¹ Arabha kutyo jitakutura okwigumilisha ejiganilisha kwa okubha bhjomu okusikgara elya Ateene abhene. ² Nichituma Timotheo omuyili weeswe. Omukosi wa Nyamuwanga ameresho ga Eristu okubhakomesha na okubhasimbisha na likirisha lyemwe. ³ Jikore gaayo asige ookubhao one one na sibhire inguru ya ebhinyaasyo bhinu. Emwe abheene mumenyere ati echikenwa chiture. ⁴ Kwa okubha omwanya gunu chaariga chiri aamwi na emwe chatagatire okubhabwira kyaliga ayeyi okurola jinyako na gayo gasokere kutyo mumere. ⁵ Kokubha kutyo nejire natamibwa okwigumiilisya lyemwe amwi syetaani omuregesi urya aabhaerege ejere emilimu joone jinu chakorere jitaribha na omururo. ⁶ Kokubha Timoteewo aasubhire kwese kusokerere kwemwa na Kiretere amagana amajomu inguru ya obwikirisha ryemwe aachibwira ati omuchijuka Bhujomu inguru Yeeswe rwa kutyo eswe bhoone chiri na obwiru bwa okubhugana na eswe. ⁷ Mbe abhayiri bheeswe, amag'ana inguru ya Eriikirisya ryemwe jaasimbiisya emyoyo jeeswe munyaako na mumbhinyaasyo bhyeswe bhyone. ⁸ Woori emioyo jeeswe ejikonderwa muno kwa kubha emwe omugendelere okurumatana ku Raatabhugenyi. ⁹ Risima liyae chimuyane Nyamuwanga weeswe achiyaye rikonderwa mbele ya Nyamuwanga inguru yeesye. ¹⁰ Ejisabwa mungeta na mumwisi jiture kujilora obhusu bweeswe na kuchongesha jinu chikeene kuryenda riyeeswe. ¹¹ Nyamuwanga weeswe na Raata weeswe aamwi na Raatabhugenyi weeswe Yeesu achitagatie kunjira yeeswe jikinga kwemwe. ¹² Raatabhugenyi abhoongesye eryenda mugenderere okwendana muno emwe abhaeene kwa abheene, mwende bhone abhanu abhandi bhoone rwa kutyo eswe wone achibheenda. ¹³ Akomesha emitima jeemwe korereki mubha abheeru abhanyamburya esoro mumeso ga Nyamuwanga Raata weeswe omwanya gu Raatabhugenyi weeswe Yeesu alisubha aamwi na abheeru bhaaye bhoone.