¹ Agripa bakato ka Paulus, "kau muih bakato yak manangan diri'ngu." Ako' koo Paulus badapo', io bakato yak manangan dirie. ² "dameo sajo' nang dinuduhot ka aku nang urokng Yahudi ngatoot koo, aku nanggap diri'ku baruntukng, Rajo Agripa, soale aku mo' ngatootn, kade aku nyian sabanare ano basaloh, ka adapatn ngu ari nyian, ³ soale kito' nyian urokng nag batol- batol nahui' samuo kabiasaan ba masaloh ka antaro urokng-urokng Yahudi, makae ku minto' ka kito' sabar-sabar nangarotn aku. ⁴ Samuo urokng Yahudi nahui' caro idup ku mulai ku gi kenek, mulai de e ngabisot idupku ka tangoh-tangoh bangso ku sandiri' ba ka Yerusalem. ⁵ soale memang dah lamo ne'ido nahui' ka diri' aku, kade ne'ido mao' ne'ido biso jaji saksi kade' aku idup sasuai ba ajarot kalompok nang paling karas ampat ka agama diri', aku nyian idup memang aku urokng Farisi. ⁶ Lalu kanio aku badiri kasio kito' uruso', pangarapotn ku ba janji masalahe nang Allah nyanjiot ka nenek iyut diri'. ⁷ Janji nyianlah nang dingarapotn. ka kaduabalas suku bangso diri' biso ngaramus, samantaro ne'ido nyamboh Allah sidi-sidi ano paduli siok ba maam. Soal pangarapotn nyian lah aku dinuduh diurokng- urokng Yahudi, au' Rajo o. ⁸ ngamo kito' anggap ano masok akal kade Allah mangkitot urokng mati? ⁹ koolah makae, aku sorokng ngiro kade' aku nyian ngamuat manyak jukut nang nantok namo Yesus nang ampat ka nasaret. ¹⁰ Nang ku majawat ka Yerusalem. buke kahe urokng-urokng kudus nang ku namaan kadoop pinjaro, ako' narimo' parentoh ampat ka kapalo imam-imam, tapi waktu ne'ido' diukum mati, aku pun ngauot io. ¹¹ Aku pun biaso ngukum ne'ido' ka Sinagoge- sinagoge ba barusoho makso ne'ido' makatai' ba majahat Io. aku memang bato-batol bero sidi ka ne'ido', aku ngarumayai ne'ido' sampe ka koto-koto lain." PAULUS BACARITO KESOH PATAMUANE BA YESUS ¹² "Sabayo gae maksudte, waktu aku bajoot ampus ka Damsyik, atas parentoh ba tugas ampat ka imam-imam kapalo. ¹³ Waktu tangah ari, au Rajo o, waktu aku agi bajoot, aku nanang boo ampat ka angit, labih tarokng dari pado mata ari, nang baboo ka sakulilinganku ba urokng-urokng nang bajoot barage ba aku. ¹⁴ Ako'koo kami samuo bajanto'atni ka tanoh, aku nangar ado suaro jukut bakato' ka aku pake bahaso Ibrani, 'Saulus, Saulus, ngameo kau nyikso aku? ano mungkin kau nyipakatno galoh ransang artie ano mungkin io biso malawan Tuhan.' ¹⁵ Ako'koo aku batanyo', 'Sape bo Kito' Tuhan?' ako'koo Tuhan bakato 'Aku Yesus nang gi' kau nyikso. ¹⁶ Tapi, umpatlah, ako' koo badirilah ba pahangu. nyianlah maksudte Aku dah magariotn Diri, nang natapotn kau jaji hambo ba saksiKu, buke' kahe jukut nang ako' kau nanang, tapi ado ga'e jukut-jukut nang bakal ku tojokotn ka kau. ¹⁷ Aku mo' nyalamatot kau ampat ka bangso nyian ba bangso-bangso lain ga'e, aku ngutus kau ka ne'ido', ¹⁸ yak muko' mato ne'ido', majawat ne'ido' babalik ampat ka galap jaji tarokng, ampat ka koaso ibalis ka koaso Allah. Biar ne'ido' biso narimo' ampun dari doso-doso ba narimo' bagiot, ka antaro urokng-urokng nang ako' dingudusotn, jukut imane ado ka doop Aku'. PAULUS NYURITOOT MASALOH PAKARAJAANE ¹⁹ "Ako' koo, Rajo Agripa, aku ano' suoh ano' picayo' ka pananangan ka subayanan koo, ²⁰ Tapi, mulo-mulo, aku maritoot io ka Damsyik, lalu ka Yerusalem kasamou binuo Yudea,ako' koo ka bangso-bangso nang lain, ne'ido' nyian arus batobat ba arus babalik ka Allah, ne'ido arus biso nguboh kalakuan-kalakuane nang dah sasuai ba patobatane . ²¹ Koolah makae, urokg-urokng Yahudi nangkapo' aku ka bait Allah, ne'ido' barusoho munuho' aku. ²² sampe ka ari nyian, aku nyian dah Allah nolong, makae aku nyian biso badiri ka sio yak madohotn samue e nyian ano' paduli io urokng-urokng enek mao' pun urokng-urokng kayo' ba ano' matakatni jukut-jukut nang lain, kahe ado ugo' nangku ngato ot, ba dameo nang samuo nabi ba Musa ngatoot, jukut-jukut nang pasti tajaji, ²³ kade Kristus koo arus singsaro, koo lah alasane baru' Io sorog nang bangkit ampat ka antaro urokng nang mati. Io mo' maritoot nang tarokng, ka urong-urokng Yahudi, ka bangso-bangso lain gae'." Paulus Bausoho ngamuat Agripa Picayo' ²⁴ Samantaro Paulus masih nyampeot jukut-jukut nang io matakatni masalah kabanaratne , Festus bakato' nyarekng-nyarekng, " Paulus kau nyian dah gilo! kapintaratn ngu nang dah manyak koo ngamuat kau ano' waras." ²⁵ Tapi, di Paulus nyahuti, "nang ku matabeot Festus, aku ano' gilo, tapi aku nyampeot, kabanaratnku ba kato- kato nang masok akal. ²⁶ Soale Rajo nahui' jukut-jukut nyian ba, ka io aku barani bakato ga'e. soale, aku picayo' ano' sete' pun jukut-jukut nyian nang apas ampat ka paratiatne soale jukut nyian ano tajaji ka tampat nang nobo' ²⁷ Rajo Agripa, kau nyian picayo' ka samuo nabi ge? aku nahui' kito' picayo'." ²⁸ Rajo Agripa bakato' ka Paulus, ano' sangape lamo, kau dah mijawat aku jaji urokng karisten." ²⁹ Ako' koo, Paulus nyawab, "dah minto' ka Allah kade' ancang mao' pun lambat ano' kahe kito' tapi, samuo urokng nang nangarotn aku ari nyian, biso jaji andayo diri' ku, kacoali rante-rante nyian." ³⁰ Ako' koo, Rajo badiri. Andayae ugo' ba Gubernur, Bernike, ba samuo urokng nang duduk ba ne'ido'. ³¹ Lalu, samantari ne'ido' ningoot tampat koo, ne'ido' bakati' ba sabayaatne "urokng nyian ano' ngameo-ngameo pun, jadi ano' patut disanayaatno' ba ukuman mati mao' pun pinjaro." ³² makae, Agripa bakato ka Festus, "urokng nyian dah muih diapasot kade io ano' naik pakaro ka kaisar."