Batu Ye Bolum Ali Bangsa Ye Kudus ¹ Leka iro, obet ko kawus kemuaren, kawustipu daya, kawus kemunafikan, kawus behiri ate, ali segala macam fitnah. ² Nget rikak ye kado na belolos, ware ko ngaga susu rohani ye murni dian ko tumu suang keselamatan ko, ³ amun ko apu bebujur ketaru bahwa Tuhan iro buen. ⁴ Kede ko sulet ntong Kristus, batu hidup ye na tolak ene meresia, tapi ye na peli ene Allah ali na anggap tamam berharga ali-Da. ⁵ ko ade nget batu-batu hidup, ye na buet jaji erai belai rohani, imamat ye kudus dian mempersembahkan kurban-kurban rohani ye berkenan ntong Allah lalo Yesus Kristus. ⁶ Leka Kitab Suci Ngulek , "Teneng ko, Ap ngonok erai bua batu tei Sion, erai bua batu penjuru ye na peli ali ye mulia, ali dase pun ye harap ntong-Da sa sagar na ene mangen." Yesaya 28:16 ⁷ Jaji, batu iro mulia di engko ye harap, tapi di ulun ye sa harap, "Batu ye na tolak ene tukang tukang bangunan, apu jaji batu penjuru, " Mazmur 118:22 ⁸ ali jaji, "Sebuah batu sandungan, ali karang ye ngene ulun lotu. "Yesaya 8:14 Dali lotu leka sa taat ntong Firman. Iro lei alan ye apu natentukan di dali. ⁹ Namun, ko ro bangsa ye te peli, imamat ye rajani, bangsa ye kudus umat puun Allah lei dian ko tau pekempe kebuen-Da, ye apu nook ko losek ke kegelapan nuju ntong terang Da ye ajaib. ¹⁰ One ro, ko baa ke umat Allah, tapi nehe ko ro umat Allah. One ro, ko sa nerima belas asi, tapi nehe ko apu nerima belas asi Allah. "Hosea 2:23 Bolum Ye Buen Dian Kemuliaan Allah ¹¹ Kawan aben ye na asi, ap kakan menasihati ko nget pendatang ali ulun asing tei dunia ihe dian nyiu buyo unuk ko ke pengakan hawa nafsu duniawi ye bulo ngelawen aseng ko. ¹² Jaga lei perangai ko ye buen ke antara kawan ulun ye male harap dion apabila dali memfitnah ko nget ulun ye ngene kejahatan, dali tau kite perbuatan ko ye buen, ali sagar memuliakan Allah te olo pelawatan. Patuhlah Ntong Penguasa ¹³ Di aran Tuhan, patuh lei ntong tiap lembaga pemerintahan ye natetapkan ene meresia, ben ntong raja nget penguasa paling moo, ¹⁴ atawa ntong kawan gubernur ye na utus ene raja dian ngehukum kawan pelaku kejahatan ali ngioi pujian ntong kawan ulun ye ngene ke buen. ¹⁵ Sebab, nget ro lei kahanak Allah" ali ngene kebuen, ko mempeng sa kenentoan kawan ulun budu. ¹⁶ Bolum lei nget kawan ulun ye bebas, tapi iya ngene kebebasan ko iro nget nide dian kejahatan. Sebalik ye bolum lei nget hamba-hamba Allah. ¹⁷ hormati lei kawus ulun. Kasihi lei kawan aben seiman, takut lei akan Allah, ali hormatilah raja. ¹⁸ Hamba-hamba, tunduk lei ntong tuan ko ali segala hormat. Baa je ntong dali ye buen ali lome tapi ntong dali ade ye sa adil. ¹⁹ Sebab, nget kasih karunia, amun di keasdaran da akan Allah, erai ke ulun hakun bertahan suang penderitaanleka beloh naan keadilan. ²⁰ Sebab, se kah upa ko amun ali tabah ko nerima pukulan leka pengene ko ye bedosa? Akan tetapi, amun ko sengsara leka ngene buen ali ko nerima da ali tabah, tindakan ko iro berkenan tei hadapan Allah. ²¹ Sebab, dian iro lei ko na took, leka Kristus ade apu sengsara di engko ali ngikah teladan di engko dion ko siut jejak Da. ²² Da sa nene dosa, ali tipu daya beloh naan tei bowa Da. Yesaya 53:9 ²³ Kede Da na kasese Da sa ngebalas ali kesese, leka Da sengsara, Da sa ngancam, tapi nyarah unuk Da ntong Allah ye sagar memutus ali adil. ²⁴ Da lei apu nanggung dosa taka te unuk Da tei kayu salib dion taka mate terhadap dosa, ali bolum dian kebenean. Leka bilur-bilur Da, ko na pebeme. ²⁵ One ko nget domba-domba ye seleur taang, tapi nehe ko apu mulik ntong Sang Gembala ali Pelindung unuk ko.