¹ ntoh nting gereja Antokia, bise nabi ngan guhu. uyoh balohan Barnabas, Simeon (di' nenosu Niger), Lusius sae Kirene, Manaan (posik pumaing Herodes sang hajo wilayah), ngan Saulus. ² Sementara balo tungkoh ibadah kone Punompo ngan puaso, Roh Kudus sano, "Kusus nyo'k Ko Barnabas ngan Saulus, nyo'k ngkodi kijo di' nyo'k han Ko jeh nosu balo. ³ Mosi' sae balo puasa, budoa, ngan numpong tongan woh balo, balo ngutus balo bongka'. ⁴ Mosi'han Barnabas ngan Saulus mentaati Roh Kudus ngan manu kone Selukia; sae nyah balo berlayar kone pulao Siprus. ⁵ Libo balo monae nting kota Salamis, balo ngagoh Firman Tuhan nting sinagoge-sinagoge Yahudi. Balo nis Yohanes Markus mantu. ⁶ Libo balo njelajah sodo pulao sampai Patmos, balo budopa' si'nyo tukong sihir, nabi palsu Yahudi, di' odande Bar Yesus. ⁷ Tukong sihir han bukawan go' sang gubernur, Sergius Paulus, nyo di' terpelajar. Nahi to nosu Barnabas ngan Paulus, kano de owong ngoping Firman Tuhan. ⁸ Tetapi Elimas, ''tukong sihir'' (muhan kiho odande diterjemakan) nontong balo; de labus ngaleh sang gubernur sae imande. ⁹ Tetapi Saulus, di'ne nyono Paulus, dipenuhi nis Roh Kudus, hati hojo konede, ¹⁰ ngan buhuco'k, "Mo, putra si kubiyek, mo punud nis tipu ngan klicik. Mo adalah musuh sae sodo kebenaran. Mo kae suoh togo' mole musing johan bujo' sae Tuhan, muhae? ¹¹ Tilelah, tongan Tuhan ho' ngukummo, lalu mo ncodi boko'. Mo kae dopa' ntile motuh onu nyo'k kudu-kudu waktu." Segera jodi kone motuh Elimas kabut ngan kupitu; de mulai keliling minto ngado nyo nuntunde. ¹² Mosi' sae gubernur ntile oneh di' terjadi, de cayo', kano de kagum nis pengajoh tentang Tuhan. ¹³ Ntoh paulus ngan kawan-kawande bulayar sae Pafos lalu monik kone Perga nting daerah Pamfilia. Tapi Yohanes ntiga balo lalu bale' kone Yerusalem. ¹⁴ Paulus ngan kawan-kawande nempuh punyalan sae Perga lalu monik nting Antiokia daerah Pisidia. Nting ngonyah balo bongka' kone sinagone libo onu Sabbat lalu dudo' nting ngoyen. ¹⁵ Mosi' sae maco Taurat ngan kitap balo nabi, balo pemimpin sae sinagone han mise', ''saudara-saudara, ma' dien bise pesan di' membangun nyo'k nyo-nyo, sanolah.'' ¹⁶ Mosi'han Paulus ntokut lalu nyilo isyarat nginyo'k tongande; de nyono, "nyo-nyo Israel go'k dien di' menghormati Punompo, kapingngan. ¹⁷ Punompo sae nyo-nyo Israel jeh mileh ne' moyang de go'k ngado bangsa de lobeh oben libo balo ponae bring poyo mesir, ngan go'k tonganDe di' kua't, De mipin balo keluoh. ¹⁸ Kiro-kiro empa' puhu sowo De hongkoh balo nting padang gurun. {Kudu salinan Juno nimaco, " Kiro-kiro empa' puhu sowo De mlihara balo nting padang gurun."}* ¹⁹ Mosi'sae De ngancoh ju suku banso sae Kanaan, De nyilo banso de' poyo balo nyo'k warisan. ²⁰ Sodo kejadian to terjadi lobeh sae empa' hatus himuh puhu sowo. Mosi'sae sodo hal to, Punompo nyilo balo balo hakim sampai kone Samuel sang nabi. ²¹ Mosi'han haya' minto hajo, lalu Punompo nyilo balo balo Saul bin Kish, nyo sae suku Benyamin, nyo'k ncodi hajo selama empa' puhu sowo. ²² Mosi'sae Tuhan menyingkirkande sae jabatan hajo, De ngangka' Daud ncodi hajo balo. Tentang Daud Tuhan yan, 'Ko jeh nopa' Daud putra Isai, nyo'k ncodi si'nyo nahi di' ngerti woh owongko, di' nurut koowongKo.' ²³ Sae keturunan-keturunan nahi-nahi to, Punompo nyilo Israel si'nyo juruslamat, Yesus, moh di' jeh nis De nyanyi. ²⁴ To mulai terjadi libo, sebelum Yesus monik, Yohanes di' puntojis ngumum pembaptis pertobatan kone sodo nyo Israel. ²⁵ Libo Yohanes tungkoh nyelesai kijode, de buco', 'dien pikeh ko oseh? ko bikingta juruselamat han, tapi kapingngan, isenyo owong monik mosi'sae ko, di' tohis kasutde boh golo' ko muko'.' ²⁶ Saudara-saudara, onok-onok sae kutuhun Abraham, go' dimo' sgalo di' nyembah Punompo, kone de'lah pesan to di sampaikan. ²⁷ Kano balo di' monae nting Yerusalem, go' paro punguaso balo, kae ngangko De, bako nganggap nubuatan sae paro nabi di' nimaco tio' onu sabat ngan nyalipkanDe ²⁸ walaupun balo kae nopa' pnyebab nyo'k ngkomisDe, balo ngado Pilatus ngkomisDe. ²⁹ Libo balo jeh menggenapi sodo koyuh di' jeh nenulis ngenai De, balo ntono De sae koyuh salib ngan ngalaeDe nting makam. ³⁰ Tetapi Punompo mbangkitDe sae uyoh nyo-nyo kobis. ³¹ De jeh tile sekian onu kotaide nis balo di' jeh nyertaiDe sae Galilea kone Yerusalem. Nyo-nyo tolah di' ntoh ncodi saksi-saksiDe nyo'k sodo nyo. ³² Sehingga sampaito me mban agoh bae' ngenai janyi-janyi di' nemongki nis ne' moyang de': ³³ Punompo jeh nepati janyi-janyi to kone de', onok-onok balo, kano alasan hannah De mbangkit Yesus agi'. To geh di' tertulis woh Masmur di'kedukoh: 'Molah PutraKo, onuto Ko jeh ncodi pa'Mo.' ³⁴ Geh ngenai kenyataan bahwo De jeh mbangkitDe sae uyoh nyo kobis sehingga sgoloDe kae binasa, de jeh nyono munto: 'Ko owong nyilo berkat Daud di' kudus ngan pasti.' ³⁵ To ngoneh de geh yan nting Masmur di' biking, 'Imo kae owong ngijin di' kudus ngalami kebinasaan.' ³⁶ Kano mosi' sae Daud melayan kuowong Tuhan libo zamandee, de kobis, ningubur samoh ngan ne' moyangdee, ngalami kebinasaan, ³⁷ tapi De di' ne Tuhan mangkit kae ngalami kebinasaan. ³⁸ Jadi nadungan biar mo taoting, saudara-saudara, bahwo lalu nyo to punyono pungampun atas duso-duso. ³⁹ Nisde, tio' nyo di' pucayo dibenarkan sae sgalo hal di' ngokeh kae dopa' dibenarkan nis Hukum Musa. ⁴⁰ Jodi waspadalah ngan hal di' nenyono balo nabi supayo kae terjadi konemo: ⁴¹ 'Tile, mo balo pengejek, mpoje' ngan moyo'; kano Ko tungkoh ngkodi karyaKo nting onu-onumo, Suatu karya di' kae suoh mo ncayo', bahkan sekalipun nyo nyonodee konemo." ⁴² Libo Paulus ngan Barnabas bongka' nyo-nyo mohon supayo balo tao' nyono hal-hal di' sama kone Sabat mosi'han. ⁴³ Libo pertemuan nting sinagone han berakhir, oben nyo Yahudi ngan penganut agama Yahudi ngajoh Paulus ngan Barnabas, di' jeh buco' kone balo ngan nyungong balo nyo'k lanjut mide' woh kaseh karunia Tuhan. ⁴⁴ Libo sabat mosi'han, hampir sebagian kontik penghuni kota bugo' samoh nyo'k ngoping Firman Tuhan. ⁴⁵ Tungkoh nyo-nyo Yahudi nte' puhugo' nyo han, balo dipenuhi rasa iri owong ngan iyan lawan oneh koyuh di' ninyono Paulus kali' hinadee. ⁴⁶ Tapi Paulus ngan Barnabas berani buco' ngan nyono, "sangat penting bahwo Firman Tuhan harus sano konemo lobeh tian. Nte' bahwo mo nolakdee ngan nganggap dien sodo kae layak nyo'k himo mide' kekal, tilengan, me owong berpaling kone nyo-nyo biking Yahudi. ⁴⁷ Kano munto Tuhan jeh hintoh me, nyono, 'Ko jeh nempatmo sebagai tohong woh nyo-nyo biking Yahudi, nyo'k supayo mo mengabarkan keslamatan sampai kone tojo' bumi.''' ⁴⁸ Libo nyo-nyo biking Yahudi ngoping hal to, balo sonong kali' muji firman Tuhan. Koben di' jeh nenontu nyo'k mide' kekal ncodi pucayo'. ⁴⁹ Fiman Tuhan nenyebar nting sodo daerah han. ⁵⁰ Tapi nyo-nyo Yahudi ngasut kaum buiman ngan kuyoh nayong penting, go' kuyoh pemimpin kota. Hal to nimoe dakwaan nyo' Paulus ngan Barnabas kali ngosohde sampai batas kota. ⁵¹ Tapi Paulus ngan Barnabas kimah dobu sae kojo balo. Mosi'han balo obu kone kota Ikonium. ⁵² Ngan kuyoh murid dipenuhi nis sukacita go' kekuatan Roh Kudus.