¹ Gayo gejire okutura nonguwe obhuraka kamati bhuraka bhunene bhwa bhanu bhafu okusooka kurwire niaiika "Haleluya obhwerusha obhugungyo na amananga ni bhia Nyamuwanga wenswe." ² Obhuramusi bhwae ni bhukweli na bhwisire mumeeso gaye.Kwo okubha aramue maalaya omukuuru unu anyamuye ekyaro kwo bhuuni bhwaye akorere ekisasi kwa manyinga ga tumwa bhaye ganu etire omwene. ³ Kumara ya kabhiri bhaiika "Haleluya ingesi isoke kumwene kajanembe na kajanembe." ⁴ Ambhakaruka bharia ishirini na bhana bhagwasi mbashengera Nyamuwanga unu ekae kukitembhe kyo bhukama bhaga mbaiika "Amina Haleluya." ⁵ Niwe obhuraka bhwa sookere Mkitembhe kyo bhukama niaiika. Mramie Nyamuwanga weswe emwe ambatuwa bhaye bhoone emwe bhanu ommeshe ngera omwene abhana na bhakuru." ⁶ Niwe nonguwe obhuraka kama bhuraka bhwa bhanu bhafu kama bhura mabhembaruka gamesho, mkabhuraka bhwa maji mafu niaiika "Haleluya Raatabhugenyi ni Nyamuwanga wenswe, omtungi iguuru ya bhoone bhanu abhatunga. ⁷ Kijomerwe na kimuyane obhugungyo okubha obhwenga bhwa omwana wa ing'ondi bhwijire na omwenga ambhe tayari. ⁸ Ayaywe kufwafibhwa nguobho ginu egimerementa (nguobho ginu egimerementa ni ebhikorwa bhiekisi bhya abhekirisha.) ⁹ Maayika nambwira "Yaandika ganu bhayaeywe ekibharo bhanu bhararikirwe mubhugenyi, mbhwenga bhwa mwana wa ing'oondi nambwira tena "Amangana ganu ga bhukweli ga Nyamuwanga." ¹⁰ Naguue imbere ya maguru gaye nimushengera nawe nambwira "Usige kukora kutyo anye nili mtumwa wejanyuu na muhiri wao wokugwata obhusaidi bwa Yeesu. Shengera Nyamuwanga kwo okubha obhushaidi bhwa Yeesu ni mutima gwo omurangi. ¹¹ Kimwi nindora orwire rwiguwe nindora imufarasi inyeru naunu agarinyire kufarasi kuyo kabhirikirwa mwaminifu na wa bhukweli. Obhuramusi bhunu bhwisire na kukora ebhita. ¹² Ameeso gaye nika sasi gaya muriro iguuru yo omutwe gwae ana mataji mafu anariisina rinuriandikirwe iguuru yae rinu atakumenya munu woone woone omwene raa niwe alimenyere. ¹³ Afuaye ngubho ingu itusibhwe mumanyinga na risiina riaye aga nabhirikirwa Eng'ana ria Nyamuwanga. ¹⁴ Amajeshi ga murwire gaga gamurumba gari kufarasi ginyeru bhafuafibhwe gingubho gijomu, Nyeru. ¹⁵ Mkanwa erisokamo ripanga ryo bhugi linu elita amataifa no omwene katunga kwa insimbho eekyuma omwene kutaja ebhinu bhyo obhukorwa kwa risungu rya Nyamuwanga katunga iguuru ya bhoone. ¹⁶ Nomwene aansikirwe iguuru wa ingubha yaye na kukinani chaee riisina OMKAMA WA BHAKAMA RAATABUGENYI WA BHAARATABUGENYI. ¹⁷ Narorere maarayika ayambaye kwisumbha Abhirikie kwa obhuraka bhunene ginyonyi gyoone ginu egibhuruka iguuru "Mjee mwikumanye amwi kubhiakurya bhia Nyamuwanga. ¹⁸ Mjee mriee inyama ya bhakama inyama ya bhakuru bha majeshi inyama ya bhanu a bhakuru inyama ya gifarasi na bhanu abharinya kufarasi na inyama ya abhanu bhoone bhanu bhano obhuru na bhatumwa abhana n abhakuru. ¹⁹ Narorere intianyi na abhakama bha ansi bhari amwi na amajishi gembwe bhaga bhepangire okurwanya ebhita na omusi aga arinyire kufaransi na rijeshi ryae. ²⁰ Intianyi yamgwatire na omurangi waye wolimi unu akorere ebhimenyegesho bhunu aga ario kwa ebhimenyengesho bhinu ajimishe bhanu bharamie ekibharikisho kya intianyi na bhanu bha shengee insusano yae, bhoone bhabhiri bhesenrwe bhari bhaoru mnyanja yo muriro gunu ongwaka. ²¹ Bhanu bhasingae bhetirwe na ripanga rinu rya sookere mukanwa omwa umwi unu. Arinyire iguuru ya ifaransi ginyonyi gyoone giarie emibhiri giembhwe.