¹ Tiap imam solai na peli ke ulun meresia, nelang na engkat dian melayani Allah ye lah wakil dali. Tugas ye ,ye iro nyarah tong Allah kawan pengokoian ali kawan persembahan dian pengampunan ulun bedosa. ² Imam solai iro lome te deo hal, leka iro da tau mahan lome nge harap kawan ulun ye beloh ketoan se- se nelang ye nyentaang alan ye. ³ Nelang leka da lome, belalu da harus ngokoi persembahan,sa je leka kawan dosa ulun meresia,et leka ene kawan dosa ye gegales. ⁴ Beloh naan sunah erai keulun ye ngakat unuk ye gegales jaji imam solai ulun jaji imam solai, amun Allah nook da nget tong iro sameh nget da Harun. ⁵ Nget iro ade Kristus. da sa ngengkat unuk da gegales jaji Imam solai.Allah gegales ye ngangkat da.Allah ngulek tong da " ko anak ab, te olo ihe ab jaji ma ko" ⁶ Te runa lain Allah ngulek ade, ko puna imam empe seola - ola ye, nget Imam Melkisedek". ⁷ Te kede Yesus bolum te denia ihe, da bedoa kaweng makai engan wale nelang ngerodoi nengkawe Allah, ye sanggup nyelamat da ke pampate. nelang leka da tunduk tong Allah ali ponu hormat, belalu da na dinga. ⁸ Yesus puna anak Allah, et biar nget iro, da belajar ngunau moyo lalo kenarean da. ⁹ Belalu uli da na ene jaji penyelamat ye peruna,da jaji patut keselamatan nget seola- ola tong kekawus ulun ye ngunau moyo tong da. ¹⁰ Nelang Allah ade petendre da ye lah Imam solai, nget Imam Melkisedek!. ngelengko nuju bepengelaman Rohani. ¹¹ ngetkedudukan Yesus yelah Imam solai, naan kede ye perlu na ulek kain tong kam, et poye nget menarang ye leka kam lambat moyo ketaru. ¹² Sebujur ye apu empe wayah ye tong kam dian jaji guru, et leen ye kam eso perlu belajar ke ulun balii nget kawan prinsip dasar ajaran Allah. kam male mahan nerima pengokan ye tokeng,kam masih harus je isep susu. ¹³ Ulun ye masih isep susu, pasti da masih tia, da male naan pengalaman nget se ye bene nelang se ye sala. ¹⁴ . Pengokan ye tokeng da iro tong ulun dewasa ye leka pengelaman, apu tau ketaru moli ye kame ye buen, ye kame ye daai.