¹ Kimwi nindora maayika nateremuka okusoka murwire anarufu nguro rwa mwitoko linu lita na bhutero ana mnyororo mnene mmabhoko gaye. ² Angwatire riisoro rirya ekisoro kya kala sitaani na mboya miaka helefu. ³ Amsukue mwitoko linu riitari na bhutero naribhoya na turako ekibharikisho iguru yae rinu ryambee kutyo iri asiga okujimia ekyaro tena paka miaka helefu anugilikinga insonga ya hayo kayatirwa kwo mwanya mfui. ⁴ Kimwi narorere ebhitembe bhya mukama bhanu bhaga bhabhyikarie ni bhaarya bhaga bhayaywe obhukama bhwa bhuramusi kutyo kutyo narorere emitima gya bhaanu bhaga sanirwe emitwe kunsonga ya bhusahidi bhwa Yeesu na kwa rigana rya Nyamuwanga. Bhaaga bha kyari kushengera itiianyi au isusano yae na bharemere okugega ekibhariki kisho iguru yabhisusu bhyebhwe na mabhoko, bhejire mubhuoru na bhatunga amwi na Kiriistu kwe miaka elfu. ⁵ Abhafue bhanu bhaga bhasigae bhateire mmbuoru mpaka anu miaka elfu gyakingire. Kunu ni kwo okusuruka kwo kwamba. ⁶ Mnekibharo na mu mtima omweru ni muunu woone woone unu kanyora omwanya okusuruka bhwo kwamba, orufu rwa kabhiri ruta na mang'a iguru ya bhaanu kama bhayo bharibhayo na bhashengesi bha Nyamuwanga na bha Kriistu na bharitunga no mwendye kwa miaka elfu. ⁷ Omwanya gunu miaka elfu girikinga kubhutero sitaani ari gurirwa okusooka mkifungo kyaye. ⁸ Arigenda okujimiya ekyaro bhara enne gye ekyaro aari kumanya amajeshi na gatuura amwi iri bharwane ebhita bhariba bhaafu kama mayaruu ga kumwaro. ⁹ Bhaagendere iguru kutambarare y kyaro bhoone bha bheindire ikambi ya bhekirisha omunsi guunu gwenderwe nawe omriro gwejire okusooka kurwire gubhocha. ¹⁰ Sitaani unu ajimishe eserwe gwo mriro muyo. Intiianyi na omuragi wo rurimi bha ga bheserwe bhaaripata ebhiteso mwisi na mgeeta kajanembe na kajanembe. ¹¹ Kimwi nindora ekitembe kya ombhukama kinene kieru na uriia aga ekaae iguru ya ekitembe ekyaro na rwire bhyambilimie kura okusooka anu bhyagabhiri Nawe yanga itariyo nafasi yembhwe kugenda. ¹² Narorere bhaanu bhaga bharafue abhayasi na bhanu bhaga bhatanaronerone bhayambae imbere yekitembhe kyo bhukama na bhyitabho bhifumburwa kimwi ekitabho kindi kifunwa kitabho kyo bhuoru, abhafue bhanu bharamuliwe kukilia kyaga kyandikirwe mo ebhikorwa bhya ganu bhaga bha korere. ¹³ Omwaro gwa sosishe ambafue bhanu bhaga bharimo orufu na kuzimu bhabhasosishe abhafue na bhafue bhaukumiwe kusookana na ebhykorwa bhybwe. ¹⁴ Orufu na kuzimu bhyeserwe mwaro gwo moriiro runu ndufu rwa kabhiri yaani mwaro gwo mriiro. ¹⁵ Kama lisina rya woone woone ritaonekee riandikirwe mukitaabho kya obhuoru eserwe mu mwaro gwo mriiro.