimo bhyasusene). ¹⁷ Apimire na indugu yaye, obhunene bhwaye bhwariga bhuri 144 ku bhipimo bhyo omwema wo omunu (bhinu bhiri bhipimo bhya abhajuma) ¹⁸ Indugu yariga yumbakirwe kwa yaspi na omusi gwa injahabu safi, rwe ekioo safi. ¹⁹ Emisingi gya indugu gyariga gipambirwe na gisina gyone gya amagina go obhwera, Eryu kwamba yariga riri yaspi, Erya kabhiri yariga riri yakuti samawi, Erya kasatu yariga riri kalkedon, Erya kana zumaridi, ²⁰ Erya katano sardoniki, Erya sita akiki, Erya saba krisolitho, Erya nane zadalajadi, Erya tisa yakuti ya manjano, Erya kumi krisopraso, Erya kumi na moja hiakintho, Erya kumi na mbili amethisto. ²¹ Emiryango kumi na embiri yariga, ibheye lulu kumi na ebhiri, noro muryango gumwi gumwi gutarosibhwe okusoka ku lulu imwi. Emitaa gyo musi gyariga giri njahabhu safi, nigendana rwe ekioo safi. ²² Tarorere rihekaru ryone ryone nausi yo musi, kwo kubha raata bhugenyi Nyamuwanga, unu katunga iguru ya abhone, na omwana wa ing'ondi ni hekalu ryaye. ²³ Omusi gwariga gutakwenda mumwi noro kwesi isonga okumurika iguru yaye ku songa obhungi bhwa Nyamuwanga bhwamurikaga iguru yaye, na itara ya ni mwana wa ing'ondi. ²⁴ Ebhyaro abhajo ribhata kwo obhweru bhwo musi guyo, Abhakama bhe ekyaro abhajoreta gifahari gyebhwe musi yaye. ²⁵ Emiryango gyaye gitakuja kwigarwa kukabhaga ka mumwusi, na itakuja kubhao ngeta arya. ²⁶ Abhajo okureta gifaha na ekibharo kye ebhyaro musi yaye. ²⁷ Na kitario kikote kinu kikengire musi yaye. Noro wone wone unu kakora ring'ana ryone ryone rya giswaro noro ryokujimya hatakwingira, isonga ni kubha rya era bhanu amasina gebhwe gakaramirwe ku kitabhu kyo obhuoru ekyo omwana wa ing'ondi.