¹ Ka anam arie, Yesus mabo Petrus, Yakobus, ba Yohanes kamaru' Yakobus, lalu mabo ne'ido' naki ka bukit nang tingi. ² Lalu, Yesus baruboh rupo ka muho ne'ido' . Muhae ba sinar angayo mata ari lalu baju-E saputih cahayo. ³ Tanang, gari' ka ne'ido' Musa ba Elia, gi' ngalakar ba Yesus. ⁴ Petrus bakato ka Yesus, "Tuhan, baik diri' diop kasio, aku ngamuato' talu ete' kemah kasio, setw' sak Kau, sete' sak Musa, laly sete' sak Elia." ⁵ Waktu Petrus masih bakato, ado sete' awan nang tarokng ngalindungi ne'ido', lalu, tanang, ado suaro ampat ka balik awan koo ba kato "Nyianlah anak-Ku Aku picayo'. Dangarotn Io." ⁶ Waktu murid-murid nangar io, ne'ido' tasongkop muhae sampe ka tanoh kagai'ot. ⁷ Tapi, Yesus arokng nyameh ne'ido', jare, "Umpatlah, ame gai'." ⁸ Waktu ne'ido 'ngangkat matae, ne'ido' ino' nanang sapepun, kacoali Yesus sorokng. ⁹ Waktu ne'ido' nurun ampat ka bukit, Yesus nyuruh ne'ido', jare, "ame di caritoot ameo nang di nanang tai ka sapepun sampe Anak Manusio di bangkitotnampat ka urokng mati." ¹⁰ Lalu, murid-murid batanyo' ka Io "Lalu, dameo ahli-ahli Taurat ba kati bahawo Elia arus atokng doho'? ¹¹ Yesus nyahut, "Elia memangatokng doho'-doho', mao maiki' kaadaan. ¹² Tapi, Aku bakato ka kau bahawo Elia dah atokng, tapi ne'ido' ino' kanal ka Io, lalu samao'-mao' ne'ido' ka Io. Jakoo ugo' Anak Manusio labih ba jaro ka kokot ne'ido'." ¹³ Ako' koo para muridnahui' bahawo Io bakato ka ne'ido' tantang Yohanes Pambabtis. SEKO' KAMUDO' DIMEBASOTN AMPAT KA ROH JAHAT ¹⁴ Waktu Yesus ba murid-mueid muokng ka uokng rami, atokng seko' angaki ka Yesus laly ba lutut ka adapatn-E sambil ba kato, ¹⁵ "Tuhan, kasiani'lah anak ku sabab io sakit ayan, bajaro sidi. Io manyak kai janto' ka api ba ka doop ai'. ¹⁶ Aku dah nabanan io ka murid-murid-Ngu, tapi ne'ido' ino' biso nyamuhotn io." ¹⁷ Yesus nyahut, "He kau pangkat nang ino' picayo' ba sasat! Sangape lamo agi' Aku diaopmo ba kau? Sangape lamo agi' Aku arus ba sabar ngadapi' kau? Tabanan anakngu koo ka Aku." ¹⁸ Lalu Yesus ngarahakngi' roh jahat koo sampe kauar ampat ka kamudo' angaki koo, lalu kamudo' koo langsung samuh di koo ugo'. ¹⁹ Ako'koo para murid atokng ka Yesus, waktu ne'ido' sorokng ba Io lalu ba tanyo', "Dameo kami ino' biso ngoser roh jahat koo?" ²⁰ Jare Yesus ka ne'ido', "Karamo iman ngu nang enek.Aku bakato nang sabanare ka kau, kalo iman ngu sa kayo' bege' ' ansabi ajo', kau biso ba kato ka bukit nyian, 'Meohlah ampat ka tampat nyian ka naun!' lalu bukit koo pasti meoh. ino' ado nang mustahil ka kau. ²¹ ( Tapi, roh jahat baso nyiankahe biso di oser ngan do'a ba puasa.") YESUS BAKATO TANTANG KAMATIOTN-E ²² Waktu Yesus ba murid-murid-E gi' bakumpul ka wilayah Galilea, Io ba kato ka ne'ido', "Anak Manusio mao di sarohot ka kokot manusio, ²³ lalu ne'ido' mao munuh Io, lalu Io mao di bangkitotn ari nang ka talu." Lalu, para murid-E jadi sadih. PANGAJARAN TANTANG MAYAR PAJAK ²⁴ Waktu ne'ido ngaramus ka Kapernaum, para pangomoan pajak 2 dirham atokng ka Petrus lalu batanyo', Gurungu ini' mayar pajak 2 dirham ge'? ²⁵ Petrus nyahut, "Au." Waktu io taamo' ka doop rumoh, Yesus doho-doho bakato ka io, "Jamae pandapatngu, Simon? Ampat ka sape ge'rajo-rajo dunio nyian nagih bea ba pajak? Ampat ka anak-anake ge ampat ka urokng lain?" ²⁶ Waktu Petrus nyahut, "Ampat ka urokng lain," Yesus ba kato ka io, "Kali jakoo, anak-anake bebas. ²⁷ Tapi,supayo diri' ini' nyinggung ne" ido', ampuslah ka dano lalu tabakot kai. Iconglah ikotn nang dohi' muokng lalu waktu kau muki' moote, kau pasti namu sakapikng stater. Icoknglah duit koo lalu bareotn ne'ido', bagi-Ku ba bagingu."