¹ Te janji ye tela naan kawan aturan sembayang, nelang naan ade runa sembayang ene meresia. ² Erai bua kemah na pejakat ye bagian waee ye na otus ruang berasih ( kudus) te biro naan runa ngondok pelita, nelang naan ade meja ali rote ye na okoi tong Allah ³ Te bagian suang ye, ye iro te odi tenda ye kedue, naan ruang ye na otus ruangan pengeberasih. ( ruang maha kudus.) ⁴ Te suang ruangan iro naan misbah ye na ene ke amas runa nemolum sumbu (dupa) dapur jembu,nelang naan ade tabut perjanjian ye kawus ye na lapis amas, te suang tabut iro naan balanga amas na buat manna. tungket Harun ye apu ngelungkung, ali due kebintap batu tulis ye te moo ye na surat sepuluh perintah ke Allah. ⁵ Te mundan pati iro naan due Kerup, ye iro mahluk beilar ngelembang penyulet Allah, ilar kedue mahluk iro bebuka te mundan tutup pati, ye iro runa pengampunan dosa.Et kekawus ye iro beloh tau titip - tarah na pander nehe. ⁶ Nget iro kekawus ye na atur,tiap olo kawan imam masuk tong suang bagian wae kemah iro nget nempelor tugas dali. ⁷ Ye masuk tong bagian paling suang kekemah iro je imam solai, da nampelor iro je sindai erai taun, iro na tampelor ye ali ngoit dian nasarah tong Allah leka unukye gegales nelang leka kawan dosa ye na ene ali sa ketaru ene umat ye. ⁸ Makai aturan nget iro Roh Allah ali beistilah petendre, seola kemah bagian wae iro sengke jakat, alan masuk tong suang ruang pengeberasih iro male tebuka. ⁹ Ihe kiasan jaman nehe, nget kawan pengokoi ali kawan persembahan setua ye na okoi tong Allah, beloh mahan dian peruna ate aseng ulun ye ngoit pengokoi. ¹⁰ Leka kawan upacara iro je nget kawan pegokan, isepan,nelang deo masam upacara ngeberasih kawus ye je kawan aturan lahiriah ye payu je empe wayah ye Allah ngene ye kado. ¹¹ Et kristus apu sulet ye lah Imam solai kekawan hal ye buen ye apu naan, kemah Tuhan te runa yena tampelos tugas ye lah Imam solai ye iro kemah ye lewi solai nelang lewi peruna.iro sa na ene meresia, arti ye sa beasal kedenia ye na ene ihe. ¹² Kristus masuk te runa ye pengebuen ( berasih ). te suang kemah iro je sindai tong ke ngola - ola ye. Te kede iro da sa ngoit daya kambing upo atawa daya anak sapi dian na sarah; da ngoit daya da gales, nelang makai iro da nowus taka tong ke ngolo - ola ye. ¹³ Daya ke kambing. ali sapi upo ali sendro abu ke persembahan anak sapi,na pakai dian netungkal tong kawan ulun ye naji(sompoi ) dian aturan agama dian dali berasih, nah, aka daya ali abu iro je mahan ngeberasih ye najis kawan ulun iro. ¹⁴ Lewi eso daya Kristus! lalo Roh ye ke ngola - ola, Kritus nyarah unuk da gales tong Allah ye persembahan ye sempurna. daya da muii ate aseng taka ke ucapan agama ye sa be di, dian taka tau melayani Allah ye buen. ¹⁵ Iro sebab ye Kristus jaji ulun,te ekang tong erai janji kado, dian ulun ye apu na took ene Allah mahan nerima kawan berkat ke ngola- ola ye,apu na janji ene Allah, ke kawus ye iro mahan jaji ene naan ye mate, ye iro Kristus, nelang pempate ye iro ngebebas ulun kekawan kenyala ye na ene dali te kede janji ye tela masih belaku. ¹⁶ Aka naan surat warisan,harus ade naan bukti ye ulun ye ngene surat iro apu mate. ¹⁷ Leka surat warisan iro beloh payu aka ulun ye ngene ye masih bolum surat iro jape payu aka ulun iro apu mate. ¹⁸ Leka iro perjanjian ye tela harus ade na syahkan makai daya. ¹⁹ Asal ye Moses pekempe kawus perintah hukum Allah tong bangsa Israel. uli iro da Moses ngepe daya anak sapi ali daya kambingupo,belalu na pesendro ali danum, uli iro na tetungkal tong kitab taurat nelang tong kawus bangsa Israel ali daon hisop ali bulu bebiri mea . ²⁰ Nelang nempelos iro da Moses ngulek," Ihe daya ye mensyahkan perjanjian ke Allah ye harus na unau kam." ²¹ Uli iro makai cara ye buen, da Moses ne tungkal ade daya iro tong kemah Tuhan ali tong kawus kawan kelengkapan dian sembayang. ²² Puna nget hukum taurat,aka ye kekawus uras ne berasih ali daya nelang dosa je tau na ampun aka naan beduru daya. ²³ Ali cara nget iro kawan barang ngelambang kawan hal ye te sorga,perlu ne berasih,et tong kawan hal ye te sorga iro na perlu korban ye lewi buen. ²⁴ Leka sa masuk tong kamar maha kudus ye na ene meresia, ye je ngelambang kamar maha kudus, ye sebujur ye.Kristus masuk tong sorga gales ye, te biduh da nehe ngehadap Allah tong keperluan taka. ²⁵ Imam solai Yahudi nongku taun masuk tong ruang maha kudus te suang belai Tuhan ali ngoit daya erai antu stua et Kristus sa masuk nget nyarah unuk da seleur. ²⁶ Leka aka nget iro, iro himat da apu seleur kune penare kekede denia ihe na ene,et beistilah bene, nehe te jaman pengawusan ihe, da sulet je sindai dian muii dosa ali ngorban unuk da gales. ²⁷ Allah apu menentu meresia mate je sindai nelang uli iro na adili ene Allah. ²⁸ Nget iro ade Kristus je sindai na sarah ye lah pengorbanan dian mui dosa ulun deo, da sagar sulet eso tong kedue kali ye, sa dian nanggung dosa, et dian nyelamat kawan ulun ye ngemba penyulet da.