¹ Nah,janji Allah masih na pakai, nelang taka sagar na siu singgah nget janji ye. Jaji, kune taka bejaga dian ya mudah erai ke ulun ketaka selenga beloh kesa singgah nget janji iro. ² Leka khabar buen iro apu na ulek tong taka sameh nget na ulek tong dali, et tong dali,khabar iro beloh naan di ye.leka kede dali ngeringga dali beloh percaya. ³ Et taka ye peraya nerima perhentian ye na janji Allah iro, iro cocok ali se ye na ulek ene Allah, nget iro, dali beloh sagar masuk dian mahan singgah sendro ali Ab" Allah ngulek nget iro biar pengkoe ye apu sunek kelembah da ngene denia ihe. ⁴ Leka nget olo keturu naan na surat te suang surat Injil nget ihe,te olo keturu Allah tehur kekawus pengkoe ye". ⁵ Nget hal iro na surat eso nget ihe," dali beloh sagar masuk tong tana iro dian mahan tehur sendro ali Ab". ⁶ Jaji dali ye pengone keringa khabar nget kabar buen iro,sa nerima pentehuran iro. ⁷ Leka Allah apu menentukan erai olo ye lain eso,ye na ulek" olo ihe" betaun- taun uli iro Allah pander nget hal iro lalo da Dawit, te suang ayat ye na kutip meii" Aka te olo ihe kam keringa engan Allah." Ya kam petokeng kelinge." ⁸ Jakanget ye da Yosua apu nyiu kawan ulun iro tehur nget janji Allah,tentu Allah beloh sagar pander eso nget erai olo ye lain. ⁹ Jaji tong ulun na Allah sengke naan janji nget tehur nget Allah tehur te olo ye keturu iro. ¹⁰ Leka ulun ye nerima pentehuran ye na janji Allah tong da iro, sagar tehur ade ke pengkoe ye, sameh nget Allah. ¹¹ Leka iro, ayu taka ngeto behimat dian nerima pentehuran ye na janji Allah iro,ya empe sunah erai keulun ketaka sa jaji nget dali ye one leka sa percaya tong Allah. ¹² Engan Allah puna engan ye bolum nelang bekuasa, lewi tarem ke pedang bemate due, engan iro nemasuk empe ekang ate ali aseng, empe te ekang kawan sendi ali sumsum, empe ketoan ngenilai pikiran ali pengakan ate taka. ¹³ Beloh naan sunah erai mahluk ye te siok kepengite Allah, nget kekawus belawoi betelanjang te hadapan da.nelang taka harus ngokoi pertanggungan jawaban tong da. ¹⁴ Iro sebab ye taka harus mege kuat te pengakuan kepercayaan taka leka taka naan Imam solai ye mulia, ye apu masuk tong hadapan Allah ye iro Yesus Anak Allah. ¹⁵ Imam solai taka iro sa imam ye sa tau siut nginam kawan kelomean taka, kebalikan ye,da apu na cobai te suang nget kekawus hal, sameh nget taka, je da sa ngene dosa.! ¹⁶ Leka iro, Ayu taka ali ponu keronu ngehadap Allah ye merintah ali buen ate.Allah sagar ketasi taka nelang memberkat taka dian taka mahan anugerah pas bene ked wayah ye.