¹ Pas waktuko, urokng manyak bakomok ka sakliling-E untuk nangarot firman Allah. waktu ko, Yesus badiri ka tapi dano Genesaret, ² ba nanag duo parahu nang basanar katapi dano, nelayan koo dah kauar ampat ka parahu parahu koo pas nasoh jalo na'ido'. ³ Yesus naik ka segek parahu, nangkoo ne' Simon untuk ngayuh parahu-e jauh-jauh sadikit ka darat. ako'ko, Yesus duduk ba ngajari urokng manyak ampat ka atas parahu. ⁴ Saakae bakato, ka Yesus, " bakato ka Simon, "Ampusalah ka tampat aik nang doop ba tabakotlah jalongu untuk nangkap ikot.". ⁵ Simon nyahuti," Guru, kami bakarajo karas samaaman, tapi inok namu dameo-meo! Tapi bo, karamo Kau nang nyuruh, aku inok nabarot jalo ko." ⁶ Ba pas na'ido' ngamuat -io, na'ido' nangkap manyak sakai ikot ankenyo jalo na'ido mulai rojek ⁷ Lalu, na'ido' mare isyarat ka ayuk-ayuke na'ido' ka parahu nang lain untuk atok ba nolong na'ido' . ako ko ayuk -ayuk na'ido' ba ngisi kaduo parahu ko ba ikot sampe parahu ko na'ido' ampir tingoop. ⁸ Pas Smon Petrus nanang jukut nyian, io basujud ka muho Yesus lalu bakato, "Darilah ampat ka aku, Tuan, sabab aku adolah urokng nang badoso!" ⁹ Petrus bakato macam nyian sabab io ba samue urokng nang barageio taraso heran ka atas manyake ikot nang na'ido nangkap. ¹⁰ Jaiolah gae ka Yakobus ba Yohanes, anak-anak zebedius nang barayuk ba Simon. Yesus bakato ka Simon " ame gaik mulai kanio, kau mok manjalo manusio.". ¹¹ Ako na'ido' narik parahu-parahu na'ido' ka darat, na'ido' ningoot samue jukut ba nunaan Yesus . Urokng Nang Ronko Kusta Dinyambuhot ¹² Pas ari koo, Yesus ado ka segek kota. Ka kota ko, ado seko urokng nang tubuhe baisi kusta. Pas urokng koo nanang Yesus, io ba sujud sampe muhoe ngenes tanoh ba minto ka-Io, "Tuan, kade Kau mao, Kau biso menahirkan aku." ¹³ Lalu, Yesus nyoot kokot-E ba ngenes urokng ko. Kato-kato-E, "Aku mao jadi lah tahir." pas koo ugok, panyakit kusta urokng ko pun angit. ¹⁴ Tapi, Yesus marentohot urokng ko supayo inok mataki sape pun nang bakato, "Ampus ba tunjukotlah diringu ka imam. Bareot lah kurban atas katomoan angayo nang dah dimarentohot ka Musa untuk bukti ka na'ido." ¹⁵ Barito tantang Yesus makin tasabar angkenyo manyak urokng atok bakumpul untuk nangar Io ba untuk di nyambuhot dari panyakit na'ido'. ¹⁶ Tapi bo, Yesus pancoh ampus nyalinap ka tampat-tampat sunyi untuk badoa. Urokng Nang Lumpuh Dinyambuhot ¹⁷ Pas ari ko, pas Yesus agik ngajar, urokng-urokng Farisi ba ahli-ahli Taurat nang atok ampat ka samue kota ampat ka wilayoh Galilea, Yudea, ba kota Yerusalem ugok duduk ka naan. Ba, kuaso Tuhan menyertai Yesus angkenyo io biso nyambuhot urokng manyak. ¹⁸ Lalu, gariklah sangape urokng mikut seko urokng lumpuh ka atas tampat tidure, na'ido' barusoho nabanan io taamok ba muangan urokng ko ka hadapot Yesus. ¹⁹ Tapi bo, karamo na'ido' inok namu marago untuk nabanan urokng ko taamo garo-garo karumunan urokng, naiklah na'ido' ka atas atap ba nurunan urokng lumpuh ko barage ba tampat tidure ka tangoh- tangoh ka hadapot Yesus. ²⁰ Pas nanang iman na'ido' , Yesus bakato, " He kamaruk, dosongu udah dingampuni, " ²¹ Ahli-ahli taurat ba urokng - urokng farisi mulai batanyo-tanyo," sapeke urokng nang menghujat Allah nyian? sape nang biso mengampuni doso-doso kacuali Allah sajok?" ²² Pas Yesus nahui pikiran na'ido' , Io bakato, "Dameo kau batanyo angayo ko doop atingu? ²³ mae nang labih mudoh, ngatoot 'Doso-dosongu udah di ampuni' atau' umpat ba bajootlah? ²⁴ Tapi bo, supayo kau nahui bahwo kamudo manusio bakuaso ka bumi untuk mengampuni doso," Yesus bakato ka urokng nang lumpuh ko," Aku bakato ka kau: umpat lah, angkat tampat tidurngu ba puoklah." ²⁵ Pas koo ugok, urokng ko langsung badiri ka hadapot samue urokng ba ngicok tampate gurik, lalu bajoot puok sambil memuji Allah. ²⁶ Samue urokng ko ngaraso takjub ba memuji Allah. Ba di ngisii raso gaik nang koat ka kuaso Allah, Na'ido bakato, "Ari nyian diri nanang jukut nang luar biaso!" Lewi Nunaan Yesus ²⁷ Ako koo, Yesus kauar ba nanang seko pangomoan pajak banamo Lewi nang pas duduk ka tempat pangomoan pajak. Yesus bakato kaio," tunaanlah Aku." ²⁸ Makae Lewi pun badiri, ningoot samue, ba nunaan Yesus. ²⁹ Ako ko, io ngadoot gawe ayok untuk Yesus ka rumohe. Manyak pangomoan pajak ba urokng-urokng lain nang makot barage na'ido. Tapi ³⁰ ,urokng-urokng Farisi ba ahli-ahli Taurat mulai ngarebeh ka murid-murid Yesus," Dameo kau makot ba nyocok barage samue pangomoan pajak ba urokng-urokng badoso?" ³¹ Yesus nyahuti ba bakato ka na'ido," Buke urokng-urokng sehat nang paralu ka tabib, tapi urokng-urokng rongko. ³² Aku atok buke untuk nyaru urokng banar, tapi untuk nyaru urokng-urokng badoso supayo na'ido batobat.". Urokng Farisi Membadingan Murid Yohanes ba Yesus ³³ Na'Ido' bakato ka Yesus, "murid- murid Yohanes pembaptis suko bapuasa ba doa, jakoo gae murid-murid urokng Farisi. Tapi bo, murid-murid - Ngu salalu makot ba nyocok." ³⁴ Yesus bakato ka na'ido' "Biso kek kau nyuruh nang pangiring panganten angaki untuk bapuasa pas panganten angaki ko masih barage-rage ba na'ido'? ³⁵ Tapi, ari-ari koo mok atok, pas panganten angaki ko di ngicok ampat ka na'ido', pas ari-ari koo lah na'ido' maok bapuasa. ³⁶ Yesus ugok nyaritoot parumpamaan nyian, ka na'ido, Inok sekopun maok ngarojek sahalai paraco' ampat ka pakean nang barahu untuk nambal pakean nang dah lamo. Karamo ampamae jaiyo, urokng ko mok ngarusak pakean nang barahu, ba paracok panambal ampat ka pakean nang barahu ko inok sasuai ba pakean nang lamo ³⁷ Jaiyo ugok inok ado seko pun nang nontongan anggur barahu ka doop kantong kuit nang lamo. Anggur nang barahu koo nok ngarojek kantong kuit nang lamo angkenyo anggur ko mok tumpoh ba kantong kuitte mok ancur. ³⁸ Anggur nang barahu arus di tohani ko doop kantong kuit nang barahu. ³⁹ Inok seko pun nang ako nyocok anggur lamo, maok nyocok anggur barahu sabab na'ido' bakato, ' Anggur nang lamo ko labih nyaman."'