¹ Terjadilah woh Ikonium bahwo Paulus ngan Barnabas masok sinagoge Yahudi samoh-samoh kali buco' munto rupa shingga dais pugo' koben nyo bae Yahudi maupun Yunani ncodi pucayo'. ² Tapi Yahudi di' kae taat nkiko pikeh-pikeh banso-banso biking Yahudi kali ngado balo benci' prabis posik-posik han. ³ Ponaelah balo nting ngohan dalam waktu di' paling otai, berani iyan mengenai agoh anugrahDe. De ngkodi hal to hinsae nyono tano- tano ngan mujizat- mujizat di' terjadi hisae tongan- tongan Paulus ngan Barnabas. ⁴ Tapi mayoritas penduduk- kota terbagi: sebagian nyo setuju ngan nyo-nyo Yahudi ngan sebagian agi ngan balo rasul. ⁵ Libu -saat baek nyo-nyo biking Yahudi ngan nyo Yahudi jeh usaha nyo'k yakin pemimpin-pemimpin balo nyo'k njebak ngan nikam Paulus ngan Barnabas, ⁶ balo jeh taok nting ngan ngkobu de kone kota Likaonia, yaitu Listra ngan Derbe, ngan daerah sekitar han, ⁷ lalu balo ajeh-ajeh ngagoh injil nting ngoyen. ⁸ Nting Listra bisi nyo nahi di' dudo', kojode kidoh -kekuatan, cacat jo'k si' kandungan no'kde, gun suoh bujalan. ⁹ Nyo to ngoping Paulus tungkoh iyan. Paulus honong motuhde ngan ntilek bahwo nyo to bise iman nyo'k sembuh. ¹⁰ Mako de nyono ngan tegas, " Ntokutlah nginyok kojo-kojomo." Ngan nyo han lumpak kali' bujalan kotu-koeh. ¹¹ Libo nyo oben han ntile oneh di' jeh ne Paulus nkodi, balo nkais asong woh bahasa Likaonia, "Diwo-diwo jeh temono none de' woh moh nyo-nyo." ¹² Balo nyono Barnabas " Zeus," ngan Paulus "Hermes," kano Paulus han juru buco' puntojis. ¹³ Imam dewa Zeus, di' kuilde monae nting luar kota, mban lembu-lembu dahi ngan karangan bungo kone mun gerbang; de ngan nyo oben owong persembahkan korban. ¹⁴ Tapi, libo balo rasul, Barnabas ngan Paulus, ngoping hal han, balo nguja'k adoh balo ngan dohah-dohah bongka' kone puhugo'k han, mpau, ¹⁵ ngan yan, "Hai dien, ngoneh dien mo nkodi hal-hal to? me geh boh ntoyan di' berprasaan supo moh mo. Me mban agoh bae, bahwo mo harus bale sae hal-hal di' sia-sia to kone Punompo di' mide'k, di' jeh mongki honye'k, bumi ngan laut, ngan segalo obis di' nting uwohde. ¹⁶ Libo jaman sae, De ngijin sodo bangsa-bangsa mide' hupo cara-cara balo maeh. ¹⁷ Biar mungkeh, Dee kae ngadode tode' kidoh saksi, woh hal han Dee nkodi di' baek ngan ncuhoh ujan sae sugo ngan musim-musim oben buoh, mpunud owongmo nginyo'k kunae ngan kusonong." ¹⁸ Bahkan nginyo'k bobo-bobo di'han, Paulus ngan Barnabas kae sangup nahan nyo oben nyilo korban kone balo. ¹⁹ Tapi banso kudu go nyo Yahudi sae Antiokhia ngan Ikonium monik kali' yaken nyo oben. Balo nikam Paulus nginyo'k botuh kali' ngompi'de kusopo kota, sambel pikeh bahwo dee jeh kobis. ²⁰ Libo woh balo murit tungkoh ntokut lilingde, de ntokut kali' masok kota. Onu kudikoh, de obu kone Derbe samoh go'k Barnabas. ²¹ Mosi'sae balo jeh ngagoh injil nting kota han ngan mongki oben murit, balo bale' kone Listra, Ikonium, ngan Antiokhia. ²² Balo ajeh-ajeh nguat jiwo-jiwo uyoh murit ngan nyungong balo nyo'k ajeh woh iman, yan,"de harus maso'k kone woh kerajaan Punompo lalu oben penderitaan." ²³ Libo balo jeh nijuk nyo'k balo pemimpin-pemimpin nting tio'k gereja, ngan jeh budoa go'k puasa, balo ncayo'k balo kone Tuhan, di' uwohDe balo jeh cayo'. ²⁴ Mosi'han balo obu lalu Pisidia lalu monik kone Pamfilia. ²⁵ Libo balo jeh nyampai firman nting Perga, balo temono kone Atalia. ²⁶ Sae nyah balo belayar kone Antiokhia, ahong balo jeh berserah kone anugrah Punompo nyo'k kijo balo di' jeh selesai. ²⁷ Libo balo monik nting Antiokhia go'k ngumpoe gereja samoh-samoh, balo lapor sodosgalo koyuh di' Punompo jeh nkodi go'k balo, ngan mungkeh Dee jeh muko' giging iman nyo'k banso-banso biking Yahudi. ²⁸ Balo notap samoh-samoh ngan uyoh murid han nyo'k onu di' otai.