¹ Kimwi omujuma nanyeresha oruji rwa amanji go obhuoru, amanji gariga gang'ara rwa ibhirauri. Gariga ngasoka kukitebhe kyo obhukama ekya Nyamuwanga ne ekya mwana ng'ondi. ² Kuturira agati yo ruguyo rwo omusi. Kira mbari yo oruji yariga ririwo riti ryo obhuoru, rinu eribhura aina ekumi na ebhiri gya amatunda, na eribhura amatunda kila kwesi. Amasha ni kusonga yo obhwerusi bhwe ebhyaro. ³ Wara patakuja kubhao raana yone yone kweki. Ekitebhe kyo obhukama ekya Nyamuwanga na ekya omwana wa ing'ondi ekibha kirimo mumanji. Na abhatumishi bhaye abhamutumikira. ⁴ Abhajomurora obhusu bhwaye. Na risina ryaye Erijokubha iguru ye ebhisusu bhyebhwe. ⁵ Patakuja kubhawo ngeta kweki, wala patakuja kubhawo bhwendi bhwo obhweru bhwa itara noro mumwi ku songa raata bhugenyi Nyamuwanga. Ikabha mweru iguru yebhwe. Nabho abhajotunga kaja nende na kaja nende. ⁶ Omujuma namwira, amang'ana ganu nigo bhwikirisha na niga kimari. Raata bhugenyi Nyamuwanga we emoyo gya abharagi, Atumire omujuma waye okubheresha abhatumishi bhaye kinu ekijo okuja /okubhonekana ku mwanya gwa ayeyi. ⁷ Ringira! Enija bhwangu. Ano bhwera unu kekirisha amang'ana go obhuragi bhwe ekitabhu kinu. ⁸ Nanye, Yohana, nonguwe no okurora amang'ana ganu. Kutyo nagonguwe nokugarora naguwa ansi anye omwene imbere ya amaguru go omujuma okumwinamira, omujuma unu anyereshishe amang'ana ganu. ⁹ Nambwira, siga kukora kutyo! Anye mutumishi wejanyu, Amwi na abhaili bhao abharagi, Amwi na bharya bhanu abhekirisha amang'ana ge ekitabhu kinu, Ebhenamirwa Nyamuwanga. ¹⁰ Nambwira, siga kutako orubhano amang'ana go ubhuragi bhwe ekitabhu kinu, kwo kubha omwanya guri ayeyi. ¹¹ Unu atari no obhurengeresi/ekibharo, Agenderere okurema okubha no obhurengesi/ Ekibharo. Unu ari mukote wa itungwa, Na agenderere kubha mukote wa itungwa, owe. Ekibharo na agenderere kubha we ekibharo. Unu ano omoyo omweru agenderere kubha no omoyo omweru. ¹² Ringira! Enija bhwangu. Omushaara gwani guri hamwi nanye, okumuripa umwi umwi okwingara na gunu akorere. ¹³ Nanye Alfa na Omega, owo kwamba na owa ku bhutero. Kubhwambiro na kubhutero. ¹⁴ Bhanu obhwera bhanu abhosha gingubho gyebhwe isonga bhabhone obhurengeresi obho kurya kwiti ryo obhuoru na okwingira mumusi okuturira mwiryango/mumuryango. ¹⁵ Anja iriwo imbwa, abharosi, abhasherati, abheti bhanu abheramira amasano, na unu kenda na ashuhudie obhushahidi bho rubhei. ¹⁶ Anye, Yesu, numutumire omujuma wani okubhashuhudia ku mang'ana ganu mu ma terejia. Nanye omusherati wo rwibhuro rwa Daudi, inyota ya katondo inu eing'ara." ¹⁷ Omoyo na omwenga haike, "Ija!"Na unu kongwa haike, "Ija!" Wone wone unu anobhwiro, na aje na wone wone unu katamani, na abhone amanji go obhuoru bhwa bure. ¹⁸ Enimushuhudia omunu unu kongwa amang'ana go obhuragi bhwe ekibhu kinu: Arabhe wone wone kongesha ku ganu, Nyamuwanga kamongeresha amapigo ganu gakaramirwe ku kitabhu kinu. ¹⁹ Arabhe munu wone wone unu aragasosheo amang'ana ge ekitabhu kinu ekyo obhuragi. Nyamuwanga kajokusoshao orubhara rwaye kwiti ryo obhuoru. Na ku musi go omoyo omweru, Gunu giabari gyaye gikaramirwe munsi ye ekitabhu kinu. ²⁰ Unu kashuhudia amang'ana ganu haike, Ambe! Enija bhwangu," Amina! Nuje, raata bhugenyi Yesu. ²¹ Inema ya Raata bhugenyi Yesu ibhe na kira munu Amana.