¹ Pado ari koo, Yesus kauar ampat ka rumoh lalu duduk ka tapi dano. ² Lalu, urokng manyak ta kumpul kaIo. Karamo koo, Io naik ka parahu lalu duduk, samuo urokng rami koo badiri ka tapi dano. ³ Lalu, Io bakato manyak hal ka ne'ido' doop parumpamaan, ka kata-e, "Ado seko' urokng pangabur ampus Mao' ngamuro', ⁴ lalu waktu io ngamur, ado banih nang janto' ka sisi marago, burukng-burukng atokng matoki' io sampe abis. ⁵ Banih nang main janto' ka tampat ba batu, nang ino' sangape ba tanoh, ganceh idupe karamo tanahe ino' doop. ⁶ Tapi, dah tarabit mata ari, tanaman koo kano angat. Lalu, Karamo ino' ba akar, tanaman koopun jadi karikng. ⁷ Banih nang main janto' ka antaro rumput badiri, lalu rumput ba during koo tumuh rayo, ngapet io. ⁸ Tapi, Banih nang main janto' ka tanoh nang baik lalu ngselotn buoh, ado bang saratus kai lipat, ado bang anampuluh Kali lipat. ⁹ Sape nang batarwnyekng, biarlah io nangar." YESUS aNGAJAR BA PARUMPAMAAN ¹⁰ Lalu, murid-murid Yesus atokng batanyo' ka Io, "Dameo Kau bakato ka ne'ido' doop parumpamaan?" ¹¹ Yesus nyahuti' ne'ido', "Ka kau dah di karunioi' supayo biso nahui' rahasio Karajaan Sarugo, Tapi KA ne'ido' ino' di karunioi'. ¹² Sabab, urokng nang ado karunio, ka io pasti di bare' lalu io pasti ba kalimpohotn. Tapi, sape nang ino' ado karuniai', amwo nang ado ka io abis di icokngi. ¹³ Karamo koolah, Aku bakato ka ne'ido' doopm parumpamaan Karamo jakoo nanang, ne'ido' ino' nanang, lalu waktu ne'ido' nangar ne'ido' ino' nangar, ugo' ino' ngarati. ¹⁴ Manganai' ne'ido', dah diganapi'lah nubuat Yesaya nang kata-e, Ba panangarotn, kau pasti nangar, Tapi pasti ino' suoh ngaratio'. Lalu, kalo nanang, kau pasti nanang, Tapi pasti ino' ngaratio'.' ¹⁵ Karamo ati bangso nyian dah tabo, tarenyekng ne'ido' malas nangaro', lalu ne'ido' nutup mata-e. Kalo ino', tantu ne'ido' biso nanang ba kata-e, nangar ba tarenyeknge, lalu biso ngaratio' ba ati ne'ido', lalu babalik ka Aku Lalu di samuhotn.' Yesaya 6:9-10 ¹⁶ Tapi, dibarakatilah katangu Karamo nanang lalu tarenyekng ngu karamo nangar. ¹⁷ Aku ngatootn nang sabanare ka kau bahawo manyak Nabi ba urokng-urokng banar nang Mao' nanang dameo nang kau nanang, tapiino' nanang io, lalu Mao' nangar dameo nang kau nangar, Tapi ino' nangar io." PANARANGAN MASALOH PARUMPAMAAN PANABUR ¹⁸ "Karamo koo, dangarotn arti parumpamaan kisoh pangamur ¹⁹ Waktu urokng nangar Firman Karajaan lalu ino' ngarati, so jahat atokng lalu ngarampas dameo nang dah di ngamur doop ati urokng koo. Nyianlah urokng nang banihe taamur ka sisi marago. ²⁰ Adopun nang ta amur ka tampat-tampat nang babatu, Nyianlah urokng nang nangaro' Firman lalu langsung repo narimo' io, ²¹ tapi io ino' ba akar doopm diri'e lalu batahan kahe sabantar. Lalu, waktu panindasotn ba panganiatootn tajadi karamo Firman koo, io langsung janto'. ²² Banih nang janto' ka jarami'-jarami duri koo urokng nang nangarotn Firman koo, lalu ka gai'otn dunio ba tipu dayp kakayootn makso Firman koo supayo Io babuoh. ²³ Lalu, urokng nang banihe ta amur ka tanoh nang baik, Nyianlah urokng nang nangarotn Firman koo lalu ngaratiotn io. Iolah nang banar-banar ba buoh lalu ngaselotn, ado bang 100 Kali lipat, sangape urokng 60, lalu sangape urokng 30." PARUMPAMAAN TANTANG RUMPUT LIAR BA GANDUM ²⁴ Yesus nyampeotn parumpamaan nang Maine ka ne'ido', ja kata-e, "Karajaan Sarugo koo biso di umpamaan angayo urokng nang naburotn Banih nang baik ka umae. ²⁵ Tapi, samantaro urokng-urokng tidur,musuhe atokng lalu ngamurotn Banih padokng ka antaro Banih gandum, lalu dari. ²⁶ Waktu tanaman camak sample ba buoh, lalu padokng koo gari' ugo'. ²⁷ Jadi, kuli- kuli ampat ka ampu' umo koo batanyo' ka io, 'Tuan, buke' ge' kau ngamur banih nang baik ka umo ngu? Lalu, ampat jamae ke' padokng koo?' ²⁸ Io bakato ka ne'ido', 'Seko' urokng musuh dah ngarajaan io.' Lalu, kuli-kuli koo bakato ka io, 'Mao' ke' kau kami ampus lalu ngumpulotn io?' ²⁹ Tapi, tuan koo bakato, 'Ame! Sabab, waktu kau ngumpulotn padokng-padokng koo, biso-biso kau tababut ka gandum koo ugo'. ³⁰ Biarotnlah io idup bayo-bayo sample Muslim bahanyi. Lalu, waktu bahanyi, Aku pane bakato ka pangamur, "Mulo-mulo kumpulanlah padokng-padokng koo lalu ikatlah ka paraco'-paraco' sa' di tunu. Tapi, kumpulotnlah gandume ka doopm kusong Ku.""" KARAJAAN ALLAH ANGAYO BEGE' ANSABI BA RAGI ³¹ Ako' koo Yesus nyaritoot parumpamaan nang main ka nek'ido', ja kata-e "Karajaan Sarugo koo angayo bege' ansabi nang di urokng nabanan lalu di ngamurotn ka umae. ³² Bege' koo bege' nang paling enek dari samuo janis banih, Tapi waktu tumuh,io labih ayo' dari samuo janis ampohotn, malah jadi puhutn lalu burukng-burukng ka angit atokng basarokng ka cabang-cabange" ³³ Ako' koo Yesus nyaritootn sabuoh parumpamaan nang main ka ne'ido', "Karajaan Sarugo koo angayo ragi, nang biasae ambini icokng lalu di tamaan ka doop adonan tapukng tarigu samanyak tiga sukat sample samuo adonan koo tacampur ragi. ³⁴ Samuo nyian Yesus ngatootn ka urokng rami doop parumpamaan-parumpamaan, Io bakato ka ne'ido' ino' suoh ino' pakeo' parumpamaan. ³⁵ Kalo jakoo, taganapi'lah dameo nang disampeotn malalui' nabi, "Aku pasti muko' mootku doop parumpamaan-parumpamaan, Aku pasti ngatootn hal-hal nang ino' gari' mulai' dunio dijadiot." Mazmur 78:2 PARUMPAMAAN TANTANG RUMPUT LIAR KA UMO ³⁶ Ako' koo, Yesus ningoot urokng rami koo lalu taamo' ka rumoh. Lalu, murid-murid-E atokng ka Io sambil bakato, "Jalasotn ka kami parumpamaan tantang padokng-padokng ka umo." ³⁷ Lalu, "Urokng nang ngamurotn banih nang baik koo Anak Manusio, ³⁸ lalu umo koo dunio nyian. Banih nang baik koo kamuso'-kamudo' Karajaan, lalu padokng koo kamudo'-kamudo' si jahat, ³⁹ lalu musuh nang ngamurotn io koo Iblis, lalu musim bahanyi koo akhir zàman, lalu panganyie koo para malaekat. ⁴⁰ Jadi, sabayo angayo padokng nang di ngumpulotn Lalu ditunu ka doop api, jakoo ugo'lah nang pasti tajadi waktu akhir zaman. ⁴¹ Anak Manusio pasti nyuruh para malaekat-E, lalu, ne'ido' pasti ngumpulotn samuo batu sandungan ba urokng-urokng nang ngamurotn kajahatotn ampat ka karajaan-E, ⁴² lalu pasti ditabakotn ka doop tongko' api. Ka tampat koo pasti ba tangisotn ba gigi bagarek. ⁴³ Ako' koo, urokng-urokng banar pasti basinar angayo mataari doop Karajaan Bapo' ne'ido'. Sape nang batarenyek, biarptnlah io nangarotn." KARAJAAN SARUGO ANGAYO HARTO TAPANOP BA MUTIARA ⁴⁴ "Karajaan Sarugo koo angayo harta nang tapanop ka umo, nang urokng namui', lalu di napukotn agi'. Lalu, karamo karepootn, io ampus, nyuai' samuo barange, lalu mali umo koo. ⁴⁵ Sakai agi', Karajaan Sarugo koo angayo padagokng nang ngago' mutiara nang gagas. ⁴⁶ Waktu io namuan sege' mutiara nang banilai tingi, io ampus nyuo samuo barange, lalu malu mutiara koo." KARAJAAN SARUGO ANGAYO JALO NANG BAISI' IKOTN ⁴⁷ "Jakoo ugo', Karajaan Sarugo angayo jalo nang dinabakotn ka doop laut, lalu ngumpulotn bamacam ikotn. ⁴⁸ Waktu jalo koo baisi', ne'ido' narikotn ka tabikng sambil badudukatni', lalu ngumpulotn ikotn-ikotn nang baik ka doop karanjang-karanjang ayo', tapi, nang muang nang ini' baik. ⁴⁹ Jadi, nang koolah nang pasti tajadi pado ahir jaman. Para malaekat kauar lalu misohotn nang jahat dari urokng-urokng banar, ⁵⁰ lalu nabakatni' urokng-urokng jahat koo ka tongko' api. Ka tampat koo pasti ado tangisot ba gigi ba garek. ⁵¹ Dah ngarati ke' kau samuo nyian?" Ne'ido' ba kato ka Io, "Au." ⁵² Lalu, Yesus bakato ka ne'ido', "Karamo koo, satiap ahliTaurat nang dah jadi murid Karajaan Sarugo, io angayo tuan rumoh nang ngauarotn harto nang barahu ba nang lamo ampat ka kayaatne." YESUS DINOLAK KA KOTA ASAL-E ⁵³ Waktu Yesus dah ngakoot parumpamaan-parumpamaan koo, Io dari ampat ka naun. ⁵⁴ Lalu, waktu Io ngaramus ka koo asal-E, Io ngajar ka sinagoge-sinagoge ne'ido' jadi ne'ido' heran lalu bakato, "Dari mae Urokng nyian namu kabijaksanaan ba mujisat-mujisat nyian? ⁵⁵ Buke' ke' Io nyian anak urokng tukang kayu? Buke' ke' inu'-E nang dinyabut Maria, lalu kamaru'-kamaru'-E nyian Yakobus, Yusuf, Simon, ba Yudas? ⁵⁶ Buke' ke' kamaru'-kamaru'-E nang ambini ado ka antaro diri'? Lalu, ampat kamae Urokng nyian namu samuo hal nyian?" ⁵⁷ Lalu, ne'ido' tasinggung ka kata-E. Tapi, Yesus ba kato ka ne'ido' , "Seko' urokng nabi buke'nyo ino' di hormati, kacoali ka tampat asale ba ka rumahe sandiri." ⁵⁸ Lalu, Io ino' ngamuat manyak mujisat kanaun karamo ne'ido' ino' picayo'.