¹ Na Jaga Enggau Tola Ye Naotus Taka. Kawan erai butung ap, ya hantap deo ke ekang ko ye kakan jaji guru leka ko ketoan taka ye ngajar sagar na adili ali ukuran ye lewi doyat. ² Taka kawus be sala suang deo hal. Aka naan ulun ye se pini be sala suang bepaner ye, da ye ulun ye sempurna, ye mahan nguasa kawus tongga. ³ Taka Masang tali nyuruk urung kuda dian da moyo ngetme na ga taka, ali taka ade ngendali kawus unuk kuda. ⁴ Teneng ade kapal-kapal, bele kapal nget me tamam solai tetap na oit ene enus ye tamam, kapal iro na kuasai ene pengemudi ye nget iro halus, ali nget me na ega juru kemudi ye. ⁵ Lola ye iro sama nget apui, erai bua denia kejahatan, ye na ondo te ekang bagian-bagian. ⁶ unuk ali ye mahan kejahatan kawus unuk da pesoya kawus tong pemelum taka sedangkan da gales ene apui neraka. ⁷ Leka, kawus masam setua liar ali tempulu, bangsa biawak ali setua ye bolum te laut danum iro ahan na tempatuh ali meresia, ⁸ et lola meresia eloh ahan na tempatuh ene mula erai ulun meresia , Lola iro daat lelang jahat eloh ahan na atur, ponu ali rasun ye ne pate. ⁹ Ali lola taka memberkati Tuhan ali Ma taka, et ali iro ade taka nyumpah ulun, ye apu na ene sama ali Allah. ¹⁰ Ke bowa ye sama keluar engan terima kasih ali engau sumpah se buen ye ya nget iro erai butung kawus. ¹¹ Se naan erai mate danum mahan ngeluar danum manis ali danum pait suang kitika ye sendro? ¹² Kawan erai butung ab, mahan lah tongga ara ngehasil bua zaitun; tongga anggur ngehasil bua ara? leka iro mate danum marat beloh mahan ngehasil danum ye buen segar. ¹³ Dase te ekang ka ye be hikmat ali bepengertian? dion ye ali sikap da ye buen, da mundru pengkoe-pengkoe da suang ye patut buen ali hikmat. ¹⁴ Et aka ko naan iri ali nare ate ye panu ali kecewa ali napsu kakan kuret galis te suang ate ko ya beperagah ali ya ngopau ngelawen kebenaran. ¹⁵ Hikmat nget iro sa dolui ke mo, et iro ke dunia, sa rohani ali daat. ¹⁶ Aka naan iri ate ali napsu ye solai ali kakan kuret gegales te biro naan parawekan, bulo tanteng ali segala macam pengkoe daat. ¹⁷ Hikmat ye sulet ke mo, pertama-tama ye murni, bersih, uli kero sanang be damai, ramah, marahati ponu ali asi nelang pangkoe patut, terbuka , ali bua-bua ye bulu sa ngebiah-ngebiah ali sa tau pura-pura. ¹⁸ Bua ye bene na asek suang damai ali kawan pendamai.