¹ Waktu Yesus dah ngakootn samuo kata-E ka muho urokng rami, Io taamo' ka Kapernaum. ² Di naun,ado seko' parwira Romawi nang ado ba kuli nang io hargai'. Kulu koo gi' sakit paroh ampir mati. ³ Waktu parwira koo nangar tantang Yesus, io nyuruh sangape urokng tuho-tuho Yahudi namui' Yesus lalu nyuruh Io atokng moreo' palayane koo." ⁴ Waktu urokng-urokng koo atokng ka Yesus, ne'ido' sidi-sidi mohon ka Io. Ja ne'ido', "Urokng nyian layak namu patolongan Ngu, ⁵ sabab io ngasihi' bangso diri' lalu iolah nang ngamuat sinagoge diri'". ⁶ Barangkatlah ne'ido'. Waktu Io dah samak rumoh parwira koo, parwira koo nyuruh sangape ayuknge bakato ka Yesus, "Tuan ,ame Kau nyusohotn diritok aku karamo akuino' layak narimo' Kau dirumahku. ⁷ Koolah sababe, aku sandiri' maraso ino' layak atokngo ka Kau. Tapi, sabutlah sapatoh kato ajo', palayanku pasti samuh. ⁸ Sabab, aku bawahan ugo' nang mambawahi prajurit-prajurit. Kalo aku bakato ka seko' prajurit Ampuslah!', io pun ampus. Kalo aku bakato kaprajurit nang lain, 'Atoknglah!', iopun atokng Lalu, kalo ku bakato ka kuliku, 'Karajaanlab nyian!', pastilah kuliku karajaan." ⁹ Waktu Yesus nangar hal koo, Io maraso heran ka parwira Romawi koo. Sambil mamaik ka urokng rami nang nunootn Io, Io bakato, "Aku bakato ka kau, ka antaro urokng Israel pun Aku nape' suoh namuan iman sa kayo' nyian." ¹⁰ Waktu rombongan nang di nyuruh ampus ka Yesus puokng ka rumoh parwira koo, ne'ido' napati' kulie dah samuh. ANAK UROKNG JANDE DIMANGKITOT ¹¹ Ampagie,Yesus ampus ka sabuoh koto badamo Nain barage para murid-E ba rombongan urokng rami nang nunootn Io. ¹² Waktu io nyamaki pintu garabang koto, ado seko' bangke angaki nang di mikut kauar. Urokng nang mati koo bo anang toget inu'e nang dah jande. Lalu, ado urokng rami ampat ka koto koo nang barage ambini koo. ¹³ Waktu Tuhan nanang ambini koo, Tuhan kazih ka io lalu bakato, "Ame nangis." ¹⁴ Ako' koo, Io nyamaki' lalu nyameh tandh bangke koo. Urokng-urokng nang mikut tandu koo pun baranti. Lalu Yesus bakato, He anak muda, Akh bakato ka kau, umpatlah!" ¹⁵ Ako' koo, urokng nang dah mati tai koo duduk lalu mulai' bakato. Lalu, Yesus muangan ka inu'e. ¹⁶ Samuo urokng nang nanang hal koo maraso gai' lalh mulai' mamuji Allah sambil bakato, "Seko' nabi kayo' dah muok ka tangoh-tangoh diri'" lalu "Allah dah ngampusi' umat-E." ¹⁷ Lalu, barito tantang Io koo nyabar ka saluruh Yudea ba ka samuo tampat lain ja sakitar koo. YOHANES PAMBABTIS NGIRIM MURID-E KA YESUS ¹⁸ Murid-murid Yohanes mataki' Yohanes tantang samuo hal koo. ¹⁹ Lalu, Yohanes nyaru' duo urokng muride lalu ngirim ne'ido' ampus ka Tuhan batanyo', "Kau ge' nang atokngo' agi' koo? ato, arus ge' kami nganti'otno' nang lain?" ²⁰ Waktu ne'ido' atokng ka Yesus, ne'ido' pun bakato, "Yohanes Pambabtis nyuruh kami atokng ka Kau mao' batanyo', 'Kau ge' nang atokngo' agi' koo? ato, arus ge' kami nganti'otn nang lain?"' ²¹ Pado waktu koo, Yesus gi' nyamuhotnmanyak urokng bamacam panyakit, wabah , ngan roh-roh jahat. Io ugo' manyak ngamuat urokng buto' biso nanang agi'. ²² Yesus nyahuti' urokng ba duo koo, "Ampus lalu caritootnlah ka Yohanes tantang ameo nang dah kau nanang ba kau nangar: urokng buto' biso nanang, urokng elat biaso bajootn, urokng nang rongko' laeko di marasihotn, urokng bango biso nangar, urokng magj di mangkitot, lalu ka urokng-urokng sontok dimare' barito baik. ²³ Karamo koo, repolah io nang ino' basangkutotn ba Aku." ²⁴ Ako' pasuruh-pasuruh Yohanes dari Yesus bakato ka urokng rami tantang Yohanes, "Nanango' dameo kau ka doopm utotn koo? nanang buuh nang di angin nyiup? ²⁵ Tapi, ameo nang kau nanang? Urokng nang bapakean gagas? Tananglah, urokng nang make pakean gagas lalu idup mewah adae ka istana-istana rajo. ²⁶ Jadi, nanang dameo nang kau ngampusi'? nabi? Au, Aku bakato ka kau,angkowo labih daripado nabi. ²⁷ Iolah uraknge nang kisahe ado tatulis: 'Dangarlah! Aku nyuruh pasuruh-Ku ngadohoi' Kau. Iolah nang pasti nyiapotn marago ka adapatn Ngu.'Maleakhi 3:1 ²⁸ Aku bakato ka kau, di antaro samuo urokng nang dah suoh di maranakotn ambini, ini' ado seko'pun nang labih kayo' daripado Yohanes. Tapi, nang paling enek doopm Karajaan Allah, labih kayo' daripado io." ²⁹ Waktu urokng rami ba para pangumpul pajak nangar hal nyian, ne'ido' samuo ngakui' ka adilan Allah karamo ne'ido' dah permandian ba baptisan Yohanes. ³⁰ Tapi, urokng-urokng Farisi ba ahli-ahli Taurat bai' nuruti' rancana Allah ka diri' ne'ido' karamo ne'ido' nape diparmandian Yohanes. ³¹ "Ba dameo ge' Aku ngumpamaano' urokng-urokng nang idup pado jaman kanio'? Angayo dameo ge' ne'ido' nyian? ³² Ne'ido' angayo kamudo'-kamudo' nang duduk-duduk ka pasar, nang ba saru'otn ba nang laine, 'Kami nyiup soleng tok kau, tapi kami ino' nari. Kami barenyoh lagu bakabung, tapi kau ino' nangis.' ³³ Sabab, waktu Yohanes Pambabtis atokng lalu ino' najar roti ato nyocok anggur, kau bakato, 'Io karasukotn setan '. ³⁴ Tapi, waktu Anak Manusio atokng makotn ba nyocok, kau bakato, 'Tananglah! Io urokng nang rakus ba panyocok! Io ugo' ayukng para pangumpul pajak ba urokng-urokng ba doso!' Tapi,hikmat ³⁵ dibanarotn anak-anake SEKO' AMBINI BADOSO NGURAPI' YESUS ³⁶ Ado sakai, seko' urokng ampat ka golongan Farisi nang ngundang Yesus makot barage Io. Yesus ampus ka rumoh urokng Farisi koo lalu duduk makotn. ³⁷ Di koto koo, adi seko' ambini ba doso. Waktu io nahui' bahawo Yesus gi' makotn ka rumoh urokng Farisi koo, iopun mali sege' boto pualam nang baisi minyak wangi. ³⁸ Lalu, io badiri ka balakang Yesus, samak paha-E, sambil nangis lalu mulai' nyasoh poho Yesus ba ai' matae lalu io ngalap ba buuke. Ako koo, io ngidung poho Yesus lalu io meesi' ba minyak wangi. ³⁹ Waktu urokng Farisi nang ngundang Yesus nanang hal nyian, io bakato ka doopm ati, "Kalo' urokng nyian nabi, Io tantu nahui' sape lalu ambini macam dameo nang nyameh Ik koo karamo ambini nyian urokng pandoso." ⁴⁰ Yesus nyahut lalu bakato, "Simon, ado nang mao' Ku katootn ka kau." Simon nyahuti', "Katootnlah Guru." ⁴¹ Yesus bakato, "Ado duo urokng nang barutokng ka urokng palapas duit, nang seko' barutokng 500 dinar lalu nang laine barutokng 50 dinar. ⁴² Waktu kaduae ini' sanggup babayar,si palapas duit koo ngapusotn utokng ne'ido' baduo. Kanio' sape ge' diantaro urokbng ba duo koo nang labih ngasihi' si palapas duit koo?" ⁴³ Simon nyahuti, "Manurutku, nang paling urokng nang paling manyak dimebasotn utaknge," Yesus bakato ka io, "Kau nilai io banar." ⁴⁴ Sambil mamaik ka ambini koo, Yesus bakato ka Simon, "Nanang ge' kau ka ambini nyian? Waktu Aku atokng ka rumahngu, kau ino' mare' ai' sa' nasoho' paha- Ku, tapi io nasoh paha-Ku ba ai' matae lalu io mait ba buuke. ⁴⁵ Kau inio' ngidung Aku,tapi io ino' baranti-baranti ngidung paha-Ku mulai' Aku taamo'. ⁴⁶ Kau ino' meesu' kapala-Ku ba minyak, tapi io minyaki' paha-Ku ba minyak wangi. ⁴⁷ Karamo koo, Ku katootn ka kau, dosae nang manyak koo udah di ngampuni' sabab io dah nojokotn kasihe nang kayo'. Tapi, urokng nang sadikit diampuni', sadikit pula' io ngasihi'." ⁴⁸ Lalu Yesus bakato ka ambini koo, "Dosangu dah di ngampuni'." ⁴⁹ Urokng-urokng nang duduk makotn barage Yesus mulai' batanyo'-tanyo' ka doopm ati ne'ido', "Sape ge' Urokng nyian lalu Io dapat ngampuni' doso?" ⁵⁰ Yesus bakato ka ambini koo, "Iman ngu dah nyalamatotn kau, ampuslah ngan damai."