Petrus Mulik Ntong Yerusalem ¹ Sementara iro, kawan rasul ali kawan aben seiman ye naan tei Yudea keringa bahwa ye baa kawan ulun Yahudi apu ade nerima Firman Allah. ² Leka iro, kede Petrus moo ntong Yerusalem, kawan ulun ye sa pendapat ali da, ³ nelang bepaner, "Ko tulak ntong kawan ulun ye sa besunat ali man sendro dali". ⁴ Akan tetapi Petrus mulai menjelaskan erai pekerai ntong dali, ulek da, ⁵ "Ap desung bedoa tei jaa Yope, ali suang keadaan sa sadar, naan pengite, nget erai ke lamar kain solai baka dalui, ye terulur ali keopat hujung ye ke langit ali gana iro dini ntong ap. ⁶ Uli ap neneng ye, ap memperhati ali kite kawan setua ye be poo opat tei bumi, kawan satua liar, satua melata, ali kawan tempulu tei moo. ⁷ Ap ade keringa naan engan bepaner ntong ap, "Buet, Petrus, semalis uyang okan', ⁸ Namun , ap bepaner, sa, Tuhan. Sebab, beloh naan ye haram atauwa najis pini tetep ntong boawa ap.' ⁹ Akan tetapi, engan iro nuing ye kedue ke langit, 'Se ye apu Allah lahirkan, iya ko ngotus haram!' ¹⁰ Hal ihe terjadi tolu kali, uli iro kawus ye na tarik mulik ntong langit. ¹¹ Teneng ko, ketika iro ade, naan tolu ulun ye na utus sulet ntong belai ap, ke Kaisarea. ¹² Uli kero, Roh bepaner ntong ap dian tulak sendro dali ali sa ragu-ragu. Aben seiman ye beonum ihe tulak ade sendro ap ali kemali moo ntong belai ulun iuro. ¹³ Uli iro, da ngulek ntong kemali nget me da apu neneng malaikat jakat tei belai da nelang bepaner, 'Siu ko ulun ntong Yope ali Simon ye na otus Petrus dian sulet ntong he, ¹⁴ ali da sagar pekempe pesan ntong ko ali leka pesan iro ko sagar naselamatkan, ko ali kawus ulun ye nono tei belai ko. ¹⁵ Sementara ap mulai bepaner , Roh Kudus dolui ntong munan dali sameh nget ye apu terjadi one tei munan taka. ¹⁶ Maka, ap ingat pepaneran Tuhan, keola-Da ngulek, 'Yohanes membaptis ali danum, tetapi ko sagar na baptis ali Roh Kudus. ¹⁷ Jaji amun Allah ngokoi karuniq ye sameh ntong dali nget ye na okoi Da ade ntong taka uli persaya tei suang Tuhan Yesus Kristus, dasekah ap ihe ye kate nahan Allah?" ¹⁸ Kede dali keringa hal iro, dali jaji tenang uyang memuji Allah nelang bepaner, " Amun ngetro, Allah ade apu mengaruniakan ntong ye baa kawan ulun Yahudi pertobatan ali nuju ntong bolum." Injil Mpe Ntong Antiokhia ¹⁹ Uli iro, kawan ulun ye daye sawa leka penganiayaan ye terjadi ntong Stefanus, behamur mpe ntong Fenisia, Siprus ali Antiokhia, nelang sa pe kempe Firman Tuhan, ntong dasepun kecuali ntong kawan ulun Yahudi. ²⁰ Namun, naan sesenu ulun kedali, ye iro kawan ulun Siprus ali Kirene, se sulet ke Antiokhia ali bepaner ade ntong kawan ulun Helenis, nelang pekempe mengenai Tuhan Yesus. ²¹ Kami Tuhan nyendro dali, sesenu ulun deo ye jaji persaya mulik ntong Tuhan. ²² Habar mengenai dali mpe ntong kelinge jemaat tei Yerusalem, ali dali nyiu Barnabas ntong Antiokhia. ²³ Kede Barnabas npe ali neneng kasih karunia Allah, da ego ali ngokoi nasihat ntong kawus dali dian tatap setia ntong Tuhan uyang ate ye teguh. ²⁴ Leka Barnabas ro ulun ye buen, ponu ali Roh Kudus uyang iman, sesenu ulun deo na oit ntong Tuhan. ²⁵ Uli iro, Barnabas, tulak ntong Tarsus dian ngeto Saulus. ²⁶ Ali, uli da ruku Saulus, da ngoit ye ntong Antiokhia. Kengola erai taun, dali sengkeruku ali jemaat nelang ngajar ulun deo. Ali, tei Antiokhia, kawan murid ye pertama kali na otus "Ulun Kristen". ²⁷ Te olo-olo iro, sesenu nabi dolui ke Yerusalem dian sulet ntong Antiokhia. ²⁸ Erai ke ulun ke dali ye be aran Agabus, jakat nelang meramal ali pertolongan Roh bahwa sagar naan kelaparan ye tamam tei seluruh dunia. Ali, kelaparan iro naan tei masa pemerintahan Klaudius. ²⁹ Maka, kawan murid ngepe keputusan dian ngirim sumbangan, sesuai ali kemampuan dali masing-masing ntong kawan aben seiman ye nono tei Yudea. ³⁰ Ali, ye dali ene ade, ngirim sumbangan iro ntong kawan penatua lalo kami Barnabas ali Saulus.