Pemerintah Dian Ulun-ulun Tatau ¹ Hei ulun-ulun tatau, dingga kam ! ngerodai ali nangis leka kam sangar kune kesusahan. ² Penatau ko apu boto, pama pakaian ko apu okan kemetei. ³ Amas ali perak ko apu be tagar, tagar ye sagar jaji saksi dian ngelawen ko lelang sagar apui man uang kawus unuk ko . Ko apu ngumpul harta te dani alo-alo pengawus. ⁴ Dingga, ko ye sa bayar upa tong kawan ulun ye bagawi te ume ko , nehe dali nekeriak ngelawen ko , lelang toak rodoi kawan ulun upaan apu empe ke lingga Tuhan semesta alam . ⁵ Ko apu bolum te denia suang belewian ali apu kesa ke senangan unuk gegales tesuang denia ihe , leen ye ko rahat pe bonok ate ko te suang olo na bunu . ⁶ Ko ngehukum lelang munu kuwan ulun ye beloh naan kesala , nelang dali beloh ngelawen ko . ⁸ Sabar Suang Kesusah ⁷ leka iro, kawan erai butung ab , ware ko sabar empe Tuhan sulet . Teneng nget me sabar ye erai ulun pengume ngemba empe tana ye ngeluar hasil ye beuman tong da , ali sabar da ngemba uran te musim kawan kayu beloh bedaon nelang uran te musim bunge . Buen ko ade sabar nelang sanang ate , leka olo penyulet Tuhan apu dani . ⁹ Kawan erai butung ab, ya ngutuk nelang ngempepe sala dian ko sa na hukum. Teneng, Da Hakim apu jakat te muka jaweng. ¹⁰ Kawan erai butung ab, ingat ko kawan nabi ye bapander te suang aran Tuhan, dali sabar nelang gagah nanggung kesusah buen ko neladan, sontoh dali. ¹¹ Dali na ulek sanang leka dali sabar. Ko apu keringga nget kesabaran da Ayub nelang ko ke toan nge me Tuhan suang pengawus ye memberkati da, leka Tuhan ponu ali asi ado nelang buen ate. ¹² Kawan erai butung kawus, te suang kawus ye; ya ko besumpah, demi langit, atawa demi tana atawa demi se lei. Buen " Oi" aka oi ali "Sa" aka sa dian ko sa kune hukum ene Allah. ¹³ Aka naan te botuk ko ulun ye desung kune kesusahan? ware da bedoa. Aka naan ye desung ego? buen da benyanyi mazmur. ¹⁴ Aka naan ye donggo? buen ko noak kawan penatua. ¹⁵ Aka doa ko ne pekempe ali iman Tuhan sagar nyembune ulun donggo iro, Tuhan sagar nyelamat da ali ngampun da ke kawan dosa ye. ¹⁶ Leka iro buen kam sameh mengaku kesalahan nelang sameh badoa dian kam sameh bome. Doa ulun ye nget ke ngakan Allah, naan kuasa ye solai. ¹⁷ Elia da iro erai ulun meresia sameh nget taka. Da bedoa lai babujur nget ate aseng dian uran sa dolui, belalu uran sa loto suang tolu setengah taun. ¹⁸ Uli iro da bedoa eso, belalu langit nyolotu uran belalu tana ngeluar hasil ye. ¹⁹ Kawan erai butung ab, aka naan te botok kam ulun sengke sa makai ajaran ke Allah, belalu naan ulun bali ye ngene ulun iro mulik eso tong Allah, ²⁰ Toan ko ulun ye ngene ulun bedosa mulik ke alan ye sala, ulun iro nyelamat bolum ulun bedosa iro ke maka mate nelang ngene deo ulun bedosa ne ampun.