¹ Melkisedek ihe ye iro raja Salem nelang Imam Allah ye kuasa ye beloh naan ares,kede da Abraham uli ke pertempuran nyengkaleh kawan raja, da Malkesedek sulet nyenruku da pelos ngeberkat da. ² Belalu da Abraham ngokoi tong Melkisedek sepersepuluh kekawan se je na rampas ye ( aran Melkisedek bearti,nyentela Raja keadilan" leka da raja Salem,belalu aran ye berarti ade" Raja Damai. ³ Nget da Malkisedek ihe beloh naan keterangan tekame - kame nget da naan Ma atawa ne atawa datu nini; beloh naan ade keterangan nget na belolos ye atawa pampate ye da sameh nget Anak Allah; da puna Imam ye ke ngola - ola. ⁴ Jaji,taka kite tai behe tamam kesolai da Malkisedek ihe; da nget iro solai empe da Abraham,Ma leluhur bangsa taka,ngokoi tong da sepersepuluh kekawus ye ahan ye kepertempuran iro. ⁵ Te suang hukum agama yahudi ne tukas kawan imam turunan Lewi harus ngepe sepersepuh kepengahan ulun Israel, ye iro kawan erai butung dali, bele dali sameh turunan Abraham. ⁶ Da Malkisedek sa turunan Lewi,et da nerima ade sepersepuluh kekawus ye nerampas Abraham,nelang memberkati da Abraham ye apu nerima kawan janji ke Allah. ⁷ Puna beloh ahan na bantah ulun ye na berkati puna lewi randah ke ulun ye memberkat da. ⁸ Kawan imam ye nerima pungutan sepersepuluh bagian iro puna ulun ye tau mate. et nget surat berasih,da Malkisedek ye nerima pengkoe sepersepuluh bagian iro puna ulun ye tatap bolum. ⁹ Ahan na otus,da Lewi- ye turunanngepe sepersepuluh bagian keulun Israel - bayar ade bagian iro lalo da Abraham,te kede da Abraham bayar ye tong da Malkisedek. ¹⁰ Biar da Lewi male na belolos,et ahan na otus da apu naan te suang unuk Abraham datu nini ye, te kede da Malkisedek sengkeruku ali da Abraham. ¹¹ Te mat pimpinan kawan imam Lewi, hukum agama Yahudi n okoi tong ulun Israel.leka kawan imam Lewi one iro beloh mahan nampelor ali buen se ye harus na ene ye, belalu harus naan imam bali, ye iro nget imam Malkisedek, nelang sa ke bebuhan Imam Harun eso. ¹² Nah, aka kedudukan kawan imam beubah, hukum taurat ade harus beubah. ¹³ Ye na ga te behe ye iro Tuhan taka,da kesuku lain, nelang beloh pini sunah erai keulun kesuku ye betugas nget imam. ¹⁴ Kawus ulun ketoan Tuhan taka beasal kesuku Yehuda, nelang da Moses beloh pini ngotus suku iro kede da bepander nget kawan imam. ¹⁵ Hal ye ne pander ihe makai jelas eso, ali sulet ye erai ke ulun imam lain nget da Malkisedek. ¹⁶ Da na angkat jaji imam, sa ye kawan aturan meresia,melainkan nget bulum ye bekuasa nelang beloh naan pengawus ye. ¹⁷ Leka te suang kitab suci naan na ulek,"ko puna imam kegola - ola ye,nget imam Malkisedek". ¹⁸ Jaji,nehe aturan ye usang apu na ikah,leka sa kokoh nelang beloh be di. ¹⁹ Hukum taurat Yahudi beloh mahan ngene nget se ye jaji peruna,ye iro sebab ye taka nehe na okoi erai pengharapan ye lewi buen, makai iro taka mahan nyenrani Allah. ²⁰ Uli kero,kekawus ye iro na sendro ali sumpah ke Allah,beloh naan sumpah nget iro te kede kawan imam ye lain iro na engkat. ²¹ Et Yesus na engkat jaji imam ali sumpah,te kede Allah ngulek tong da," Tuhan apu besumpah, nelang da sa sagar ngubah keputusan ye. " ko puna imam empe krngola - ola ye ". ²² Makai ihe ade Yesus jaji jaminan tong erai janji ye lewi buen. ²³ Naan eso erai hal : kawan imam ye lain iro deo, leka dali erai mengerai mate empe beloh mahan nyensunek jabatan ye. ²⁴ Et Yesus bolum empe kengola - ola ye, jaji jabatan ye nget imam beloh bealih tong ulun bali,i. ²⁵ Leka sebab iro tong kengola - ola ye Yesus mahan nyelamat kawan ulun ye sulet tong Allah lalo da, leka da bolum empe kengola - ola ye dian empe pengawengan tong Allah tong kawan ulun iron. ²⁶ Jaji, Yesus iro Imam solai ye na perlu ene taka, da bersih,te da puna beloh naan mahan kesalahan atawa dosa, da napisah ke kawan ulun be dosa, nelang na engkat empe tong runa ye lewi moo ke kawan langit. ²⁷ Da sa nget kawan imam solai ye lain,ye tiap olo harus nyarah persembahan leka kawan dosa ye one, uli iro kado leka kawan dosa umat,Yesus ngokoi persembahan je sinai tong kengola - ola ye, kede da nyarah unuk da gegales ye lah persembahan. ²⁸ Hukum musa ngengkat ulun ye sa paruna jaji imam solai,et uli ye apu uli hukum iro, Allah ngene janji makai sumpah nget da ngankat ye lah Imam solai,Anak ye apu na janji jaji penyelamat ye peruna tong kengola - ola ye.