¹ Tuhan Atas Ari Sabat Pas ariko, pas ari sabat, Yesus bajoot lewat sete umo gandum. Pas waktu koo, murid-murid -E mebet sangapeegek begek gandum, ngosok-ngosok ba kokot na'ido' lalu io makot io. Sangape urokng Farisi batanyo, ² "Dameo kau ngamuat jukut nang inok muih di buat ka ari Sabat?" ³ Yesus nyahuti na'ido ba kato, "Inok gek kau suoh maco ameo nang di ngamuat Daud pas io ba urokng-urokng nang barage io taraso kaparot, ⁴ Tantang jamae io taamok ka doop Rumoh , ngicok roti parsembahan, makot roti ko, sarato mareot ka urokng-urokng nang barageio, inok muih makotio, kacoali iman ko ajok?" ⁵ Lalu,Yesus bakato ka urokng-urokng Farisi ko, " Kamudo manusio adolah Tuhan atas ari Sabat." Yesus Nyambuhot Pas Ari Sabat ⁶ Pas ari sabat nang barikute, Yesus ampus k singagoge ba ngajar. Ka naan ko ado seko urokng nang kokot kanane lumpuh. ⁷ Ahali- ahali Taurat ba urokng-urokng Farisi maratiot Yesus nanang biso gek Io nomoan pas ari Sabat, Supayo na'ido ado alasan untuk nuduh Io ⁸ Tapi bo,Yesus nahui dameo nang na'ido mikirot. Io bakato ka urokng nang kokote lumpuh ko, " Umpat badirilah ka tangoh." Lalu, urokng ko bangkit ba diri ka naan. ⁹ Yesus bakato ka na'ido, " Aku batanyo ka kito, maeke' nang di muihot untuk dingamuat pas ari sabat: babuat baik atau babuat jahat? nyalamatot nyawo atau binasoot io?" ¹⁰ Ako nanang sakalilnge, ka na' ido' samue, Yesus bakato ka urokng nang kokote lumpuh ko, " jootlah kokot ngu." akoko, urokng ko nyoot kokote lalu kokote jadi tomo. ¹¹ Tapi, urokng- urokng Farisi ba ahali-ahali Taurat jadi bero sidi lalu bapakat tantang ameo nang mao na'ido ngamuat ka Yesus. Pamilihot Kaduo Balas Rasul ¹² pas ari-ari ko, Yesus naik ka bukit untuk badoa, ba kanaan io badoa ka Allah samaam-maaman. ¹³ Ampagiarie, io nyaru murid-murid-E ba milih duo balas ka antaro na'ido' , ioko urokng-urokg nang di nyabut-Io Rasul: ¹⁴ Simon gae nang badamo "Petrus" Andreas kamaruk Petrus, Yakobus, Yohanes, Filipus, Bartolomeus, ¹⁵ Mateus, Tomas, Yakobus anak Alfeus, Simon nang di nyabut urokng zelot, ¹⁶ Yudas anak Yakobus, ba Yudas Iskariot nang jadi panghianat. Pangajarot Yesus ¹⁷ Ako Yesus ba samue rasul turut, Io badiri ka segek tampat nang datar. Lalu, atoklah ka-Io sarombongan ayok samue murid-te ba urokng manyak nang atok ampat ka saluruh wilayoh Yudea yarusalem, sarato ampat ka daeroh pantai koto Tirus ba Sidon. ¹⁸ Na'ido samue atok untuk nangar Yesus ba untuk namu kasambuhot ampat ka sagalo panyakit na'ido. Ba, urokng-urokng nang di ngarasuki roh-roh jahat ugok di sambuhot . ¹⁹ samue urokng barusoho untuk nyantuh Yesus sabab ado kuaso nang kauar ampat ka Io ba nyambuhot na'ido samue. ²⁰ Yesus nanang ka murid -murid-Te ko lalu bakato, Dibarakatilah kau nang sontok sabab nek' ngulah Karajaan Allah. ²¹ Di brarakatilah kau nang kanio nyian kaparot sabab kau mao di kannyangan. Di baraktilah kau kanio nang nangis sabab kau mao katawok. ²² Dibarakatilah kau pas urokng teget ka kau, jauhikau, macatkau, sarato ngarusak namo baik ngu karamo kamudo manusio. ²³ Basukocitalah pas ari kau ngalamik, ba malopatlah kaepoot karamo upoh ngu ayok ka sarugo; Sabab angayo koo lah nenek moyang na'ido ngamuat samue nabi. ²⁴ Tapi bo, cilakolah he kau nang kayo sabab kau dah namu kanyamanan idup. ²⁵ Cilakolah kau nang kanio nyian kanyang sababkau nano kaparot. Cilakolah kau nang kanio nyian katawok sabab kau nano maratap ba nangis sok. ²⁶ Cilakolah kau kade samue urokng ngatoot jukut nang gagas tantang diringu sabab angayo koolah nenek moyangngu na'ido pas bakato tantang nabi-nabi palus." Kasihilah Musuhngu ²⁷ Tapi bo, Aku bakato ka kau nang nangarot Aku. Kasihilah musuhngu ba buat baiklah ka urokng nang teget ka kau. ²⁸ Barakatilah urokng nang ngutuki kau ba badoalah ka na'ido nang nganiayo kau. ²⁹ Ka urokng nang nampar kokongu, bareot lah gae koko ngu nang lain. lalu, ka sape pun nang ngarampas jubahngu, ame ngalarang io untuk ngarampas baju ngu ugok. ³⁰ Barelah ka satiap urokng nang minto kakau, ampamae sekourokng ngicok nekngu, amelah kau minto agik. ³¹ Palakuotlah urokng lain sajamae kau maok dipalakuot ka na'ido. ³² Saupamae kau kahe ngasihi urokng nang ngasihi kau, ameonang pujiot nang di mare ka kau? sabab, urokng badoso pun ngasihi urokng-urokng nang ngasihi na'ido. ³³ Ampamae kau kahe babuat baik ka urokng nang babuat baik ka kau, pantas gek kau namu pujiot? sabab, urokng badoso pun ngalakuot jukut nang sabayo. ³⁴ Ampamae kau nginyopot barang ka urokng lain ba ngarapot imbalan, ameokek pujiot nang dimare ka kau? sabab, urokng badoso pun minjami ka urokng badoso laine supayo na'ido biso narimo io agik ba jumbloh nang sabayo. ³⁵ Tapi , kasihi lah musuhngu bauatlah nang baik, barelah pinjaman ka urokng lain inok ngarapot imbalan. Macam ko, kau biso namu upoh nang ayok ba kau biso jadi kamudo-kamudo nang Mahatinggi, sabab Allah ko baik tarhadap urokng-urokng nang inok narimo kasih ba nang jahat. ³⁶ Karamo ko, supayo kau babalas kasih, sabayo BapakMu nang gae baisi balas kasih". Ame Menghkimi Urokng Laine ³⁷ Ame Menghkimi supayo kau inok dihakimi. ame ngukum supayo kau inok di ukum. Ampunilah lalu kau pasti diampuni. ³⁸ Barelah nano maok dibare kakau sege takarot nang baik, nang dimadattot, nang dingoncangan, ba balimpoh, nang mao ditontongan ka pangkoatngu. Karamo ba ukurot nang sabayo kau pake untuk ngukur, jukut ko maok di ukur agik ka kau. ³⁹ Yesus nyaritootn ka ne'ido' parumpamaan nyian, "Biso ge urokng buto' ngerengan urokng buto' ugo'? Ini ge ne'ido' baduo koo janto'o' ka doopm ubokng? Seko' murid pun ⁴⁰ ino' labih daripado gurue. Tapi, satiap urokng nang dah talatih pasti angayo gurue. ⁴¹ Ngameo kau biso nanang sarabuk kayu ka mato kamaru'ngu, tapu kau ino' nahui' balo' kayu ka matangu sorokng? ⁴² Jamae kau biso bakato ka kamaru'ngu 'Kamaru', biar ku ngauarotn sarabuk kayu ka mata ngu koo', sadangkan kau sandiri' ini' nanang balo' kayu kamatangu? He urokng munafik! kauarotn doho' balo' kayu koo ampat ka matangu sorokng. Ako' koo, baru' kau biso nanang jalas sa' nauarotn sarabuk kayu ampat ka mato kamaru' ngu." PUHUTN NANG BAIK NGASELOTN BUOH NANG BAIK ⁴³ "Puhutn nang baik pasti ino' ngaselotn buoh nang buruk, lalu puhutn nang buruk pasti ino' ngaselotn buoh nang baik. ⁴⁴ Satiap puhutn di kanalka janis buahe nang di ngaselotn. Urokng nang ngumpulotn buoh aro' ka jarami' baduri, ato mebeti anggur ampat ka jarami'. ⁴⁵ Urokng nang baik ngauarotn hal-hal baik lalu urokng nang jahat ngauarotn hal-hal nang jahat ampat ka atie nang jahat. Dameo nang kauar ampat ka moot urokng ba asal dameo nang manuhi' atie." DUO MACAM PONDASI ⁴⁶ "Dameo kau nyaru' Aku, 'Tuhan, Tuhan,' tapi ino' ngarajaan ameo nang Ku ngajarotn? ⁴⁷ Aku pasti nojokotn ka kau, angayo dameo urokng nang atokng ka Aku, nangar ajaran-Ku lalu ngarajaan io. ⁴⁸ Io angayo urokng nang ngamuat sege' rumoh, nang ngai' doopm-doopm, lalu muangan pondasi ka atas batu. Waktu boho' atokng, ai' ngantam rumoh koo, tapi ino' dapat goyang soale rumoh koo di ngamuat koat sidi. ⁴⁹ Tapi, urokng nang nangar ajaran-Ku ino' nuruti' io angayo urokng nang ngamuat rumoh ka atas tanoh ino ba pondasi. Waktu boho' atokng, rumoh koo ruboh jadi abis rusak."