Bolum Ye Kado Lalo Roh ¹ Jaji, leka Kristus apu sengsara secara jasmani, ware lei ko nyaga unuk ko ali pikiran ye sameh, sebab ulun ye pini sengasara jasmani, apu uwa ngene dosa ² sehingga suang menjalani sisa bolum tei denia ihe, da sa li siut pengakan meresia, melainkan kahanak Allah. ³ Sebab sukup waktu te masa one ko dian ngene kebiasaan kawan ulun ye sa ketaru Allah, bolum suang hawa nafsu, kemabukan, pestapora, minum-minum ali penyembahan berhala ye ponu kekejian. ⁴ Nehe, dali wauh bene kede ketoan bahwa ko sa li siut suang kebejatan liar ye na ene dali. Et leka iro, dali memfitnah ko. ⁵ Akan tetapi, dali sagar ngokoi pertanggungjawaban ntong Da ye sagar menghakimi, ulun ye bolum ali ye mate. ⁶ Dian alsan ihe leo, Injil na pekempe ntong kawan ulun ye nehe apu mate sehingga meskipun dali apu na hakimi, tei denia ihe sesuai ali standar meresia, tapi dali bolum secara roh menurut ukuran Allah. ⁷ Pengawus ke segala sesuatu apu dini. Leka iro, waspada lei ali bejaga-jaga lei don tau bedoa. ⁸ Tei munan kawus ye iro, tarus pengeasi ali bebujur sebab asi nangkep deo bene dosa. ⁹ Tundru ko keramahan erai ali ye bali ali sa mengeluh. ¹⁰ Leka tiap ulun apu nerima karunia, pakai lei iro melayani erai ali ye bali nget pelayan ye buen munan berbagai-bagai karunia ke Allah: ¹¹ dase ye bepaner, buen ali da bepaner nget ulun ye pekempe Firman Allah; ali dase ye melayani, buen lei da melayani ali kekuatan ye na okoi Allah sehingga suang segala hal, Allah na muliakan lalo Yesus Kristus. Di Da lei kemuliaan ali kuasa mpe kengola ye . Amin Sengsara Nget Penguikut Kristus ¹² Kawan aben ye na asi, iya lei tengkejet ali apui pencobaan ye sulet dian nguji ko, seolah-olah sesuatu ye moko wauh terjadi munan ko. ¹³ Namun, be ego lei leka ko siut ngepe bahagian suang penderitaan Kristus sehingga ko ade tau ego ali sanang te saat kemuliaan-Da menyatakan. ¹⁴ Be ego lei amun ko na hina leka aran Kristus, sebab Roh kemuliaan ali Roh Allah nteng tei suang ko. ¹⁵ Akan tetapi iya naan tei antara ko ye sengsara nget pembunuh, pencuri, pelaku kejahatan, atawa nget ulun ye ketuju siut sampur urusan ulun bali. ¹⁶ Akan tetapi, dasepun ye sengsara nget ulun Kristen, iya lei da mangen, sebalik ye ware da memuji Allah leka nanggung pengotus iro. ¹⁷ Apu saat ye penghakiman na mulai ke keluarga Allah. Ali, amun penghakiman na mulai ke taka, ngetme kah nasib kawan ulun ye sa taat ntong Injil Allah? ¹⁸ Amun ulun saleh aa paye dian naselamatkan , nget me ali ulun jahat uyang ulun edosa? Amsal 11:31 ¹⁹ Leka iro, dion lei dali ye sengsara leka kahanak Allah, ngeharap unuk da ntong Sang Pencipta ye setia nelang pelos ngene se ye buen.