1
Pokok kekawus ye surah ihe ye iro,taka naan Imam solai ye nget iro, ye tuet merintah sendro Allah ye paling solai te sorga.
2
Da nampelor tugas ye lah Imam solai te suang pengeberasih, ye iro te suang kemah Tuhan ye sejati,ye na pejakat ene Tuhan, sa ene meresia.
3
Setiap imam solai na engkat dian nyarah persembahan atawa pengokoi tong Allah,nget iro ade Imam solai taka, da harus naan nget se - se dian na sarah.
4
Aka da nondo te denia ihe, da sa sagar jaji imam,leka apu naan imam ye nyarah persembahan ye na aweng te suang hukum taurat.
5
penkoeye na ene dali ye lah imam iro sebujur ye je erai gambaran nelang nget amba ke se ye naan te sorga, iro apu na ulek ene Allah tong da Moses bayuh,kede da Moses kakan pejakat kemah Tuhan.Allah ngulek nget ihe tong da Moses." ingat! kekawus ye iro harus ko ngene nget contoh ye na tundru tong ko te mundan gunung."
6
Et nehe Yesus mahan tugas imam lewi, oro mulia ke ye na ene kawan imam iro,leka janji ye na ene ye tong Allah ali meresia, ye iro janji ye lewi buen leka berdasarkan janji tong kawan hal ye lewi buen.
7
Aka beloh naan kekurangan te janji ye tela,himat sa perlu na ene janji ye kedue.
8
Et Allah apu mahan kesala te ulun nda ye, empe Allah ngulek," ingat sagar naan kede ye, ab sagar ngene janji ye kado ali bangsa Israel, nelang ali bangsa Yehuda.
9 Sa nget janji ye na ene ab ali datu nini dali te kede ab nganyak dali keluar ketana Mesir,dali sa setia tong janji ye na ene ab ali dali, iro sebab ye ab sa ngepeduli dali.
10
Et nehe, ihe janji ye sagar na ene ab ali ulun Israel te kawan olo ye odi,ulek Tuhan: ab sagar ngondok hukum ab tesuang pikiran dali nelang nyurat ye te ate dali,ab sagar jaji Allah dali,nélang dali sagar jaji ulun na ab.
11
Dali beloh perlu ngajar sa sameh warga ye,atawa ngulek tong erai butung ye" Pentaru Tuhan" leka dali kawus, solai halus sagar ketaru ab.
12
Ab sagar ngampu kawan kesalaan dali, nelang sa ngingat eso kawan dosa dali."
13
Ali ngokoi erai janji ye kado, Allah ngene janji ye tela iro apu ola nelang usang, nelang se ye apu ola, sagar jao ade jaweh.