¹ Hukum Taurat je ngokoi gambaran ye ranang - ranang nget kawan hal ye buen odi ye,sa gambaran ye bebujur ye te kawan hal iro, sa tau ade hukum iro tau dian peruna ulun ye sulet nyambah Allah ali ngoit pengokoi, bele tiap taun seleur nyarah kawan persembahan ye sameh. ² Aka ye kawan ulun ye nyembah Allah iro bene - bene apu berasih kedosa, dali sa eso sagar naan kesa bedosa,nelang persembahan sa sagar na okoi eso. ³ Et be wilah kawan persembahan ye na sarah tiap taun iro je pakai pekingat ulun nget kawan dosa dali. ⁴ Leka puna daya sapi ali daya kambing upo beloh mahan mui dosa. ⁵ Iro sebab ye te kede Kristus masuk tong denia, da ngulek tong Allah, ko sa ketuju korban persembahan,kebalikan ye ko apu nyedia unuk tong ab. ⁶ Ko sa ketuju ali korban na tuna atawa korban nget pengampunan dosa. . ⁷ Belalu ab ngulek,ihe ab , u Allah ! ab sulet laang nempelor kehendak ko, nget ye na surat nget unuk ab te suang gulungan kitab. ⁸ Mula ye Kristus ngulek" ko sa ketuju korban ali persembahan; ko sa ketuju ali korban setua ye na tuna ye lah persembahan nelang pengorbanan nget pengampunan dosa" Kristus ngulek nget iro,dion kawus persembahan iro na okoi nget hukum taurat. ⁹ Uli iro Kristus ngulek,ihe ab,u Allah! Ab sulet laang nampelos kehendak ko" jaji Allah pejaweh kawus pengorbanan ye one iro,pelos nganti ye makai persembahan Kristus. ¹⁰ Yesus Kristus apu nampelos se ye na kahandak Allah nelang nyarah unuk da ye lah persembahan, ali ngokoi iro, ye na tampelos ye je sindai empe tong ke ngola - ola ye, taka kawus na berasih kedosa. ¹¹ Tiap imam nampelos tugas ye,ye lah imam nongko olo,nelang seleur da nyarahkawan persembahan ye sameh, Et kawan persembahan iro beloh budas mahan muii dosa. ¹² sebalik ye,Kristus ngokoi je erai pengorbanan dian pengampunan dosa, nelang pengorban iro pelos tong ke ngola - ola ye.Uli nyarah pengorbanan iro, Kristus tuet te sila sanan Allah nelang merintah sendro ali da. ¹³ Nehe Kristus ngemba empe Allah ngene kawan musuh ye kuret nyambah da. ¹⁴ Jaji makai erai pengorbanan, Kristus dian nyempuna kawan ulun ye apu na berasih ke dosa. ¹⁵ Nget hal iro Roh Allah ngokoi ade kesaksian ye tong taka. Roh Allah ngulek. ¹⁶ " Ihe janji ye sagar na ene ab ali dali te kawan olo odi,ulek Tuhan,ab sagar ngonteh kawan hukum ab te suang ate dali, nelang nyurat ye te suang pikiran dali." ¹⁷ Allah ade ngulek" ab sagar beloh ngingat kawan dosa nelang kawan kejahatan dali. ¹⁸ Jaji,kawan dosa nelang kawan kejahatan iro apu na ampuni,belalu beloh perlu esa na sarah pengorbanan nget pengampunan dosa. ¹⁹ Nah, erai butung kawus, leka pempate Yesus iro taka nehe ronu masuk ruang maha kudus. ²⁰ Yesus apu ngugah alan ye kado tong taka, ye iro alan ye ngokoi pemolum, alan iro lalo tenda, ye iro unuk Yesus gales. ²¹ Nelang taka nehe naan erai ke ulun imam soli, ye betanggung jawab te mundan belai Allah. ²² Leka iro, ayu taka nyenrani Allah ali ate ye bujur lurus nelang kepercayaan ye gagah, ali ate ye apu ne berasih ke pengesa kesala, nelang ali unuk ye apu na buii makai danum ye berasih. ²³ Ware taka mege gagah te kepercayaan ye na percaya taka,leka Allah ahan na percaya nelang da sagar nampelos janji ye. ²⁴ Nelang ware taka mengke katawani, dian taka tau mempakat ngokoi semangat dian mencintai sesameh meresia nelang nampelos kawan hal ye buen. ²⁵ Ware taka tatap sendro bekumpul, nelang ya laya nget ulun lain.Taka harus lewi setia meke tagur, menguatkan, leka taka ketoan pasti beloh ola eso Tuhan sagar sulet. ²⁶ Aka ye kabar ye bujur ke Allah apu na pekempe tong taka,et taka masih seleur ali sengaja ngene dosa,maka beloh naan eso korban dian muii dosa taka. ²⁷ Je erai naan tong taka ye iro ngeharap pengadilan Allah ali apui pemereket da ye sagar nyuru kawus kawan uln ye ngelawen da. ²⁸ Ulun ye beloh ngunau moyo tong hukum ye na okoi ene Moses, na hukum mate beloh naan ampun ye eso,aka leka kesaksian due tolu keulun,ye da be istilah bene naan kesala ye. ²⁹ Tamam bene doyat hukum ye harus na pelotu tong mundan ulun ye nindas nyejek anak Allah. ulun iro nganggap najis daya perjanjian Allah, da ihe pempate Kristus ye menguduskan da kedosa,da ye menghina Roh ye ngokoi anugerah Allah. ³⁰ Taka ketoan dase da ye ngulek, Ab sagar ngebalas! Ab sagar ngehukum! nelang ye ngulek, Tuhan sagar mengadili ulun naa. ³¹ Tamam bene dasar maka akut aka lotu tong kami Allah ye bolum!. ³² Ingat nget me keadaan kawan erai butung te kede ye apu lalo, kede masa iro, uli pencerahan Allah ye lah tong kam, kam deo kune kenare; et kam tatap bijuang ali behimat. ³³ Naan kede ye kam na hina ali na aniaya te hadapan ulun deo.Naan kede ye ade kam siut kune kenarean ali dali ye na ene nget iro. ³⁴ Nelang kam siut kesa kenarean ate ulun ye na penjara. nelang kede kawus milik kam na rampas, kam nerima iro ali sanang ate, leka kam ketoan kam masih naan ye lewi buen, ye sagar tahan empe kengola - ola ye. ³⁵ Leka iro,ya jaweh pengharapan, leka aka kam tetap percaya, hikmat naan upa ye solai nget iro!. ³⁶ Kam perlu besabar, dian kam mahan nampelor kehendak Allah ali nget iro kam nerima se ye na janji ye. ³⁷ Leka te suang surat berasih na surat,je erai erep eso, da ye sagar sulet iro, sagar jao sulet da sa sagar nunda penyulet da. ³⁸ Nelang ulun na ab ye bebujur harus sagar percaya pelor bolum; et aka naan te botuk dali ye undur, ab beloh sagar sanang ali da. ³⁹ Taka ihe sa ulun ye undur nelang taang. sebalik ye, taka puna ulun ye percaya tong Allah nelang na selamat.