¹ Kanio', ako' Yesus di maranakot di Betlehem, di Yudea, waktu zaman Herodes, tananglah, urokng-urokng Majus dari timur atokng ka Yerusalem. ² Ne'ido' batanyo' "Dimae ke Io, nang di maranakotn, Rajo urokng Yahudi koo? Karamo, kami ado nanang bintakng-E ka timur, kami atokng nyamboho' Io." ³ Waktu Rajo Herodes nangar, susohlah io ba samuo urokng ka Yerusalem koo. ⁴ Lalu, io ngumpulot samuo imam kapalo ba ahli-ahli Taurat bangso koo. Io ngorek-ngorek katarangan ampat ka ne'ido', tampat Kristus di maranakot. ⁵ Ne'ido' madohot "Ka Betlehem,wilayah Yudea, karamo jaiyolah nang ditulis nabi: ⁶ Lalu, kau Betlehem, ka tanoh Yehuda, samo sakai buke'lah nang paling enek ka antaro samuo panguaso Yehuda, karamo ampat ka kau muok seko' pamimpin, nang mao' ngambaloot umat'Ku, Israel." Mikha 5:2 ⁷ Lalu, Herodes diam-diam nyaru' urokng-urokng Majus koo, minto kapastiot ampat ka ne'ido' tantang sinar bintokng koo. ⁸ Lalu, io nyuruh ne'ido' ka Betlehem sambil bakato,"ampus salidiki'lah baik-baik kamudo' koo. Lalu, kalo kau dah namui' Io, padohot ka aku biar aku atokng nyamboh Io." ⁹ Ako' nangarot rajo, ne'ido' ampus. tananglah, bintokng nang ne'ido' nanang ka timur koo ngiring ne'ido' sampe ngaramus lalu baranti ka atas tampat Kamudo' koo. ¹⁰ Waktu anang bintokng koo ne'ido' repo sidi. ¹¹ Ako' taamo'kadoop rumoh, ne'ido' nanang Kamudo' koo ba Maria, inu'E. Lalu, ne'ido' tiharap nyamboh Io. Lalu, ne'ido' muko' tampat-tampat hartae lalu nyambohot adiah-adiah ka Io, barupo amas, kamayan, mur. ¹² Karamo di ngingati ka doop mimpi ame sampe puokng ka Herodes, ne'ido' puokng ka nagarie lalu ka marago lain. PARENTOH DARI KA MESIR ¹³ Waktu urokng-urokng Majus koo dah dari, tananglah, malaekat Tuhan gari' ka doop mimpi Yusuf,lalu ba kato, "Umpatlah, tabanan Anakngu koo ba inu'E darilah ka Mesir. Dioplah ka naun sampe Aku bakato ka kau karamo Herodes ngagui Kamudo' koo munuho' Io." ¹⁴ Lalu, Yusuf umpat nabanan kamudo' koo ba inu'E maam-maam ampus jauh-jauh ka Mesir, ¹⁵ lalu diop ka naun sampe Herodes mati supayo di ganapilah nang difirmankan Tuhan malalui nabi: "Ampat ka Mesir Kunyaru' AnakKu." Hosea 11:1 PAMBUNUHAN SAMUO KAMUDO ANGAKI DI BETLEHEM ¹⁶ Lalu, waktu Herodes nanang diri'e dah dimaridayo urokng-urokng Majus, io manas sidi lalu marentohot untuk munuhi' samuo kamudo' angaki di Betlehem ba saluruh wilayah sakitare, nang baumur dua tahutn ka baboh, sasuai ba waktu nang dah io mastiot dari urokng-urokng Majus. ¹⁷ Lalu, ganaplah nang di nyampeot Nabi Yeremia: ¹⁸ "Kadangarot suaro diRama, tangisot ba kampakot sadih sidi. Rahel nangisi' anak-anake, ano' taibur karamo ne'ido' dah ano'." Yeemua 31:15 PARENTOH UNTUK MUOKNG KA ISRAEL ¹⁹ Tapi, waktu Herodes mati, tananglah, malaekat Tuhan magari'ot diri' kadoop mimpi Yusuf di Mesir, ²⁰ lalu bakato, "Umpatlah, tabanan kamudo' koo ba inu'E ka tanoh Israel karamo urokng - urokng nang barusaha munuho nyawo kamudo' koo dah mati." ²¹ Lalu, io umpat tarus nabanan kamudo' koo ba inu'E muokng ka Israel. ²² Tapi, waktu io nangar Arkhelaus marentoh di Yudea nganti Herodes, bapa'e Yusuf gai' ampuso ka na'un. Ako' dimasatni' doop mimpi, io ampus ka wilayoh Galilea. ²³ Yusuf ngaramus ka sabuoh kota nang badamo Nazaret supayo ganaplah nang disampeot nabi-nabi,"Io disabut 'urokng Nazaret'."