Petrus Ali Korneluis ¹ Kede, tei Kaisarea, naan erai ke ulun be aran Kornelius, erai ke ulun perwira ke pasukan Italia, ² ulun saleh ye takut ke Allah, nyendro ade ali kawus ulun ye naan tei belai da, ali deo ngokoi sedekah ntong kawan ulun nelang seleur bedoa ntong Allah. ³ Kede doyeng, sekitar jam sie olo iro, da neneng ali te na suang pempite, erai kemulun malaikat Allah sulet nelang bepaner ntong da, "Kornelius!' ⁴ Belalu, da neneng malaikat iro nelang takut ali bepaner, "Se ihe, Tuan? "Ali malaikat iro bepaner ntong da, "Doa-doa ko ali sedeka-sedekah ko apu naterima sebagai peringatan tei hadapan Allah. ⁵ Nehe, siu kawan ulun ntong Yope ali tok erai ke ulun ye be aran Simon, ye ade na otus Petrus, ⁶ da nono sendro ali seorang penyamak kulit be aran Simon, ye belai da naan tei diding laut." ⁷ Kede Malaikat ye bepaner ntong da apu tulak, da nok pelayan da bedue ali erai ke ulun prajurit ye saleh ke kawan ulun ye seleur melayani keperluan da, ⁸ uli memjelas sesuatu ntong dali, da nyiu dali ntong Yope. ⁹ Te olo tane ye, kede dali desung suang perjalanan ali dini jaa iro, Petrus mengket ntong munan sapo belai, sekitar jam onum, dian bedoa. ¹⁰ Uli iro, da keket lau kakan man, akan tetapi kede kawan ulun desung nyedia pengokan, Petrus naan pengite, ¹¹ ali da neneng langit te buka ali naan sesuatu nget kain ye solai bene dolui nelang tejulur ke ke opat hujung ye empe ntong tana. ¹² Tei suang ye, naan segala jenis setua be poo opat, ali kawan setua melata tei bumi, ali kawan tempulu tei langit. ¹³ Ulu iro, sulet engan paner ntong da, "Buet, Petrus, semalis ali na okan !" ¹⁴ Akan tetapi, Petrus bepaner, "Sa, Tuhan. Sebab, ap beloh pini ma se pun ye haram atauwa najis." ¹⁵ Ali, engan iro naan li bepaner ntong da ye ke due kali, "Se ye apu Allah tahirkan, iya ko ngotus haram." ¹⁶ Hal ihe,terjadi tolu kali, ali tiba-tiba kawus iro te engkat ntong langit. ¹⁷ Kede iro, sementara Petrus tamam bingung memikir se arti pengite ye apu na ite da iro,tampaklah kawan ulun ye na otus ene Kornelius desung ngeto tei kame runa belai Simon, nelang jakat tei hadapan pintu gerbang , ¹⁸ nelang nook, dali nyituk sekah Simon ye na otus Petrus, naan menumpang tei baro. ¹⁹ Sementara Petrus desung berpikir mengenai pengite da iro, Roh bepaner ntong da, "Teneng ko, naan tolu ulun upo ye desung ngeto ko. ²⁰ Buet ali dolui, tulak sendro dali sa usah ragu leka ap apu ngutus dali." ²¹ Uli iro, Petrus dolui ntong kawan ulun iro nelang bepaner, "Teneng, ap ihe ulun ye na eto kam. Se alasan ko sulet?" ²² Dali bepaner, "Kornelius erai ke ulun perwira, ulun buen ali takut akan Allah, ye terkenal buen tei antara kawus bangsa Yahudi, apu na pekingat ene malaikat kidus dian nyiu ko sulet ntong belai da ali dian keringa pepaneran ko. ²³ Petrus ngundang dali moo ali ngokoi dali runa tei biro. Olo tane ye, da buet pelos tulak sendro dali, ali sesenu kawan aben seiman ke Yope ye nguyang da. ²⁴ Te olo selanjut ye , dali empe Kaisarea. Kornelius apu ngeme dali uyang nimpun kawan aben ali kawan uyang dini. ²⁵ Kede Petrus moo, Kornelius nyenruku da, uli iro mege poo Petrus ali nyamah da. ²⁶ Akan tetapi, Petrus ngawat da jakat nelang bepaner, "Jakat ko! Ap je erai ke ulun meresia ade," ²⁷ Sementara Petrus bepaner ali Kornelius, Petrus moo ntong suang ali naan sengkeruku ulun deo sendro bekumpul. ²⁸ Uli iro, Petrus bepaner ntong dali, "Toan kam bahwa adalah kekejian ke ulun Yahudi amun berhubungan atauwa mengunjungi ye baa ulun Yahudi, akan tetapi Allah apu nundru ntong ap bahwqa sa seharus ye ap ngotus haram atauwa najis ntong dase pun. ²⁹ Irolah sebab ye, ap sa keberatan kede nyiu ap sulet. Leka iro, ap nyituk se alasan ko nook ap?" ^{30 33 31} Ali, Kornelius bepaner, "Apu opat olo empe jam ihe, te jam sie, ap desung bedoa tei belai ap, teneng, naan erai ke ulun jakat tei hadapan ko sua pakaian yang berkilauan. ^{32 42} Ali, da nyiu kemali dian pekempe ntong kawan ulun nelang bersaksi ali bene bahwas Da ro ye na tetapkan ene Allah sebagai Halim atas ye bolum ali ye mate. ⁴³ Bagi Da, kawus nabi bersaksi bahwa tiap ulun ye persaya tei suang Da sagar nerima pengampunan dosa lao aran-Da. Allah menunjukkan bahwa Da nemima kawus ulun. ⁴⁴ Sementara Petrus desung ngulek pepaneran iro, Roh Kudus dolui ntong munan kawus ulun ye keringa Firman iro. ⁴⁵ Ali, kawan ulun persaya ye bersunat, ye sulet sendro Petrus, takjub leka karunia Roh Kudus apu na curahkan, ade ntong bangsa-bangsa lain. ⁴⁶ Sebab, dali keringa kawan ulun iro bepaner suang berbagai bahasa ali memuliakan Allah. Uli iro, Petrus bepaner, ⁴⁷ Sa sih beloh naan erai ke ulun pun ye kate nahan danum dian na baptis ntong kawan ulun ye apau nerima Roh Kudus sameh nget taka ihe?" ⁴⁸ Maka, Petrus nyiu dali dian na baptis tei suang aran Kristus Yesus. Uli iro, kawan ulun iro kaweng dion Petrus nono sendro dali kengola sesenu olo.