¹ Ka lima arie, Imam Ayo' Anasias turutn barage tatuho-tatuho seko' pangacara badamo Tertulus. Ne' ido' nuntut Paulus ka Gubernur. ² Ako Paulus di nyaru',Tertulus mulai nuduh io sambil ba kato,"Karamo, malalui Tuan, kami soga ngarasoot kadamaian ba parubahan- parubahan ka bangso nyian karamo kabijakot Tuan, ³ kami nyambut io ba samuo caro ba samuo tampat, ba raso syukur, Yang Mulia Feliks." ⁴ Tapi, biar ano ngabisi waktu ngu agi,aku minto' kabaikot ati ngu nangarot kami sabantar ajo'. ⁵ Karamo, kami dah namuan urokng nyian nang pangaco, nang ngaco ka antaro urokng-urokng Yahudi ka saluruh dunio. Io koo kapalo sekte Nasrani. ⁶ Io malah barusoho ngotori Bait Allah jadi kami mao' nangkap io, (Kami mao' ngadili io sasuai ba hukum kami. ⁷ Tapi bo, Lisias, kapalo tantara koo atokng lalu ngarabut ampat ka kokot kami sacaro karas, ⁸ sambil marentohot urokng-urokng nang nuduh io atokng ngadap kau.) Io marekso sorokng, kau bakal biso nahui ampat ka io samuae nang kami tuduhot ka io. " ⁹ Urokng-urokng Yahudi ugo' sapakat ka tuduhot koo sambil bakato samuae koo memang banar. PEMBELAAN PAULUS DI DEPAN FELIKS ¹⁰ Waktu gubernur mare' isyarat ka Paulus pok io bakato, Paulus nyahut, ako' aku nahui kau ba tahutn-tahutn jadi hakim ka bangso nyian, aku nyaman mambelo diri. ¹¹ Kau nahui duabalas ari nang lalu aku naik ka Yerusalem mao' sambayang. ¹² Ne' ido' ano suoh namui aku batangkar ba sapepun mao'pun ngasut samanyak urokng, baik ka Bait Allah, Sinagoge-sinagoge, mao'pun kadoop koto. ¹³ Ne' ido' ano' biso muktiot ka kau dameo nang di nuduhot ka aku kanio'. ¹⁴ Tapi, aku ngako' ka kito', karamo sasuai ba marago koo, nang ne' ido' nyabut sege sekte, aku sambayang ka Allah nenek moyang diri, nang picayo ka samuo nang sasuai ba Hukum nang tatulis ka doop buku para nabi, ¹⁵ sambil ba arap ka Allah,nang ugo ne' ido' nganti'ot, karamo ado kabangkitot, baik urokng nang banar maopun urokng nang no' banar. ¹⁶ Doop hal nyian aku barusoho nyago ati nurani nang murni, baik ka muho Allah mao'pun manusio. ¹⁷ Kanio, ako' sangape tahutn nang daho', aku atokng nabanan sadakoh bagi bangsaku lalu mareotn buis. ¹⁸ Samantaro ku agi' ngarajaan iyo, Ne' ido' namuan aku, Ako' aku di marasihot ka Rumoh Jubato, ano' ado karumunan urokng ba karusuhot. Tapi, sangape urokng Yahudi ampat ka Asia. ¹⁹ Saharuse, ne' ido' lah nang ado ka adapatn ngu lalu ngajuaotn tuntutan, kade' memang ne' ido' ado dameo untu' ngalawanno' aku. ²⁰ Atau,biarotnlah urokng-urokng koo sorokng nang mare' nahui palanggaran dameo nang ne' ido' namui' waktu aku badiri ka adapotn Sanhedrin, ²¹ kacoali sete' kato nang aku ngampakotn waktu aku badiri ka antaro ne' ido' 'karamo urokng nang mati bangkit, aku di ngakimi' ari nyian.''' ²² Tapi Feliks, nang ado ba pangatahuan labih tapat ngan marago koo, mundurot hal koo sambil bakato, "Waktu Lisias, kapalo tantara koo,turutn, aku mutusot masalah ngu." ²³ Lalu, Feliks marenthot perwira koo supayo Paulus tatap di tahan, tapi bare' karinganan ba ano' merai' ayuknge sa' madulian io. PAULUS BERBICARA TENTANG IMANNYA DALAM KRISTUS ²⁴ Ako sangape ari, Feliks atokg ba binie, Drusila, nang urokng Yahudi nyuruh Paulus atokng nangaro Paulus bakato tantang imane ka Yesus Kristus. ²⁵ Samantaro Paulus ba tukar pikiran tantang kabanarot, pangandaliot diri, pangakiman nano, Feliks jadi gai' lalu ba kato, "ampuslah kanio' kalo' aku ado sampat aku pane nyaru kau." ²⁶ Pas waktu koo ugo, Feliks ba arap Paulus mareo duit, Feliks biaso nyuruh Paulus atokng ngalakar ba iyo. ²⁷ Tapi bo, dah dua tahutn nyian,Perkius Fertus ngantiot Feliks. Katamo mao nyanangano urokng- urokng Yahudi, Feliks miarotlah Paulus ka doop pinjaro.