¹ Ari ka talu, Festus ngaramus ka propinsi koo, ako' io ampus ampat ka Kaisarea ka Yerusalem. ² Imam-imam kapalo ba pamimpin-pamimpin Yahudi ngajuot tuduhot ngalawan Paulus, ne' ido' tarus makso Festus, ³ sambil nyuruh io ba baik ati ka ne'ido' lalu nyuruh urokng nabanan Paulus ka Yerusalem,ako ne' ido' barancano bapakat munuho Paulus ka tangoh marago. ⁴ Festus bakato Paulus tatap di tahan ka kaisarea io sandiri nang mao atokng ka naun saancange. ⁵ "Makae" jare, "Biarotlah pamimpin-pamimpin ka antarangu turutn ka naun barage aku, mun ado nang saloh ka urokng koo, biarotn ne' ido' nang ngajuot tuntutane ka ne' ido'." ⁶ Ako Festus diop ka antaro ne' ido' ano' labih lapan ato sapuluh ari, io muokng agi ka Kaisarea. Ampagie io duduk ka bangku pangadilotn lalu io marentohot supayo Paulus di tabanan ka adapatne. ⁷ Waktu Paulus ngaramus di koo, urokng-urokng Yahudi badiri ngulilingi io ngajuot manyak tuduhot nang barat malawan Paulus, nang ano' sanggup ne'ido' buktiot. ⁸ Samantaro koo, Paulus melo diri'e, "Aku ano' minjawat kasalohot dameopun nang malawan, baik Hukum Taurat Yahudi, Bait Allah, mao'pun Kaisar." ⁹ Tapi, karamo mao' nyanangano' urokng-urokng Yahudi, Festus bakato ka Paulus, "Mao ke kau naik ka Yerusalem lalu diadili' ka adapatnku ba tuduhot- tuduhot nyian?" ¹⁰ Tapi Paulus bakato, "Aku badiri kaadapot pangadilotn Kaisar, tampat saaruse aku di adili'. Aku ano' ba saloh ameopun ka urokng Yahudi kaupun nahui. ¹¹ Ugo', kalo aku nang basaloh ngamuat hal nang pantas di ukum mati, aku ano' dario' ka ukuman mati koo. Tapi, kalo tuduhot ne' ido' ka aku ano' ado nang banar, ano' sekopun nang biso nyarohot aku ka ne' ido'. Aku mao' ngajuotno' banding ka Kaisar. ¹² "Lalu, ako' Festus barunding ba Sanhedrin, io nyawab, "Kau dah naik banding Ka Kaisar, makae kau arus dari ampat ka Kaisar." FESTUS BATANYO KA RAJO AGRIPA MANGANAI PAULUS ¹³ Dah ako sangape ari, Rajo Agripa ba Bernike ngaramus ka Kaisarea sa' mareo tabe ka Festus. ¹⁴ Salamo sangape ari ne' ido' ne' ido' diop di koo, Festus nyalasot pakaro Paulus ka rajo, katae, "Ado seko' urokng nang diningoot jadi tahanan Feliks ¹⁵ Waktu aku ado ka Yerusalem, imam-imam kapalo ba urokng-urokng tuho Yahudi nyampeot tuduhot- tuduhot ngalawan io minto supayo io diukum. ¹⁶ Aku nyahuti ne'ido' buke kabiasaan urokng-urokng Roma nyarohot urokng nape tatuduh batamu ba panuduhe, batamu muho, lalu dibare kasampatan ngamuat pambelaan ka tuduhot-tuduhot koo. ¹⁷ Waktu ne' ido' atokng bakumpul kasio, aku ano' nundo pakaro nyian, tapi ampagie, aku duduk ka bangku pangadilan lalu marentohot supayo urokng koo ditabanan ngadap ka aku. ¹⁸ Waktu panuduh-panuduhe koo badiri, ne' ido ano nyampeot tuduhot-tuduhot Jahat angayo nang aku pikirot. ¹⁹ Tapi, ne' ido' ado sangape nang ano' satuju ba urokng koo masaloh agamo ne" ido' sandiri ba urokng nang badamo Yesus, nang dah mati, lalu Paulus matakot io idup. ²⁰ Karamo aku kamangapot jamae mareksoo' samuae nyian, aku batanyo mao' ke' io ampus ka Yerusalem lalu diadili' kanaun doop pakaro nyian. ²¹ Tapi, waktu Paulus naik banding sa' ditahan ba nunggu kaputusot Kaisar, aku marentohot supayo io tatap di tahan sampe aku biso ngirim io ka Kaisar." ²² Lalu, Agripa bakato ka Festus, "Aku ugo mao nangaro' sandiri urokng koo." "Ampagi," Festus bakato. " Kau pasti nangar io." ²³ Ampagie, Agripa ngan Bernike atokng ba kamewahane taamo' kadoop pangadilan barage ba tantara ba pamimpin-pamimpin koto koo. Lalu sasuai ba parentoh ²⁴ Festus, Paulus dinabanan taamo' . bakato,"Rajo Agripa ba samuae nang ado ba kami kasio. Tananglah urokng nyian, nang di mintoot samuo urokng Yahudi ka aku, baik nang ado ka Yerusalem maopun nang ado kasio sambil ba kampakot karamo urokng nyian ano' muih idup lamo agi'. ²⁵ Tapi, aku namuan io ano' ngamuat dameopun nang satimpal ba ukuman mati. Lalu, waktu io naik banding ka Nang Mulia, aku mutusot ngirimo' io ka Kaisar. ²⁶ Tapi aku ano' ado nang pasti sa' dituliso' ka tuanku, karamo aku dah nabanan urok nyian ka adapot kito' samuae, kusus ka adapatnngu raja Agripa. Ako pamareksaan nyian, aku ado bahan sa' ditulis. ²⁷ Karamo, rasae ano' masok akal ka aku ngirimo tahanan kalo' ano' ngajuot tuduhot-tuduhot nang jalas ka io.