Okoi Unuk Ko Tong Allah ¹ Ke me sulet ye penawekan ali pertengkaran ye jaji ke etang ko? iro be asal ke kawan pengakan ko ye aur ngelawen te suang unuk ko dian ngeto kesenangan denia? ² Ko kakan, et beloh mahan, belalu ko kakan munu. Ko behiri nare ate ali beloh mahan ye, ko bulo tanteng , rawek, ko sika sa mahan leka ko sa kaweng. ³ Ko kaweng, et sa mahan leka ko kaweng ali alasan ye sala ye iro dian nempuas na akan ko nge denia ihe. ⁴ Hei, ko ye kawan pezina, sa ke toan ko bila be uyang ali dunia, da pejaji unuk da musuh Allah? ⁵ Ya ko memikir kitab suci beloh naan sebab ngulek-ngulek, " Roh" ye suang Allah te suang unuk taka ye na akan Da ye ngewoyu? ⁶ Ye iro, Allah ngokoi anugerah ye na akoi tong ke lawi .Leko iro, Kitab Suci ngulek, " Allah ngelawen ulun ye sakah, et se bali ye ngokoi kasih sayang anugerah tong ulun ye sa rendah ate. ⁷ Leka iro, okoi unuk kontong Allah. Lawen setan, maka da sagar mensit ke ko. ⁸ Senrani tong Allah, ali Da sagar dani tong ko. Bui berasih kani ko, kawan ulun badosa, awat di jaranis ate ab, kawan ulun ye mendua ate. ⁹ Ware ko bene-bene menyasal pelor nangis lelang ngerodoi ; dian oka ko beubah jaji tangis nelang ka ego ko jaji nare aseng. ¹⁰ Sa sakah sombong ate ko te hadapan Tuhan. Maka Da sagar ngengkat ko jaji mo. ¹¹ Kawan erai butung kawus, ya mengke pesala ngulek hal ye daat ali kawan uyeng ko. Ulun ye ngulek ye daat leen erai butung da, ye ngadili erai butung da, ngulek ngelawan hukum ali ngadili hukum. Aka ko ngadili hukumko sa sih ko ulun ye ngene hukum ye iro melainkan jaji hakim ye. ¹² Je naan erai ye tau ngakoi hukum ali hakim ye iro Da ye naan kuasa nyelamat nelang ngebinasa; jaji dase ye ko empe ko kakan pesala atawa ngehakimi sesama ko? ¹³ Nehe, dingga ye lah hei ko ye ngulek, " olo ho atawa tande kain sagar tulak tong jaa ihe ali iro, nondo te biduh suang erai taun, bedagang, ali mahan keuntungan, " ¹⁴ padahal ko sa ke toan se ye sagar jaji ali pemolum ko tande. Se arti pemolum ko? Pemolum ko iro nget uap ye ite ere erep, uli kero jaweh. ¹⁵ Ko sebujur ye ngulek, "aka Tuhan nge ga kain sagar bolum ali ngene ihe atawa iro." ¹⁶ Et nehe ko beperagah suang ke sakah ko ; beperagah nget iro ye daat. ¹⁷ Aka, se senu ulun ketoan nget me ngene ye buen, et da sa ngene ye, da bedosa.