¹ Ori bhairi bhani ekibhayana omwoyo okusabha kwisina rya Yeesy Kriistu rwakutwo mwanyorere amang'ana okusoka kuweswe kwa kutwo omwenda mugende okumujomesha nyamwanga kunjira iyo mugenderere nokukora muno muno. ² Kwokubha mumenyere amang'ana ganu kyabhayaye okusokerera Kurata bhugenyi Yeesu. ³ Kwokubha gayo nigo amajomerwa ganyamwanga mwere emioyo kororeki musige ebhikoro ebhibhi. ⁴ Kwokubha kira oumwi weswe amenyere kutwo okenda okwikara na omugasi waye omwene kwobhujomu na gikumyo. ⁵ Siga kubha na mugasi kwa majomerwa gamubhiri rwabhanu bhanu bhatakumumenya nyamwanga. ⁶ Asige okubhao omunu wowone owakwambukana okumuyabhya omuyiri waye kwa ling'ana riyo. Kwokubha Rata bhugenyi niwe omwene karipa amasiri kumang'ana gone gayo rwakutwo kyakangatire okubhaganya na kubhabhwira. ⁷ Kwokubha Rata bhugenyi atakibhirikie kwa mabhibhi nawe kwobhweru bhyomoyo. ⁸ Kwokubha unu karema linu atakurema bhanu nawe karema nyamwanga unuakiayaye omwoyo mweru gwaya. ⁹ Kubhwendi bhwa bhairi bhao itario nyanko yamunu wone wone kukaamira, kwakubha kye igisibhwe na nyamwanga okwendana abhene kwabhene. ¹⁰ Kwokubha mwakorere kutwo kubhairi bhemwe abhanu bhabheye Makedonia yone, ekibhasabha abhairi mukore kweki na kweki. ¹¹ Ekibhasiga mwikare kubhurame bhwekisi okumenya emirimu geswe rwakutwo kyabhabhwiriye. ¹² Kora ganu oli ugende kujomu kubhanu bhatari na bhwikirisha, nawe usige kubhurwa chone chone. ¹³ Kitakwenda emwe mumenye ganu gatari majomu emwe abhairi bheswa iguru yabhayo bhafunye mwone mwasiga kurumbara rwabhandi bhanu bhatari na kimari kunyamwanga guyo oguja. ¹⁴ Rabhe kimenyere ati Yeesu afuge nokusuka kweki, kutyo kutyo nyamwanga aribhareta amwi na Yeesu bhayo mbanu bhafuye kumwene. ¹⁵ Kwagayo ekibha bhwira emwe ring'ana ryarata bhugenyi, ati eswe abhanu kibheye bhaoru bhanu kilibhagao omwanya gwokuja kwaye Rata bhugenyi, ebhukweri kitari bhakang'atira bhanu bhafue. ¹⁶ Kwokubha Rata bhugenyi omwene arija kusoka murwirwe. Alija nobhuraka obhunene amwi nobhuraka bhwa maraika omukuru, amwi nomuungurumo gwa nyamwanga, bhafuye bhone Kriistu bharisuka okwamba. ¹⁷ Eswe bhanu kiribhaoru, bhanu kisigaye kirinyokana murwire amwi nabho okumuramira Rata bhugenyi mumuyaga. Kwainjira inu kilibhana Rata bhugenyi mwanya gwone. ¹⁸ Orimuyanane omwoyo abhene kwa bhene kwa mang'ana ganu.