Gembalakanlah Domba-domba Allah ¹ Leka iro, nget sesameh penetua ali saksi mate kesengsaraan Kristus, ali ade nget ulun ye sagar siut ngepe bahagian suang kemuliaan ye sagar na nyatakan, ap nyiu kawan penatua ye naan tei antara ko. ² Gembalakanlah domba-domba Allah ye naan tei ko! Iya leka tepaksa, tapi ali rela nget ye Allah kehanaki, iya ngene iro dian mahan keuntungan ye hina, tapi leka ko besedia. ³ Iya ade betindak nget penguasa ntong dali ye na harapkan ntong suang tanggung jawab ko, tapi jaji lei teladan di kawanan iro. ⁴ Ali ngetro, kede nene suang Gembala Agung sulet, ko sagar nerima mahkota kemuliaan ye sa sagar layu. ⁵ Nget ro ade ko , ye kea ure, tunuk lei ntong kawan tetuha ko, ali ware kawus kam puun kerendahan ate, ye erai ntong ye bali leka, Allah ngelawen kawan ulun ye sakah, tapi Da ngokoi anugerah ntong ulun ye rendah ate. Amsal 3:34 ⁶ Sebab iro, rendahkanlah unuk ko tei waa kami Allah ye ponu kuasa. Maka Da sagar ngengket ko te waktu ye. ⁷ Sarah lei kawus ye na gaer ko ntong Allah leka Da ye melihara ko. ⁸ Waspada ali bejaga-jaga lei! Musuh ko, ye iro Iblis, malan da ye sawa nget simang ye mengaum, ngeto pengokan dian natolen da. ⁹ Lawan lei Iblis, Jakat lei teguh suang iman ko leka ko ketoan bahwa tei litar dunia, kawan aben seiman ko ade nangung kesengsaraan nget ye na inam ko. ¹⁰ Ali, uli ko sengsara dian sementara waktu, Allah sumber segala anugerah ye apu nook dian siut ngepe bahagian suang kemuliaan-Da ye kekal te suang Kristus sagar memulihkan, meneguhkan, menguatkan, ali nemuet ko. ¹¹ Di-Da lei, kuasa dia ke ngola ye amin! Tabe Penutup ¹² Ap nulis surat udok ihe ntong ko lalo Silwanus, ye na pentaru ene ap nget aben seiman ye setia. Ap kakan ngokoi semangat ali kesaksian ntong da, bahwa ihe ro anugerah ye sejati ke Allah. Jakat lei teguh tei suang anugerah iro. ¹³ Jemaat ye naan tei Babilonia, ye ade umat napeli Allah, pekempe tabe ntong ko. Markus anak ap suang Kristus, pekempe ade tabe ntong ko. ¹⁴ Okoi lei tabe erai ntong ye bali ali ciuman kasih. Damai sejahtera di kawus ye naan suang Kristus. Amin.