PAULUS KA PULAU MALTA ¹ Ako kami ngalewati sampe salamat, kami nahui' kade pulau koo disabut Malta. ² Panduduk asli pulau koo magariot' kabaikot' ati nang luar biaso. Sabab, ne'ido nyalo'ot api ba nyambut kami samuo' pas ari koo mulai ujot ba udara e dingin. ³ Waktu Paulus ngomoaan sige - sige lalu io muangani' ka atas api. Kauarlah seko' uar baludak nang amat babiso karano kaangatotn lantas ngigit bagantukng ka kokot Paulus ⁴ waktu panduduk asli nanang hal angkoo bakatolah ne'ido' sabayae " Anok di raguot agik urokng nyian pastilah urokng pamunuh. biarpun io salamat dari laut ,Io anok di biarot idup oleh dewi kaadilan. ⁵ Tapi, Paulus ngibasot binatang angkoo ka doop Api dan anok samo sakai mandarito dameopun. ⁶ Urokng - urokng koo nyangko' Paulus pasti bangkak ato mati tasongkop saat koo ugo'. Tapi, lamo ako' angkoo ne'ido' nganti'ot dan nanang Paulus anok meo - meo, Ne'ido' baruboh pikiran dan nganggap Paulus angkoo dewa. ⁷ Anok jauh ampat dikoo,Ado tanoh nu' Guberner Pulau angkoo nang badamo Publius,Io nyambut ne'ido' Dan menjamu ne'ido'salamo Tiga ari sacaro kakaluargaan. ⁸ Saat angkoo, Bapok Publius tagurik ka tampat tidur kano damam ba disentri. Paulus atok Dan basàmpok ontok io, Sambil muangan kokote katas urokng angkoo Dan nyamuhot io. ⁹ Ako' kajadian angkoo,Urokng - urokng laine di Pulau angkoo nang rongko' atok ugo' ka Paulus Dan di nyamuhot. ¹⁰ Ne'ido' di koo hormat sidi ka kami. Waktu kami siap balayar panduduk pulau angkoo nyadioot sàmuee kaparaluatne. ¹¹ PAULUS MANUJU KOTO ROMA. Talu buot ako' angkoo kami baràngkat ka Roma pake kapal ampat ka aleksandria nang baranti ka Pulau angkoo salamo musim dingin,kapal angkoo make lambang Dioskuri, ¹² Ako' koo kami nyampe ka sirakusa di naun kami diop salamo tiga ari. ¹³ Ampat ka naun, Kami balayar nyusuri' pantai lantas nyampe ka Regium. Ampagie batiuplah angin selatan Dan ari barikute, Kami ngaramus ka Putioli, ¹⁴ Dinaun kami namui' anggota - anggota jemaat Dan di mabo ontok diop sabayo - bayo ba ne'ido' salamo tujuh ari. Lantas ampus ka Roma. ¹⁵ Dinaun kamaruk - kamaruk saiman ,nang dah nangar tentang kami ,Atok ampat ka naun sampe ka forum Afius nang Tres Taberne ontok namui' kami. Waktu Paulus nanang ne'ido' , Io basyukur ka Allah dan atie di ngoatot. ¹⁶ PAULUS DI ROMA Waktu kami ngaramus ka Roma ,Paulus di muihot diop karumahe sandiri' barayuk ba seko' Prajurit nang ngawal io. ¹⁷ Talu ari ako' koo Paulus ngomo'an pamimpin - pamimpin Yahudi di koo, Waktu ne'ido' dah bakomo' Paulus bakato ka ne'ido' Kamaruk - kamaruk meskipun aku anok babuat kasalohot ka doop bangso diri' ato ka doop adat istiadat nenek moyang diri' tapi aku di nangkap ka Yerusalem dan di nyarohot ka urokng Roma. ¹⁸ Waktu ne'ido' marekso aku Ne'ido' anok namui' kasalohotku dan ne'ido mao mebasot aku. ¹⁹ Tapi bo urokng - urokng Yahudi nantok aku dan tapaksolah aku naek banding ka Kaisar artie buke'nyo aku ngaduot bangsoku. ²⁰ Jadi angkoolah sababpe aku minto' batamuo' ba kito' dan bakato ba kito' karano demi pengharapan urokng Israellah aku di ngikat ba rante nyian. ²¹ Lantas ne'ido' bakato ka Paulus, " Kami anok narimo' surat ampat ka Yudea nang nyaritoot kauu dan anok seko'pun ampat ka kamaruk - kamaruk saiman nang atok ka sio nang mare kabar ato ngatoot sesuatu nang buruk nganai' kauu. ²² Tapi kami mao nangar ampat ka kauu ameo pandapatngu tentang Sekte (ajaran) anyian, Kami nahui' kalo di mae - mae urokng - urokng nantok io." ²³ Ne'ido' bapakat ontok atok ka Paulus, ka tampat panginapatne sabayo-bayo ba urokng rami. Mulai' oop sampe maam Paulus nyalasot ka ne'ido' sambel bakisoh nganai' karajaan Allah supayo ne'ido' picayo' ka Yesus, mulai' ka hukum taurat musa sampe ka Kitab para nabi. ²⁴ Saparo urokng jadi picayo' ka pakatoot Paulus tapi nang laine ado ugo' nang nok picayo'. ²⁵ akhire bubarlah ne'ido' karano anok ado kacocokot pandapat, tapi Paulus masih ngatoot panyataan nyian," Banarlah nang di ngatoot Roh kudus ka nenek moyangngu ngalalui' Nabi Yesaya, ' ²⁶ Ampuslah ka bangso nyian dan katootlah : Kauu akan nangar tapi nok akan paranoh memahami ugo' kauu akan nanang tapi anok akan paranoh ngarati. ²⁷ Sabab ati bangso nyian dah jadi tabo ugo' tarenyeknge barat ontok nangar. Mato ne'ido' dah tatutup supayo ne'ido' anok nanang ba matae anok nangar ba tarenyeknge,anok ngarati ba atie lalu muok batobat. Lantas Aku nyamuhot ne'ido'. Yesaya 6 : 9 - 10. ²⁸ Kade' jakoo biarlah kauu nahui' hal anyian kade' kasalamatot ampat ka Allah nyian dah di nyampeot ka bangso lain Dan ne'ido' nangarot." ²⁹ (Tajadilah pabedaan pandapat di antaro urokng-urokng Yahudi koo lantas bubar ako' Paulus nyampeot pakatoot-pakatootte). ³⁰ Paulus diop salamo dua tahut panuh ka rumoh nang io nyewo sandiri'e dan narimo' samuee urokng nang atok ka io, ³¹ Sambel maritoot karajaan Allah dan ngajarot kisoh Tuhan Yesus kristus ba panuh kabaraniot dan anok ado masalah dameopun.