Yakobus Na bunu Ali Petrus Nadakep Ene Herodes. ¹ Te masa iro, Raja Herodes ngengkat kami da, munan sesenu ulun ke jemaat dian melale dali. ² Da munu Yakobus, aben Yohanes ali pedang. ³ Kede Herodes neneng bahwa se ye na ene da iro pe ego aseng kawan ulun Yahudi, da nempelos ali ngedakep Petrus ade. Halmiro terjadi kengola Hari Raya Roti Sa Beragi. ⁴ Uli iro, da ngedakep Petrus, peletep da ntong suang penjara ali nyarah da ntgong opat pasukan prajurit dian mengawasi ye, serta bermaksud, uli Paskah, ngoit da ntong hadapan ulun deo. ⁵ Maka ,Petrus na tahan tei suang penjara, akan tetapi doa di Petrus sleur na pekempe ntong Allah ene jemaat. Malaikat Tuhan Ngelepas Petrus Ke Penjara ⁶ Pada suatu malam, kede Herodes kakan ngoit Petrus ntong luar, Petrus desung turui tei ekang due ulun prajurit, na suruk ali due rantai, ali kawan penjaga tei muka jaweng desung mengawasi penjara. ⁷ Ali teneng, erai ke ulun maliakat Tuhan jakat tei dini Petrus ali cahaya maa tei sel penjara iro, uli iro malaikat iro nepap leps Petrus ali nemuet da, nelang bepaner, "Gulek buet!" Ali rantai-rantai iro lotu telepas kedue kami da. ⁸ Uli iro, malaikat iro bepaner ntong da, "Suruk towing ko ali tunang lei sandal ko." Ali, da ngene nget ro. Uli ke ro, maliakat bepaner ntong da, "Sulop jubah ko ali siut ap!" ⁹ Uli iro, Petrus ntong luar ali siut malaikat iro. Da sa ketoan bahwa se ye desung terjadi lalo malaikat iro nyata, akan tetapi da ngekira bahwa iro pengite da. ¹⁰ Kede dali apu lalo penjaga pertama ali kedue, dali mpe tei pintu gerbang besi ye nuju ntong jaa. Pintu gerbang iro teugah gegales, belalu dali ntong luar nelang malan mpe tei lorong, seketika iro malaikat nape Petrus. ¹¹ Kede Petrus sadar ali se ye apu terjadi atas da, da bepaner, "Nehe ap bujur-bujur ketoan bahwa Tuhan nyiu malaikat Da ali nyelamat ap ke kami Herodes ali kekawus hal ye na harap ene kawan ulun Yahudi. ¹² Uli Petrus menyadari ye, da tulak ntong belai Maria , ne Yohanes ye na otus ade Markus, tei kame deo ulun desung sendro bekumpul nelang bedoa. ¹³ Kede apetrus ngatuk pintu gerbang, erai ke ulun pelayan bawe ye bearan Rode sulet ngugah jaweng ye. ¹⁴ Uli da ketaru engan Petrus, leka tamam ego da sa ngugah jaweng, akan tetapi mensit ntong suang nelang memberitahukan bahwa Petrus desung jakat tei muka pintu gerbang. ¹⁵ Dali bepaner ntong Rode, "Ko sa waras!" akan tetapi, Rode seleur ngulek bahwa memang nget ro, ali dali sengke bepaner, "Iro adalah malaikat ye." ¹⁶ Akan tetap, Petrus seleur ngatuk, ali kede dali ngugah jaweng, belalu kite Petrus, dali tengkejet. ¹⁷ Namun uli Petrus ngokoi isyarat ali kami da dian dali tenang, da ngulek ntong dali nget meTuhan apu ngoit da, ntong luar penjara. Ali, da bepaner, "Pekempe hal ihe ntong Yakobus ali ntong kawan aben seiman. Belalu, da tulak ntong runa ye lain. ¹⁸ Kede botuk olo sulet, terjadi kekacauan ye se halus tei antara kawan prajurit mengenai se ye apu terjadi ntgong Petrus. Pempate Herodes ¹⁹ Kede Herodes ngeto Petrus ali beloh ruku da, da meriksa kawan penjaga ali ngokoi perintah dion dali na bunu. Belalu Herodes dolui ke Yudea ngtong Kaisarea ali nono tei baro. ²⁰ Kede iro, Herodes bereket bene ntong kawan ulun Tirus ali Sidon, belalu sepakat, dali sulet ngehadap Herodes, uyang uli membujuk Blastus, ye ngurus lou belai raja, dali kaweng dian bedamai leka dali mahan pasokan pengokan ke runa Herodes. ²¹ Te olo ye apu dali tentukan, Herodes nyua pakaian kerajaan, tuet tei tahta pengadilan ali pekempe pidato ntong dali. ²² Meresia sleur nyeraring, "Ihe adalah uyan Allah, baa ke meresia!" ²³ Seketika iro ade, erai ke ulun malaikat Tuhan nampar da leka da sa ngokoi kemuliaan ntong Allah ali da na okan kawan sasing, belalu mate. ²⁴ Akan tetapi, Firman Tuhan magin tumu ali belipat ganda. ²⁵ Belalu, Barnabas ali Saulus mulik ke Yerusalem uli dali nempunah pelayanan dali, nelang ngajuh Yohanes, ye na otus ade Markus.