³ Iman. ¹ Iman bearti percaya bene nget kawan hal ye na harap, bearti apu naan ye sebujur nget hal ye beloh ite. ² Leka iman belalu kawan ulun jaman bayuh na puji Allah. ³ Ene iman, belalu taka ketaru bebujur bene denia ihe na ene ali engan Allah; jaji se ye tau na ite iro, jaji ke se ye beloh tau na ite. ⁴ Ene iman, da Habel nyarah tong Allah pengorbanan lewi buen kepersembahan na Kain.leka Habel na terima leka Allah nget ulun ye buen,leka bebilah bene Allah nerima pengokoi ye.Da Habel apu mate, et ene kepercayaan ye iro, da sengke bepander empe nehe. ⁵ Ene iman,da Henok sa mate, melainkan na engkat pelos na oit sendro Allah. beloh sunah erai keulun mahan sengkeruku da,leka da apu na engkat ene Allah. te suang surat berasih na surat, se male da Henokh na engkat,da pe sanang ate Allah. ⁶ Aka sa percaya, beloh sunah erai ke ulun tau pesanang ate Allah. leka ulun ye sulet tong Allah harus percaya leka pasti Allah naan, nelang Allah ngokoi balasan tong ulun ye ngeto da. ⁷ Leka iman, tong da Nuh Allah ngulek nget kawan hal ye sagar jaji te odi, ye sa tau na ite ene da.Da Nuh ngunau moyo tong Allah empe da ngene erai kapal ye odi diruh dian nyelamat unuk da ali keluarga da,ali nget iro denia ne hukum, et da Nuh leka iman percaya da na petendre ene Allah ye lah ye buen. ⁸ Leka imam, da Abraham ngunau moyo tong Allah kede Allah nook da nelang nyiu da tulak tong tana ye na janji Allah tong da. Belalu da Abraham tulak ali beloh ketoan tong me da tulak. ⁹ Ali iman,da Abraham nondo ye lah ulun bali te tana ye na janji Allah tong da iro, da Abraham. Da Abraham nondo te biro te suang kemah. Nget iro ade da Isak ali da Yakub,ye nerima janji ye sameh ke Allah. ¹⁰ Leka da Abraham desung ninep ngemba jaa ye na rencana nelang ye na bangun ene Allah ali pondasi ye segah. ¹¹ Leka iman,da Abraham tau mahan turunan ke da Sarah, bele da Abraham apu tuha bene, nelang da Sarah tamanang. Da Abraham percaya Allah sagar nampelos janji da. ¹² Bele da Abraham te kede iro nget ulun ye apu mate unuk ye,et da mahan deo turunan, ye deo ye sa ahan reken nget deo santomoi te langit nelang nget pasir te diding tahik ( pantai ). ¹³ Kawus ulun iro tetap percaya empe mate, Dali sa nerima kawan hal ye na janji ene Allah, et je kite nelang nyambut da ke oro, nget iro dali petendre ye dali ulun bali nelang je senturui te mundan tana ihe. ¹⁴ Ulun ye ngulek nget iro ali bebilah napetendre dali desung ngeto tana danum ye sagar jaji tana danum dali. ¹⁵ Sa tana danum ye apu na ikah dali iro ye na pikir - na ga dali. Leka aka nget iro, pasti apu deo kesempatan tong dali dian mulik tong tana danum iro. ¹⁶ Et aka beistilah bene, dali kesonggo ngingat erai tana danum ye lewi buen, ye iro tana danum ye te surga. iro sebab ye Allah sa mangen aka dali ngulek da Allah dali, leka Allah apu nyedia erai jaa tong dali. ¹⁷ Ene iman ade, da Abraham nyarah da Isak ye lah korban kede na uji Allah. ali da Abraham Allah be janji,et da Abraham rela nyarah anak da yetunggal iro. ¹⁸ Allah apu ngulek tong da Abraham,lalo da Ishak ihe ko sagar mahan turunan ye na janji da ali ko. ¹⁹ Da Abraham percaya bene Allah sanggup na molum eso da Ishak kepampate jaji, ahan na otus, da Abraham apu nerima mulik da Ishak ke pampate ²⁰ Leka iman, da Ishak janji kawan berkat tong da Yakub ali da Esau tong odi olo. ²¹ Leka iman, semale da Yakub mate, da ngokoi berkat da tong kawan anak Yosuf ali sesendeng te utek tungket ye nelang nyembah Allah. ²² Leka iman da Yusuf. kede kakan ngikah denia - bepander nget kula warga da ulun Israel sagar keluar ke Mesir, nelang ngikah paket nget se ye harus na ene ali bangkei da. ²³ Leka iman, ulun tuha na Moses nyiok da tolu bulan ola ye uli da na belolos,dali kite pasti da erai ke ulun anak ye buen, nelang dali sa takut ngelawen pemerintah raja. ²⁴ Leka percaya, da Moses demih apu solai, sa kakan na otus anak ke putri raja Mesir. ²⁵ Da lewi kakan te suang kesengsara sendro ali ulun na Allah ke da kesa kesenangan erai erep ke bolum ye bedosa. ²⁶ Da Moses kesa lewi be uman da na hina demih Raja Penyelamat ye na janji ene Allah iro ke mahan kawan harata tana Mesir, leka da Moses beharap upa te olo odi. ²⁷ Leka iman, da Moses ngikah Mesir ali sa kesa takut ngehadap pemereket raja.Da Moses maju nuju tujuan da nget da apu kite Allah ye sa ite iro. ²⁸ Leka iman,da Moses ngene Paskah nelang merintah dian daya iro na pusut te jaweng belai ulun Israel dian Malaket pempate ya munu kawan anak penuha dali. ²⁹ Leka iman, kawan ulun Israel mahan getah laut merah nget dali malan te mundan tana ye karing, et kawan ulun Mesir leteng te laut iro, kede dali mencoba getah ade. ³⁰ Leka iman, kawan ulun Israel nyelotu pehancur dinding pagar Yeriko uli dali ngeliling ye. se ola turu olo. ³¹ Leka iman ade. Da Rahab, bawe pelacur iro,sa siut na bunu sendro ali kawan ulun ye ngelawen Allah,leka da buen nerima kawan ulun Israel ali damai. ³² Nah, ab tau lei sa waa eso bepander, et kede sa cukup tong ab, leka ab male eso ngotus da Gedeon, da Barak, da Simson, da Yefta, da Dawit,da Samuel ali kawan nabi. ³³ Leka iman, dali apu menaklukan kawan kerajaan, dali nampelor se ye bujur, empe nerima se ye na janji ene Allah,dali nutup kawan bowa singa. ³⁴ Nampate apui ye dolan, tesenkilah ke mate pedang.dali lome et jaji gagah,dali gagah kuat tesuang peperangan empe pekaleh kawan pasukan bangsa bali. ³⁵ Leka iman,kawan bawe nerima mulik ulun dali ye apu mate. naan ade ye rela na siksa empe mate,nelang sa hakun na bebas, leka kakan bolum mulik tong erai pemulum ye lewi buen. ³⁶ naan ye na ange,na pupuk pelale, na suruh ali rantai nelang na temasuk tong suang penjara. ³⁷ Dali na tumbuk ali batu empe mate naan ye na potek makai gergaji,nelang na bunu makai pedang dali tong duh tong den makai pama keupak bebiri atawa upak kambing : dali susah, na penare nelang na siksa. ³⁸ Denia ihe sa runa ye buen tong dali, dali tong duh tong den te padeng gurun, te kawan bukit, nondo te suang kawan rungkap batu nelang te suang kawan liang. ³⁹ Tamam bene solai ye kuret ( kemenangan ) ye neterima ene kawus ulun iro leka iman dali ! et dali beloh nerima se ye na janji ene Allah. ⁴⁰ Leka Allah naan rencana ye lewi buen tong taka. rencana ye, ye iro je sendro ali taka, dali sagar jaji peruna.