¹ Yesus bajoot ka umo gandum pas ari Sabat, lalu murid-murid-E kaparotn, lalu ne'ido' mulai' mebeti' bege'-bege' gandum, lalu di makatni' . ² Tapi, waktu urokng-urokng Farisi nanang io, ne'ido' bakato ka Io "tanang murid-murid-Ngu ngarajaan dameo nang ino' di banarotn waktu ari sabat." ³ Tapi, Yesus bakato ka ne'ido', "Nape' suoh ke kau maco ameo nang Daud ngarajaan waktu io ba pangikut-e kaparotn, ⁴ jamae io taamo' ka doop Rumoh Allah lalu makot roti pasambohot nang ino' di banarot ka Io sa' makotnio' io, jakoo ugo' urokng-urokng barage io, kacoali kahe sa' para imam? ⁵ ungkin, nape suoh ge' Kau maco doop Hukum Taurat, bahawo ari Sabat, para imam ka Bait Allah malanggar Sabat lalu ne'ido' ino' basaloh? ⁶ Tapi, Aku ngatoot ka kau bahawo nang ayo' dari Pado Bait Allah ado kasio. ⁷ Tapi, Kali kau day nahui' Artie nyian: 'Aku mao'an galas kasihotn buke' buis', kau pasti ino' suoh ngukum nang ino' basaloh. ⁸ Sabab, Anak Manusio koo Tuhan atas ari Sabat." ⁹ Ako' barangkat ampat ka na'un, Yesus ngaramus ka sinagoge ne'ido'. ¹⁰ Tanang, ado seko' urokng angaki nang lumpuh sabaloh kokot-e. Lalu, ne'ido' batanyo' ka Yesus, ja kata-e, "Di banarotn ke' nyamuhot waktu ari Sabat?" supayo ne' ne' ido' biso nyalohotn Yesus. ¹¹ Lalu, Io bakato ka ne'ido', "Soape uraknge di antaro kito' nang ado ba domba, lalu kade' domba koo janto' ka doop ubokng waktu ari Sabat, ano' ke' Io nyangoko' Io lalu muokotn Io? ¹² Jauh labih ba nilailah manusio daripado domba! Karamo koo, di banarotn ba buat baik waktu ari Sabat." ¹³ Ako' koo, Yesus bakato ka urokng koo, "Joo'ot kokotngu, "Urokng koo nyoo'ot kokote lalu di nyamuhotn sapanuhe angayo kokote nang lain. ¹⁴ Tapi, urokng-urokng Farisi dari ampat di koo lalu ba pakat malawan Io, jamae ne'ido' biso minasootno' Io. YESUS AMBO PILIHOTN ALLAH ¹⁵ Tapi, Yesus, waktu nahui' masaloh nyian, Io Dari ampat di koo. Rami nang nuno'ot Io lalu Io nyamuhotn samuo ne'ido' koo, ¹⁶ lalu ngingati' ne'ido' supayo Io ino' di tahui' urokng. ¹⁷ Hal nyian tajadi sa' nganapi'o dameo nang disampeotn malalui' Nabi Yesaya: ¹⁸ "Tananglah,amba-Ku nang dah Ku milih, nang Kukasihi', ka Io jiwa-Ku mao'an. Aku pasti mare'ot roh-Ku ka atas-E, lalu Io pasti mare' kaadilotn ka bangso-bangso lain. ¹⁹ Io pasti ino' Mantoh, ato ngampak, pasti ino' seko' urokng nang nangar suara-E ka marago-marago. ²⁰ Buuh nang patoh pasti ino' di putusotn, lalu sumbu nang ampir padopm pasti ino' io matiotn, Sampe Io ngamuat kaadilotn manang, ²¹ lalu doop damo-E, bangso- bangso pain pasti ba arap." Yesaya 42:1-4 KUASO YESUS BAASAL AMPAT KA ALLAH ²² Ako' koo seko' urokng nang dah karasukotn roh jahat, nang buto' ba nang awo', di nabanan ka Yesus. Lalu,Yesus nyamuhotn samuo urokng nang buto' ba nang awo' koo biso bakato ba biso nanang. ²³ Samuo urokng jadi taheran-heran sambil batanyo' "Mungkin ke' Io nyian anak Daud?" ²⁴ Tapi, waktu urokng-urokng Farisi nangar io ne'ido' bakato, "Urokng nyian ino' mungkin ngoser roh- roh jahat Kali ino' ba Beelzeebul, pamimpin roh-roh jahat." ²⁵ Yesus nahui' pikiran ne'ido' lalu bakato ka ne'ido', "Satiap karajaan nang dah tapacoh- pacoh ngalawan diri'e sandiri', ditingootn. Lalu, satiap koto maopun rumoh nang tapacoh- pacoh malawan diri'e sandiri', ini'mampu batahan. ²⁶ Lalu, Kali Iblis ngoser iblis, io tapaoh-pacoh malawan diri'e sandiri'. Kalo jakoo, jamae karajaane biso batahan? ²⁷ Lalu,Kali Aku, ngoser roh-roh jahat ba Beelzebul, ba sale anak-anakngu ngoser ne'ido'?Karamo koo, ne'ido' pasti jadi hakimngu. ²⁸ Tapi, Kali ba Roh Allah, Aku ngoser roh-roh jahat, Karajaan Allah dah atokng ka at as kito'. ²⁹ Ato jamae seko' urokng biso taamo' ka rumoh urokng nang koat lalu ngarampas barang-barange Kali ino' io ngikat urokng koat koo doho'? Ako' koo, baru' io biso ngarampok rumoh koo. ³⁰ Sape ajo' nang ino' garage Aku, malawan Aku. Lalu, sape sajo' nang ino' ngumpulotn barage ba Aku, bacarai barai. ³¹ Karamo koo, Aku ngatootn ka kau bahawo satiap doso ba sumpoh manusio pasti di ampuni', Tapi kalo nyumpahi' Roh pasti ino' di ampuni'. ³² Lalu, sape ajo' nang ngatootn sasuatu nang malawan Anak Manusio pasti di ampuni', Tapi sape ajo' nang bakato malawan Roh Kudus ino' akan di ampuni', baik nyo kanio' maopun dudi." PUHUTN DI KANAL AMPAT KA BUAHE ³³ "Kalo puhutn koo baik, buahe ugo' pasti baik. Ato kalo puhutn koo ino' baik, buahe ugo' pasti ino' baik. Sabab, puhutn di kanal ampat ka buahe. ³⁴ He, katurunan uar baludak, jamae biso kito' nang jahat ngatootn hal-hal nang baik? Karamo Dari ati, moot nang ba kato. ³⁵ Urokng baik ngauarotn hal-hal nang baik ampat ka kayaatne nang baik, lalu urokng nang jahat ngauarotn hal-hal nang jahat ampat ka kayaatne nang jahat. ³⁶ Tapi, Aku ngatootn ka kau bahawo satiap koto nang paracomo, nang di katootn urokng, ne'ido' pasti batanggungjawab waktu ari pangakiman. ³⁷ Karamo katangu, kau pasti di banarotn, lalu Karamo katangu, kau pasti di ukum. UROKNG FARISI BA AHLI TAURAT MINTO' TANDO ³⁸ Ako' koo, sangape urokng ahli Taurat ba urokng Farisi bakato ka Yesus, "Guru, kami Mao' nanang tando ampat ka Kau." ³⁹ Tapi, Yesus nyahut lalu bakato ka ne'ido' "Katurunan nang jahat lalu babayo' nyian nang nuntut tando. Lalu, pasti ino' ado tando nang di bare'otn ka ne'ido', kacoali tando Nabi Yunus. ⁴⁰ Sabab, angayo Yunus nang ado ka doop parot ikotn ayo' salamo tiga ari tiga maam, jakoo ugo' Anak Manusio pasti ado salamo tiga ari tiga maam ka doop parut bumi. ⁴¹ Urokng- urokng Niniwe pasti badiri sabayo-bayo ba katurunan nyian waktu pangakiman pasti ngukum io Sabab ne'ido' ba to at Ako' nangar khotbah Yunus. Lalu, tanang, nang labih ayo' daripafo Yunus ado disio. ⁴² Ratu ampat kasalatan pasti bangkit barage katurunan nyian Pado ari pangakiman Mao' ngukum io Karamo io atokng ampat ka ujukng bumi Mao' nangaro' hikmat Salomo. Lalu, tanang, nang labih ayo' Dari Salomon ado kasio. BAHAYO AMPAT KAKOSONGAN ⁴³ Waktu roh jahat kauar ampat ka manusio, io ngalewati tampat- tampat nang ino' ba ai' ngago' tampat baranti, Tapi ino' namuan io. ⁴⁴ Lalu, io bakato, 'Aku pasti puokng ka rumahku, tampat Aku kauar.' Lalu, waktu dah ngaramus io namui' rumoh koo losing, dah ako' di nyapui' dah taatur. ⁴⁵ "Ako' koo, roh jahat koo dari lalu nabanan tujuh roh main nang labih jahat dari io, lalu ne'ido' taamo' lalu diopm di koo. Ahire, kaadaan urokng koo mangkin buruk daripado sanape'e. Jakoo ugo' nang tajadi ka katurunan nang jahat nyian." KALUARGA YESUS NANG SABANARE ⁴⁶ Samantaro Yesus masih bakato ba urokng rami, tanang, inu' ba kamaru'-kamaru'-E badiri kauas, barusoho ba katoo' ba Io. ⁴⁷ Seko' urokng bakato ba Io, "Tanang, inu' ba kamaru'-kamaru'-Ngu badiri kauar, barusoho ba katoo' ba Kau." ⁴⁸ Tapi, Yesus nyahuti' urokng nang mataki' Io koo lalu bakato, "Sape ke' inu' Ku lalu sape ke' kamaru'-kamaru'-Ku?" ⁴⁹ Lalu, sambil ngarantangan kokot-e ka aroh murid-murid-E, Yesus bakato, "Nyianlah inu'-Ku ba kamaru'-kamaru'-Ku! ⁵⁰ Karamo sape ajo' nang ngarajaan kamao'an Bapo'-Ku nang ado ka sarugo, iolah kamaru' angaki-Ku, kamaru' ambini-Ku, ba inu'-Ku."