¹ Ware kam seleur memelihara kasih erai ali ye bali nget kawan ulun Kristen erai butung. ² Ya noi nerima te belai kam kawan ulun ye male kam ketaru. te ulun, ali sa da ketoan, apu nerima malekat te belai da. ³ Ingat kawan ulun ye tesuang penjara, ye lah nget kam ade kesa naan tesuang penjara sendro dali. Nelang kawan ulun ye sa menenung, menaya, ware kam ingat ali dali ye lah nget kam kesa ade sa menenung, menaya nget iro. ⁴ Kekawus ulun harus memelihara nelang hormat tong peruku perugkeng, leka sebab iro ulun kaweng bawe harus setia erai ali ye lain. Ulun ye sa senunuh nelang ulun ye bejinah sagar na adili ene Allah. ⁵ Ya bolum kam neperintah ene sinta tong duit, et ware kam kesa cukup ali se ye naan te kam. ene Allah apu ngulek," Ab bene sa sagar meladar atawa sagar ngikah kam." ⁶ Ene iro taka ronu ngulek, Tuhan puna pengawat ab, ab sa takut, se ye tau na ene meresia terhadap ab.? ⁷ Ya,sa ingat ali kawan pemimpin ye pekempe paket Allah tong kam. ⁸ Nget me dali bolum nelang nget me dali mate,nelang unau kepercayaan dali. Yesus kristus sengke sameh, sa bayu, nehe, pelos empe tong se ola - ola ye. ⁹ Ya meladar kekawus macam ajaran ye model - model ye tau yentaang kam,ate taka harus na pegagah ene ye buen ate Allah, ye iro ye buen; ya ene kawan aturan nget pengokan.Kawan ulun ye one ngunau moyo tong kawan aturan iro beloh naan dii ye. ¹⁰ Taka naan erai mezbah runa nyarah pengorbanan tong Allah. nelang kawan imam ye ngelayani te suang kemah Tuhan, beloh naan hak man pengorbanan ye naan te mundan meszbah iro. ¹¹ Daya setua ye na okoi jaji korban dian ngampun dosa, na oit ene imam solai tong ruang maha kudus, et bangkei setua iro na suru teongon kemah. ¹² Iro sebab ye Yesus ade mate teongon pintu gerbang jaa dian ngeberasih ulun naa ke dosa ali daya da gegales. ¹³ Leka iro, ayu taka tulak demasu da te ongon kemah nelang siut mikul ke hinaan sendro da. ¹⁴ Leka te mundan tana beloh naan runa nondo ye ke ngola - ola tong taka,taka ngeto runa nondo ye odii ¹⁵ Leka iro,ali lalo Yesus, ware taka seleur ngehormat Allah; iro nget pengorbanan terimakasih taka tong da,ye na okoi taka lalo engan nget. ngehormat pesolai aran Allah. ¹⁶ Ya sa kingat ngene ye buen nelang beke awat, leka ihe kawan pengorbanan ye dian pesanang ate Allah. ¹⁷ Unau perintah kawan pemimpin kam nelang tunduk tong dali, leka dali seleur ngentoan aseng ate kam, nelang dali harus betanggung jawab tong Allah. aka kam ngunau moyo tong dali, dali tau begawi ali sanang ate, aka sa,pasti dali sagar begawi ali nare aseng, nelang iro beloh naan keuntung ye tong kam. ¹⁸ Ware kam seleur bedoa tong kain. Kain harap aseng ate kain buen berasih, leka tesuang kawus hal kain seleur kakan nam pelos se ye buen. ¹⁹ Ab ngedasak kaweng bene, dian kam bedoa tong ab dian Allah jao ngiot ab mulik demasu kam. ²⁰ Allah apu na mulum Tuhan taka Yesus ke pempate, leka pempate da iro nehe jaji Pekatik solai tong taka, ye iro kawan bebiri ye, pempate ye iro ade muii janji empe kengola - ola ye na ene Allah ali taka. ²¹ Mudahan Allah tonga kesenangan iro namponu kam makai kawan ye buen ye na perlu ene kam nget nampelor kehendak da. Mudahan ali lalo Yesus Kristus, Allah ngene te suang taka, se ye na kehendak da. kune Kristus na hormat empe ke ngola - ola ye,amen. ²² Ab kaweng dian kam mentaru kawan engan pengajaran ab ihe ali sabar, leka surat ab sa empe panjang. v ²³ 23 Buen kam ketoan erai butung taka da Timotius apu keluar ke penjara, aka da apu tong runa ab ihe. Ab sagar ngoit da kede ab koteu kam nende. ²⁴ Pekampe tabe kain tong kawus pemimpin ali tong kawus ulun na Allah. Terima ade tabe kekawan erai butung te Italia. ²⁵ Mudahan Tuhan ngeberkat erai butung kawus ye.