Sikap Kawan Sao Ali Kawan Bane ¹ Nget ro ade ko, hai kawan sao, tunduk lei ntong bane ko. Sebab, apabila tei antara dali naan ye sa taat ntong Firman, dali tau kuret ene kelakuan sao ye sa ali pepaneran, ² Sebab dali kite betapa murni ali terhormat ye tingkah laku ko . ³ Iya lei ke bungas ko sulet ke hiasan luar, misal ye ke ngepang balo, makai hiasan amas, atawa makai pama ye larang. ⁴ Sebalik ye, wara lei bungas ko iro sulet te suang batin ko ye iro bungas ye sa tau layu, ye beasal ke roh ye lemah lembut ali tenang . Iro lei ye berharga tei mate Allah. ⁵ Sebab, nget ro lei kawan bawe kudus te zaman one, ye ngonok pengharapan dali ntong Allah, ngene bungas unuk dali, ye iro ali nurut ntong bane dali. ⁶ Nget ro lei Sara taat ntong bane ye, Abraham, ali nook da 'tuan'. Ko ro kawan tia Sara amun ko ngene ke buen ali sa na kuasai ene perasaan takut kede ngene ye. ⁷ Nget ro ade ko, hai kawan bane, bolum lei sendro sao ko ali ponu pengertian leka dali kaum ye lewi lome. Hormati lei dali nget sesameh ahli waris suang nerima anugerah bolum dion doa-doa ko sa tehalang. Sengsara Leka Ngene Buen ⁸ Akhir ye, ware kawus kam puun kesatuan pikiran, belas asi, asi persaudaraan, ate ye lemah lembut, ali kerendahan ate. ⁹ Iya lei ngebalas daat ali daat, atawa pengereket ali pengereket. Sebalik ye, ware lei ko memberkati sebab dian iro lei ko na took, ye iro dion ko mewarisi berkat. ¹⁰ Sebab Kitab Suci ngulek, "Dase ye mencintai bolum, ali kakan ali kakan kite olo-olo ye buen, da harus nyaga lola da ke kejahatan, ali bowa da, ke pengotus tipu muslihat. ¹¹ Da ade harus buyoke ye dazt ali ngene ye buen. Ware da ngeto perdamaian, ali beusaha ngedasu ye. ¹² Sebab, mate Tuhan neneng kawan ulun ye buen, ali kelinga-Da ngeringa doa-doa dali. Namun, wae-Da ngelawen kawan ulun ye ngene kejahatan. Mazmur 34:13-17 ¹³ Dasekah ye sagar ngene ko celaka amun ko rajin ngene ye buen? ¹⁴ Namun, seandai ye ko harus sengsara di kebenean, maka ko sagar na berkati. "Iya takut ali iaya gentar ntong dali ye ngene ko sengsara." ¹⁵ Akan tetapi, kuduskanlah Kristus nget Tuhan tei suang ate ko ! Siaop sedia dian ngokoi jawaban ntong dasepun ye nuntut ko mengenai pengharapan ye naan tei ko, ¹⁶ tapi ene lei iro ali lemah lembut uyang hormat, ali nyempuun aseng ye jeranih dion kede ko nafitnah, ulun ye ngereket sara bolum ko ye buen tei suang Kristus sagar jaji mangen. ¹⁷ Sebab, lewi buen sengsara leka ngene kebuen, amun iro memang kehanak Allah, kepada sengsara leka ngene daat. ¹⁸ Leka Kristus ade apu sengsara leka dosa-dosa, erai kali dian kawus ulun, ye bene mate dian ye sa bene, sehingga Da tau ngoit taka ntong Allah. Na bunu secara jasmani tapi na temolum tei suang Roh. ¹⁹ Suang Roh, Da ade tulak ali ngene pemberitaan ntong roh-roh tei penjara, ²⁰ ye iro dali ye one sa taat kede Allah ali sabar ngema dali tei zaman Nuh, sementara Nuh nemuet bahtera ye. Lolo bahtera iro, je idis, ye iro je walo ulun, ye na selamatkan ke air bah. ²¹ Air bah iro melambangkan baptisan ye nehe nyelamat ko. Baptisan baa dian mui sempoi ke tonga, tapi pengaweng ntong Allah dian aseng ye murni, lalo kebangkitan Yesus Kristus, ²² Ye iro Da ye nehe apu mengket ntong surga ali naan tei sila sanan Allah; uli kawus malaikat, kawan pemerintah, ali kawan penguasa na tundukkan ntong-Da.