Tugas Khusus Di Barnabas Ali Saulus ¹ Suatu saat, naan tei antara jemaat Antiokhia, kawan nabi ali kawan guru, ye iro Barnabas, Simon ye na otus Niger, Lukius ke Kirene, Menahem ye na pelihara sendro Herodes, raja wilayah , ali Saulus. ² Sementara kawan ulun ihe desung beribadah ntong Tuhan ali berpuasa, Roh Kudus bepaner, "Khusus di nap Barnabas ali Saulus dian tugas ye leka iro ap apu nook dali." ³ Uli iro, uli dali puasa ali bedoa, serta ngonok kami dali munan Barnabas ali Saulus, dali ngutus kedue ye tulak. Barnabas Ali Saulus Tei Pulau Siprus ⁴ Maka, uli na utus tulak ene Roh Kudus, Barnabas ali Saulus dolui ntong Seleukia, ali ke baro dali belayar ntong Siprus. ⁵ Kede dali mpe tei Salamis, dali pekempe Firman Allah tei sinagoge-sinagoge ulun Yahudi, belalu dali nget ade Yohanes di pelayan dali. ⁶ Kede dali tulak menjelajah kawus pulau mpe ntong Pafos, dali sengkeruku erai ke ulun tukang sihir, erai ke ulun nabi palsu Yahudi, ye bearan Baryesus. ⁷ Da sendro ali Prokonsul Sergius Paulus, erai ke ulun ye panei, ye kaweng Barnabas ali Saulus sulet ntong da ali kakan ngeringa Firman Allah. ⁸ Akan tetapi, Elimas, tukang sihir iro, leka ngetro aran ye na terjemah, nantang Barnabas ali Saulus, ali beusaha ngitar Prokonsul iro ke iman da. ⁹ Namun, Saulus ye dikenal ade sebagai Paulus, na temponu ali Roh Kudus, neneng Elmas, ¹⁰ ali bepaner, "Hai ko, ye ponu ali segala tipu muslihat uyang segala kejahatan, ko iro tia Iblis, ko ro musuh ke segala kebenaran, se ko sa kakan ua ngitar alan Tuhan ye mengkoreng? ¹¹ Nehe, teneng ko, kami Tuhan sulet ntong munan ko ali ko sagar jaji posa uyang sa kite mate olo kengila sesenu waktu. "Seketika iro ade, kabut ali denem dolui munan da ali da tulak ngeliling ngeto ulun dian ngayak kami da. ¹² Belalu Prokonsul iro jaji persaya kede kite se ye apu terjadi leka da wauh ntong ajaran Tuhan. Paulus Ali Barnabas Tulak Ntong Ja Antiokhia Tei Wilayah Pisidia ¹³ Suatu saat, Paulus ali kawan ulun ye sendro da berlayar ke Pafos mpe ntong Perga, tei Pamfilia, tetapi Yohanes ngikah dali ali mulik ntong Yerusalem. ¹⁴ Namun, Saulus ali Barnabas nempelos jalanan ke Perga mpe Antiokhia, tei Pisidia. Ali, te olo Sabat, dali tulak ntong Sinagoge ali tuet tei baro. ¹⁵ Uli pembacaan Hukum Taurat ali kitab para nabi, kawan pimpinan sinagoge nyiu ulun bepaner ntong kedue rasul iro, "Kawan aben, amun ko puunpepaneran penghiburan di kawan ulun ihe, na ulek," ¹⁶ Maka, Paulus jakat nelang ngokoi isyarat ali kami da nelang bepaner, "Hai kawan ulun Israel ali kam ye takut akan Allah, dinga ko! ¹⁷ Allah bangsa Israel ihe apu meli datu nini taka ali meninggikan bangsa taka kengola dali nono tei tana Mesir nelang ali kami ye te engkat, da ngoit dali losek ke biro. ¹⁸ Kengola sekitar opat pulu taun, da besabar ali koe gawi dali tei padang juet. ¹⁹ Ali, uli Da munu turu bangsa tei tana Kanaan, Da mewariskan tana iro. ²⁰ Kawus ihe terjadi kekira ke ngiola 450 taun. Uli iro, Allah nyarah ntong dali kawan hakim mpe te masa Nabi Samuel. ²¹ Uli iro, dali kaweng erai ke ulun Raja, ali Allah ngokoi dali Saul, tia upo Kish, ulun ke suku Benyamin, ke ngola opat pulu taun. ²² Uli Allah menyingkirkan Saul, Allah ngenkat Daud dian jaji raja dali, ye mengenai da Allah apu besaksi ali bepaner, "Ap apu sengkeruku Daud, tia upo Isai, ulun ye berkenan tei aseng Ap, ye sagar ngene kawus kahanak-Ap.' ²³ Ke keturunan ulun ihe, Allah, sesuai janyi Da, ngoit ntong Israel erai ke ulun Juruselamat, ye iro Yesus. ²⁴ Kede ale penyulet Yesus, Yohanes apu one pekempe mengenai baptisan pertobatan ntong kawus ulun Israel. ²⁵ Ali, sementara Yohanes desung nempunah gawian da, da sleur bepaner, 'Ko kira dase ap ihe? Ap baa ke Da. Namun, teneng ko, erai keulun sulet uli ap, sandal tei poo-Da gin ap sa layak ngelepas ye.' ²⁶ Kawan aben, turunan keluarga Abraham ali kawan ulun tei antara ko ye takut akan Allah, ntong taka kabar keselamatan ihe apu na pekempe. ²⁷ Sebab, dali ye nono tei Yerusalem ali kawan pimpinan dali, ye sa ketaru Da ali sa paham pepaneran kawan nabi, ye na basa tiap olo Sabat, apu mengganapi pepaneran kawan nabi iro ali ngehukum Yesus. ²⁸ Ali, sekalipun dali sa ruku se pu alasan ye dian ngehukum mate, dali kaweng Pilatus dian munu-Da. ²⁹ Ali, kede dali menggenapi kawus ye na tulis mengenai Da, dali peduli-pDa ke kayu salib ali ngonok-Da tei suang lebeng. ³⁰ Akan tetapi, Allah nemuet Da ke antara ulun mate, ³¹ Ali kengola se senu olo, Yesus petendre tonga Da ntong kawan ulun ye sendro ali-Da ke Galilea mpe Yerusalem, ye nehe jaji kawan saksi Da di bangsa ihe. ³² Ali, kemali ngoit diengko kabar buen mengenai janyi Allah ntong datu nini taka, ³³ bahwa Allah apu menepati janyi pakai taka, kawan tia dali, ali membangkitkan Yesus, nget ye tertulis suang kitab Mazmur pasal due: 'Ko adalah Anak-Ap. Olo ho, Ap apu jaji Bapa-Ko. 'Mazmur 2:7 ³⁴ Mengenai Allah ye membangkitkan Yesus keantara ulun mate, sa sagar mulik li ntong kebinasaan, Allah apu bepaner, 'Ap sagar ngokoi ntong ko berkat ye kudus ali tau na persaya, ye na okoi ntong Daud. 'Yesaya 55:3 ³⁵ Iro lah sebab ye, Da bepaner ade suang Mazmur ye bali, "Ko sa sagar meladar Ulun Kudus-Ko kite kebinasaan. 'Mazmur 16:10. ³⁶ Sebab, Daud, uli melayani turunan da lei et leka kehendak Allah, belalu mate, ali na onok tei antara datu nini da, ali neneng kebinasaan, ³⁷ akan tetapi Yesus ye Allah bangkitkan ke antara ulun mate, sa neneng kebinasaan. ³⁸ Et leka iro, dion ko ketoan, kawan aben, bahwa lalo Da ihe pengampunan atas dosa-dosa na yatakan ntong ko, ³⁹ ali lalo Da, tiap ulun ye persaya na bebaskan ke segala sesuatu, ye kede ko sa tau nabebaskan ene Hukum Taurat Musa. ⁴⁰ Jaji behati-hati dion hal-hal ye na ulek tei suang kitab kawan nabi sa kune ko: ⁴¹ 'Teneng ko, hai kawan pengesese, tengkejet uyang mate, leka ap ngene gawian tei zaman ko, erai gawian ye sa sagar ko persaya bahkan amun erai ke ulun menjelas ye ntong ko. "Habakuk 1:5 ⁴² Sementara Paulus ali Barnabas ntong luar, kawan ulun kaweng dian dali pekempe mengenai Firman iro te olo Sabat selanjut ye. ⁴³ Uli pertemuan tei sinagoge iro punah, deo ulun Yahudi ali kawan proselit yang takut akan Tuhan mengikuti Paulus dan Barnabas, uyang bepaner ntong dali ali mendorong dali untuk tinggal ntong anugerah Allah. ⁴⁴ Te olo Sabat selanjut ye, ene kawan ulun tei jaa bekumpul dian ngeringa Firman Tuhan. ⁴⁵ Akan tetapi kede kawan ulun Yahudi kite naan bererami tei biro, dali behiri aseng ali mulai menantang se ye na ulek Paulus nelang menghujat ye. ⁴⁶ Belalu, Paulus ali Barnabas nuing uyang ronu nelang bepaner, "Hal ihe penting bahwa Firman Allahg seharus ye menyatakan one ntong ko. Leka ko noy ali menganggap ko sa pantas puun bolum ye kekal, teneng ko, kemali berpaling ntong bangsa-bangsa lain. ⁴⁷ Sebab, nget he Tuhan ngokoi perintah ntong kemali' "Ap apu pejaji ko maa di bangsa-bangsa bali dion ko tau ngoit keselamatan ntong ujung dunia. "Yesaya 49:6 ⁴⁸ Kede kawan ulun nye baa Yahudi iro keringa hal ihe, dali ego nelang memuliakan Firman Tuhan. Ali, kedeo ye apu natentukan dian bolum kekal, jaji percaya. ⁴⁹ Maka, Firman Tuhandaye sawa ntong kawus wilayah iro. ⁵⁰ Akan tetapi, kawan ulun Yahudi menghasut kawan bawe saleh ye nahormatali kawan ulun penting tei jaa, ali membangkitkan penganayaan ntong Paulus ali Barnabas, ali nyiu kedue ye tulak ntong luar ke wilayah batas dali. ⁵¹ Namun, nelang ngobet dabu ke poo dali ntong kawan ulun Yahudi tei baro, Paulus ali Barnabas tulak ntong Ikonium. ⁵² Ali, kawan murid na temponu ali ego uyang ali Roh Kudus.