¹ PAULUS BERLAYAR KE KOTA ROMA Ako dimutusot kami mao balayaro ka Italia, ne' ido' nyarohot Paulus ba sangape urokng tahanan nang lain ka parwira tantara Agustan, nang badamo Yulius. ² Kami naik ka kapal ampat ka Adramitium nang mao' balayar kasangape palabuhan sakanyok sisi laut Asia. Kami balayar barayukng Aristarkhus, urokng Makedonia ampat kaTesalonika. ³ Ampagie, kami ngaramus ka.Sidone, Yulius baik sidik ka Paulus sampe io muihot Paulus nabo' ayukng-ayuknge nang mao' nguruso' kaparaluot Paulus. ⁴ Ampat kanaun, kami barangkat balayar nyisiot Siprus karamo angin ba lawanan aroh. ⁵ Ako' kami balayar nyisi sakanyok sisi laut Kilikia, ba Pamfilia, kami ngaramuska Mira ka Likia. ⁶ Kanaun, pawira koo namui' kapal ampat ka Aleksandria nang gi balayar ka Italia, lalu io mindobot kami ka kapal koo. ⁷ Kami balayar lambat sampe sangape ari, susoh payoh kami ngaramus ka Knidus. Karamo angin ano' gagas kami ano' biso jauh, kami balayar nyisiot sisi laut Kreta ka arah tanyukng Salmone. ⁸ Kami balayar ngalewati tanyukng koo ba susoh payoh lalu sampe ka tampat nang badamo palabuhot Indah, nang ado ka samak koto Lasea. ⁹ Karamo kami ba pikir dah manyak ka ilangan waktu, lalu kanio', pajaanan laut babahayo karamo urokng Yahudi dah ako' puasa, Paulus nasehatin ne' ido', ¹⁰ lalu bakato ka ne' ido', "Kamaru-kamaru, aku nanang palayaran nyian rasae ado karusakot ba karugiot nang ayo', buke' kahe muatotn ba kapale, tapi ugo' nyawo diri'." ¹¹ Tapi pawira diri' koo labih picayo' ka nakhoda ba pamilik kapal dari pado ka kato-kato Paulus. ¹² Karamo, ano' baik diop ka palabuhan koo salamo musim dingin, saparo urokng satuju ampuso balayar ampat ka naun ba arap ne' ido' biso ngaramus ka Feniks, saloh sete' palabuhot di Kreta, nang ngadap ka barat dayo ba barat laut, ka naun salamo musim dingin. Angin koat sidi nyiup kapal Paulus ¹³ Waktu angin basiup Lambat-lambat ampat ka salatan, ne' ido' bapikir dah ngaramus ka tujuan, karamo koo ne' ido' narik jangkar lalu balayar sakanyokng sisi laut Kreta. ¹⁴ _ Tapi ano' lamo ako' koo, angin angayo topan, nang dinyabut Euroklidon, ampat ka pulau koo. ¹⁵ Waktu kapal kami angin muput dah ano' sanggup ngadapi aluane, kami nyaroh lalu kami miarot ngiir mudik kano angin. ¹⁶ Samantaro kami bagarak napiot pulo enek nang badamo Kauda, ba susoh payoh kami biso ga'e ngandaliot sakoci kapal kami. ¹⁷ Ako awak kapal ngerek sakoci ka atas kapal, ne'ido' make tali-tali panolong sa' ngoatot kapal koo. Karamo ne' ido' gai ' sauh ka Sirtis , ne' ido' nurunan alat-alat kapal jadi miarot kapal ne' ido' ngiir mudik kano angin. ¹⁸ Ampagie, karamo kami ngiir mudik ba antaman ba angin ayo' nang paling koat, urokng-urokng mulai' muangi' muatan kapal. ¹⁹ Ka talu, ne' ido' muang alat-alat kapal make kokot. ²⁰ Karamo mata ari maopun bintokng ano' muok salamo sangape ari angin ayo' soga ngantam kami,ano' ado arapan agi' kami koo disalamatatno. ²¹ Karamo manyak urokng nang ampus dah lamo ano' ba makanan, Paulus badiri ka tangoh-tangoh ne' ido' lalu bakato, "Kamaru-kamaru, saharuse kito nuruti nasehatku ano' balayar ampat ka Kreta jadi barusakatni barugiatni angayo nyian. ²² Tapi kanio', minto kito tabah karamo diantaro kito' ano' ado nang ka ilangan nyawo, kacoali kahe ka angitotn kapal. ²³ Sabab, tumaam ado ba malaekat Allah, miliki diri ba nang diri' nyamboh, badiri ka adapatnku, ²⁴ sambil bakato, "Ame gai', Paulus. Kau arus badiri ka adapotn Kaisar. Lalu tanang, Allah dah Baik ati ka kau ba samuo urokng nang balayar ba Kau. ²⁵ " Karamo koo, kamaru-kamaru, tabohot atingu karamo aku picayo' kadoop Allah samuo pasti tajadi angayo nang dah di matakot ka aku. ²⁶ Tapi diri arus sauh ka sabuoh pulau." ²⁷ Tapi , maam ka ampat balas, samantaro kami masih ngiir mudik di angin nyiup sa kanyok laut Adria, kiro-kiro tangoh maam, awak-awak kapal ka koo ngiro ne' ido' dah nyeketi darat. ²⁸ Ne' ido' nyo'ot batu pangiro kadaaman ai' masih duapuluh dapo. Waktu ne' ido', Maju sadikit agi', ne' ido' nabakot batu pangiro agi' nahui kadaaman ai'e limabalas dapo'. ²⁹ Karamo kami gai' ngalanggaro' batu karang, ne' ido' nurunan ampat ete jangkar ampat ka buritotn, lalu bado'a biar ari ancang siokng. ³⁰ Tapi, samantaro sangape urokng awak kapal barusoho dari ampat ka kapal dah nurunan sakoci ka laut ba puro-puro nurunan jangkar-jangkar ampat ka haluan, ³¹ Paul bakato ka perwira koo ngan prajurit, "Kalo urokng-urokng koo ano' diop kadoop kapal, kau ano' biso di salamatot." ³² Ako' koo prajurit-prajurit natak tali sakoci lalu dimiarot anyut. ³³ Waktu dah daniari, Paulus nyuruh ne' ido' ngicok makanan, sambil bakato "Ari nyian ari ka ampat balas kito' tarus-manarus ka gai'ot ba nahan kaparot karamo ano' makot dameopun. ³⁴ Karamo koo, aku nyuruh kau ngicok sangape macam makanan sa' kasalamatot ngu. Sabab, ani setelah bu'ukpun nang kan angit ampat ka kito'," ³⁵ Ako bakato jakoo, Paulus ngicokng roti sambil ba syukur ka Allah ka adapotn ne' ido' samuo, macoh-macohot roti koo, lalu mulai makot. ³⁶ Samuo ne' ido' dingoatot atie lalu ne' ido' sandiri makot ugo'. ³⁷ Jumloh kami nang ka doop Kapal koo ado 276 urokng. ³⁸ Ako' makot sampe kanyang, ne' ido' ngarehetni' kapal muangi gandum kalaut. KAPAL ANCUR SAMUO PANUMPANG SALAMAT ³⁹ Waktu ari dah siokng, ne' ido' ano' nahui ado ba daratotn, tapi ne'ido' martian sisi soak laut, tampato' ne' ido' marantiatno' kapal mun biso. ⁴⁰ Jadi, ako' muangi jangkar, ne' ido' miarotn ka doop laut, lalu ngapasotn tali-tali kamudi naikotn layar ka bagian kapal supayo angin nabanan ne' ido ka sisi laut. ⁴¹ Tapi, kapal ngalanggar batu karokng ka patamuan duo laut lalu tingoopm. Aluan kapal sangkut ano' biso bagarak agi', samantaro buritotn kapal ancur kano antaman galombang. ⁴² Prajurit-prajurit barancano munuhio' tahanan pok ano' seko'pun nang dari baranang . ⁴³ Tapi, pawira koo, ba arap biso nyalamatot Paulus, mai'an rancano ne' idola'. Io marentohot urokng-urokng nang biso baranang malompat doho-doho ampat ka kapal notok daratotn. ⁴⁴ Lalu, sisa'e ado nang kaatas papot, ado ugo' nang make barang-barang nang ado ka kapal. Udah jakoo, samuo urokng salamat sampe ka daratotn.