¹ Ari koo muoklah Yohanes pambabtis, caramah ka tangoh utotn Yudea. ² Io bakato, "Batobatlah karamo Karajaan Surga dah samak.". ³ sabab, Iolah nang dinyabutot nabi Yesaya waktu bakato, " Suaro urokng nang ngampak ka tangoh utotn, 'Siapotn marago untuk Tuhan, amuatlah maraga-E ocor." Yesaya40:3 ⁴ Yohanes sandiri make pakeane nang babulu unto ba taliban kuit ka pingaknge. Makanane buntak-butak ba madu utotn. ⁵ Lalu, urokng-urokng Yerusalem atokng ka Io, saluruh Yudea, ba saluruh wilayoh sakitar Yordan. ⁶ Lalu, ne'ido' dibabtisot Yohanes di Yordan, sambil ngakui' doso-doso ne'ido'. ⁷ Waktu Yohanes nanang manyak urokng farisi ba Saduki atokng ka baptisane, io bakato ka ne'ido' "Kau, katurunan uar baludak, sape nang ngingati' kau supayo kau biso dari ampat kaganasot nano? ⁸ Karamo koo, aselotnlah buoh-buoh nang sabanding ba patobatotn, ⁹ ugo' ame ba fikir sa' diri'ngu sandiri', 'Abraham bapo' laluhur kami,' karamo aku bakato ka kau dari batu-batu nyian Allah sanggup mangkitotn kamudo'-kamudo' untuk Abraham! ¹⁰ Kanio', kapak dipuangan ka akar puhutn-puhutn kayu, puhutn kayu nang ino' babuoh baik di tabokng dibuokng ka doop api. ¹¹ Aku sasungguhe baptis kau ba ai' sa' patobatotn, tapi Io nang atokng ako' aku labih ba kuoso dari pado aku, nang sandal-E pun aku ano' patut aku nabanan io. Io mao' baptis kau ba Roh Kudus ngan api. ¹² Alat panampi ado kakokot-E Io mao' marasihot tampat pangirikatn-E, lalu ngomoan gandum ka doop bauh. Lalu , Io io tunu sakapme ba api nang ano' biso dipadaman." YESUS DIBAPTIS YOHANES PAMBABTIS ¹³ Ako'koo, Yesus atokng ampat ka Galilea ka Yordan ka Yohanes supayo di batis Yohanes. ¹⁴ Tapi Yohanes barusoho merai' Io sambil bakato, "Akulah nang parlu Kau baptis, tamu ngameo Kau nang atokng ka aku?" ¹⁵ Lalu, Yesus nyahuti, "Kanio' biarotnlah karamo jaiyolah nang saharuse tajadi kadiri' sa' nganapi saluruh kabanarotn." Lalu, Yohanespun miarotn Io. ¹⁶ Ako' dibaptis, Yesus langsung kauar ampat ka ai', tananglah, sarugo tabuko' lalu Io nanang Roh Allah turutn angayo burukng merpati nyangkap ka atar-E. ¹⁷ Dangarlah suaro ampat ka sarugo nang ba kato, "Nyianlah anak-Ku nang Ku kasihi, ka Iolah Aku picayo."