¹ Kwo kubha emwe ebhene mumenyere, abhayiiri bhaani ati okuja kwemwe kweswe kutari kwa bhusa. ² Mumenyere ati kubhwambiro kyanyakire na bhakinyasha kwa giswaro ere Filipi, rwakunkutyo mumenyere. Kyariga kiarire okugenda ku Nyamuwanga okwaika rikana ra Nyamuwanga. Okwaika munyango inyafu. ³ Kwo kubha amang'ana gweswe gatari na bhubhibhi, gatari na bhuchafu na gatari na bhujimiya. ⁴ Kwo kubha nkutyo nyekirishenyishe na Nyamuwanga na kwikirisibhwa rikana ryae, nkutyo kyabhiribhwe. Ekyaike ntari kwe kujomisha bhanu, ekyaika okumjomishe Nyamuwanga. Omwene era nuwe omuringirisi wa gikoro gweswe. ⁵ Okubha atakiaye amang'ana ga kwikora mwanya gone gone, rwakutyo mumenyere ati kitakorere amang'ana ga kwibheeresha kwa obhunyamuke bhweswe, Nyamuwanga muremesi weswe. ⁶ Eswe kiterondere obhugungyo kubhanu, kusoka kwemwe au kubhanu abhandi. Kikendere okusabha okubha imbere rwakutyo watumwa wa Kriistu. ⁷ Nawe eswe kyabhee bhafura imbere wemwe rwakutyo mai endere abhana bhaye omwene. ⁸ Kunjira inu kibhee na obheendwa kwemwe kyabhee amwi kubhabhwira obhurasha bhwa Nyamuwanga, nawe na obhurame bhweswe abhene. ⁹ Kwo kubha mubhee bhasani bhani. Kwo kubh abhayiiri bhaani mumenyere mirimu na inyako yeswe. Mgeta na mumwisi kyariga kikore mirimu, kyasige kuringirira munu wone wone. Omwanya guyo kyabhabhwirie obhurama bhwa Nyamuwanga. ¹⁰ Emwe nemwe abharagi na Nyamuwanga wone, kubhweru bho moyo wa kutiki, ekimari, ubhibhi rwa kutyo kigandere eswe abhwene imbere wemwe omubhakuya. ¹¹ Kutyo kutyo mumenyere kwa kutiki kila munu wemwe rwekutoa Rata abhee na abhana, kyabhakomashishe na kubha yana omwoyo. Nyabhabhwirie. ¹² Mwendaga mugende rwakutyo mubhubhee obhwikirisha bhwemwe ku Nyamuwanga unu abhabhirikie mubhukama na ubhurama bhaye. ¹³ Kwo kubha ori ekimunuya Nyamuwanga kila mwanya. Kwo kubha kumwanya guyo gunu kyaramie kusoka kweswe amang'ana ga Nyamuwanga ganu moaguwe ne ganu mwaramie ritari egana ra mwana bhanu. Kusonga iyo muramie kama kutyo imbere, rigana ra Nyamuwanga. Rigana rinu niro erikora mirimu kama kutyo emwe bhanu muwekirishishe. ¹⁴ Ori kutyo abhayiiri, mubhe bhanu bhe kwiingira mumahekalu ga Nyamuwanga ganu gabhee bhuyahudi ku Kriistu Yeesu. Kwo kubha emwene wone muwanyakire kumang'ana gara gara okusoka kubhinu bhwemwe, rwakutyo yagaibhee okusoka kubhayahudi. ¹⁵ Bhaga bhabhee abhayahudi nibho bhetire Raatabhugenyi Yeesu, amuwi ne abharagi. Abhayahudi nibho bhakibhirimishe nisoka ibhara. Bhata mjomeshishe Nyamuwanga nibho abhasoko bha bhanu bhone. ¹⁶ Bhakiganyishe okwaika na Bhamataifa ati bhanyore okwerusibhwa. Obhubhibhi bhwebhwe ni ati bhaehagenderera na ebhikayo bhwebhwe. Kubhutero ing'anga eniija iguru yebhwe. ¹⁷ Eswe abhayiiiri kyariga kisigena nemwe kwe mwanya mufui, kimubhiri, ntari kimoyo. Kyakorere kwo ubhuturo bhweswe na omwoyo omukuru okurora ubhusu bhwemwe. ¹⁸ Kwo kubha kyedaga okuja kwemwe, anye Paulo, imara yo kwamba na imara ya kembhiri, sitani akinganyishe. ¹⁹ Kwo kubha okuyara kweswe niki imbereeyo, okujomerwa kweswe na itaji okhokwirora imbere ya Raatabhugenyi weswe Yeesu omwanya gwo kusubha kwaye. Atari eswe muno muno rwakutyo bhabhee abhandi. ²⁰ Kwo kubha emwe ni ubhurame na okwikuya kweswi.