¹ Leka iro,ayu taka maju tong kawan pengajaran ye lewi mo,o nget bepengetaru tong pemolum Kristen, ya je mentaru kawan dasar ajaran agama taka,ya taka mulik eso dasar ajaran nget ulun harus waa nampelor kawan hal ye sa bedi nelang harus percaya tong Allah. ² Atawa dasar ajaran nget baptisan atawa nget ngonok kami te mundan utek ulun atau nget bolum mulik kepampate atawa hukuman ye se ola - ola. ³ Ware taka, aka Allah nyiu, maju tong kawan pengajaran ye lewi moo.! ⁴ Leka,kawan ulun ye apu murtad,beloh mamarah tau na awat eso.dali kede one apu naan te suang ma,a ke Allah, nelang apu kesa pengokoian ye, dali apu ade siut na perintah ene roh Allah. ⁵ Dali ketoan kepengalaman dali engan Allah iro buen, nelang dali apu kesa kawan pengokoiankasih ye ponu kuasa ke jaman ye odi. ⁶ Et uli iro dali murtad! sa mamarah dali tau na awat eso dian betobat kekawan dosa dali. leka dali desung nyalib eso Anak Allah nelang ngene da na te mangen te hadapan ulun deo. ⁷ Tana ye nyerot danum uran ye gagah lotu tong mundan da, belalu ngeluar kawan tanaman ye bedi tong ulun ye ngerja ye, tana iro na berkati ene Allah. ⁸ Et aka tana iro ngeluar ikut padeng atawa ikut bedui, belalu tana iro beloh naan di,i ye nelang nede sagar na kutuk ene Allah belalu one diruh ye na suru awus. ⁹ Et erai butung kekawus ye na kasihi, bele kain ngulek nget iro, et kain harap nget kam, kain harap kam apu nerima kawan hal ye lewi buen, ye iro kawan berkat, yelah bagian keselamat kam. ¹⁰ Allah sa Allah ye sa adil. da sa kelot se ye na ene kam tong da, nelang kasih ye na petendre kam tong da kede ngawat kawan erai butung erai kepercayaan, kede iro nelang nehe. ¹¹ Kain kakan bene dian kam erai mengerai tatap besemangat empe pengawus, empe kam nerima se ye kawan naharap kam iro. ¹² Kain sa kakan kam jaji botur,et kain kakan dian kam boluum nget kawan ulun ye nerima se ye na janji Allah, leka percaya tong da nelang leka ninep ngemba ali sabar. ¹³ Kede Allah bejanji tong da Abraham, da besumpah da sagar nampelos se ye apu na janji.leka beloh naan ye lewi mo,o ke Allah, belalu da besumpah te suang aran ye gegales. ¹⁴ Da ngulek," Ab bejanji sagar memberkat da nelang ngene turunan jaji Solis. ¹⁵ Da Abraham ngemba ali sabar, belalu da nerima se ye na janji Allah tong da. ¹⁶ Aka ulun besumpah,da besumpah tesuang aran ulun bali ye lewi mo.o ke da, belalu sumpah iro pekewa kawan paur bantah. ¹⁷ Allah menentu tong kawan ulun ye nerima janji ye, da sa sagar ngulah rencana da iro sebab ye da nge jamin sumpah te janji da iro. ¹⁸ Due hal iro sa tau beubah; Allah sa sagar ngopau nget janji ali sumpah da leka iro, taka ye apu beselindung te Allah, behimat na okoi semangat dian mege gagah te kepercayaan ye na okoi tong taka. ¹⁹ pengharapan taka iro nget jangkar ye te asek te ule takei bene nelang jaji pa egean ye kuat nelang aman tong pomolum taka, pengharapan iro nyentobos tenda ruang ye paling berasih te belai Tuhan te sorga. ²⁰ Yesus apu ngerintis alan nuju runa iro tong taka,nelang apu masuk tong biduh jaji imam solai taka tong se ola - ola ye, nget imam Melkisedek.