¹ Nah, nget taka gegales, te kelilingan taka naan deo bene saksi ! leka iro, ko taka ngobet kekawus ye pedoyat taka ali dosa ye sengke mereket tetaka,nelang ware taka ali kawus ate nampelos pertandingan ye naan te hadapan taka. ² Kune pengite taka tetuju tong Yesus, leka da ye ngiluk percaya taka nelang melihara ye ke tela empe pengawus.Yesus kate ngaret kenare te kayu salip ! Da beloh peduli mate te kayu salip iro puna hal ye maka mangen.Da je ingat nget ke ego ye sagar ne inam ye udi diruh.Nehe da tuet te ka sila sanan Allah nelang merintah sendro ali Da. ³ Coba pikir nget me uyuh ye Yesus ngehadap kawan ulun bedosa ye ngelawen da ali nget iro doyat ye ! Leka iro ya dole nelang jaweh pengharapan. ⁴ Leka te suang perjuangan ko ngelawen dosa, kam beloh pini bejuang empe harus beduru daya. ⁵ nelang ya sa kingat petataan Allah ihe, ye na okoi tong ko nget kawan anak ye : Anak ab pentaru be bujur ajaran Tuhan, nelang ya dole aka da ngereket ko. ⁶ Leka Tuhan ngajar tiap ulun, ye na kasihi da, nelang da ngompes tiap ulun ye ne terima nget anak da ⁷ ware kam betahan ali didikan ke Allah nget erai ajaran ke erai ke ulun ma.leka, me pini erai keulun anak sa na hukum ene ma da?. ⁸ Aka kam sa siut na hukum nget kawan anak ye bali, ihe bearti kam sa anak syah, melainkan anak ye sa syak. ⁹ Taka naan ma te denia.Da ngajar taka, nelang taka ngehormat da.Nah,lewi eso ngehadap Ma rohani taka te sorga, betantu taka harus lewi eso nguau bujur tong da dian taka bolum. ¹⁰ Ulun tuha taka ye te denia ngajar taka naan batas ye nget se na iman dali buen, et Allah ngajar taka nget ke buen taka gales, dian taka mahan berasih sendro ali da. ¹¹ Puna te kede taka na ajar, hukuman iro sa dian buen ate taka, melainkan je dian penare ate. et te uli iro tong taka ye apu na ajar, hukum iro ngene taka bolum nget na ga Allah, nelang hasil ye taka kesa sanang. ¹² Leka iro, kuat lei kami kam ye lome ali tekaleu ko ye keteter iro!. ¹³ Malan seleurte alan ye rata, dian poo kam ye lome iro sa jaji lumpuh, et tau belalu bume. ^{17 14} Eto dian bolum ruhui ali kawus ulun, eto ade dian bolum kudus. harus tong Tuhan. Leka sa sunah erai keulun mahan kite Tuhan aka da sa bolum nget iro. ¹⁵ Jaga ye empe naan sunah erai keulun ye keluar kelingkungan ye buen ate anugrah Allah dian sa naan erai jaji nget kayu beracun te botok kam. empe ngene poye nelang na perusak deo ulun ali racun da. ¹⁶ Jaga dian ya naan ye bolum sa senunuh atawa sa menghargai kawan hal rohani, nget se ye na ene Esau. Da je mual hak ye. ye lah anak pertama, je dian erai mangkok pengokan. Kam ketoan uli iro da Esau kakan kaweng berkat iro ke ma da, et da sa ne terima, leka bele ali na rodoi da ngeto alan dian ne buen ke sala ye, kesempatan tong iro apu beloh naan eso. ¹⁸ kawan erai butung sa sulet ngeharap nget se - se nget ye na harap nget bangsa Israel bayuh, dali ngharap se ye tau na dakep, ye iro gunung Sinai ali apui ye dolan, dali ngeharap dendem, kekelaman ali tamam enus dolek. ¹⁹ Dali ngehadap engan trompet ali engan suara ye wale. kede kawan ulun Israel keringa engan iro, dali kaweng bene dian engan iro beloh bepander eso ali dali. ²⁰ Leka dali sa tahan keringa perintah ye na pekempe ene engan iro. Leka engan iro ngulek," kekawus ye mege gunung ihe, sa peduli se iro setua atawa dase - dase, harus na tumbuk ali batu empe mate. ²¹ Se ye na ite ene kawan ulun Israel iro nget iro tamam empe da Moses ngulek " Ab takut nelang ngenker !. ²² Kebalikan ye,kam apu sulet tong Bukit Sion, Jaa Allah ye bolum, ye iro Yerusalem te surga ali beribu - ribu malaekat ye. v ²³ 23 Kam siut erai kumpulan ye rami - kumpulan kawan anak pengetuha ,ye kawan aran ye terdaftar te suang surga.Kam sulet ngehadap Allah, hakim kawus ulun meresia. kam ngehadap roh - roh kawan ulun buen, ye apu na ene sempurna. ²⁴ Kam sulet ngehadap Yesus, ulun perantara perjanjian kado iro, kam ngehadap daya na pentir ( na pusut ) ye menjamin kawan hal ye oro lewi buen ke ye na jamin ene daya Habel. ²⁵ Leka iro hati - hati ya empe kam sa hakun ngeringa da ye bepander iro,dali ye sa hakun ngeringa da ye sulet tong denia nelang ngulek kabar ke Allah, sa kate mensit. makin iro taka ihe ye keringa da ye bepander ke sorga! Aka taka sa kakan ngeringa da,sa budas taka tau lapas ! ²⁶ Te kede iro engan da empe pegeger kawus te mundan tana, et nehe da bejanji, sindai eso, ab sagar empe pegeger sa je te mundan tana et te surga ade. ²⁷ Engan sindai eso" petendre dian kekawus denia ye apu na ene sagar na pegeger ( diguncankan ) nelang na pejaweh dian ye tepeikah je ye sa tau ta pegeger ( diguncankan ) ²⁸ Leka iro,ware taka ngotus terima kasih tong Allah, leka taka nerima ke da kerajaan ye sa tau na pegeger ( tergocangkan ) buen taka beterima kasih nelang beibadah tong Allah ali hormat nelang takut nget se ye na ajar ene Da. ²⁹ . Leka Allah taka nget apui ye pesoya..