¹ PAULUS KA KOTA KORINTUS. Ako ko, Paulus ningoot Atena ba ampus ka Korintus. ² Ba, Paulus namui urokng Yahudi ba Akwila, katurunan Pontus, baru ajo' ampat ka Italia barage binie, Priskila, karamo klaudius dah marentohot samue' urokng Yahudi ba ninggoot Roma. Paulus atok ka na'ido'. ³ Ba karamo na'ido'. ado pakarajaan nang sabayo, Paulus diop ba bayo na'ido bakarajo karamo karajaan na'ido adolah pamuat tenda. ⁴ Lalu, Paulus batukar pikiran ka Sinagoge satiap ari sabat ba barusoho unto' ngayakinan urokng-urokng Yahudi ba Yunani. ⁵ Tapi bo, pas Silas Timotius turut ampat ka makedonia, Paulus mulai ngabdiot dirie sapanuhe unto' maritoot Firman sambil io Bersaksi ba sidi-sidi ka urokng-urokng Yahudi bahwo Yesus adolah Kristus. ⁶ Tapi bo , pas na'ido' nantok ba maki Paulus, Io ngibasot bajue lalu ba kato ka na'ido' " Darah Ngu ado ka atas kapalo Ngu sorok! Aku barasih. mulai kanio ba sataruse, Aku mao ampus ka bangso-bangso lain. ⁷ Ako ko, Io ninggot tampat ko lalu ampus ka rumoh seko urokng nang badamo Titus Yustus,seko nang buke Yahudi nyembah Allah, nang rumoh e ado kasabaloh Sinagoge, ⁸ Krispus kapalo sinagoge, jadi picayo ka doop Tuhan ba samue' urokng nang diop ka rumoh e, ba manyak urokng Korintus nang nangarot Paulus jadi Picayo lalu di maptis. ⁹ Lalu, Tuhan bakato ka Paulus, ka suatu maam doop sabuoh pananangan," ame gai' tapi tarus lah bakato nang ame diam, ¹⁰ Karamo aku ka samak Ngu nok ado seko pun nang mok nyarang kau mok nganiaya Kau karamo ado manyak umat- Ku ka kota nyian." ¹¹ Maka, Paulus dioop ka naan salamo 1thaut ba 6buot sambil ngajarot Firman Allah ka antaro na'ido'. PAULUS DI NGADAPOT KA KAPALO GALILIO ¹² Tapi, pas Galio jadi prokonsul Akhaya, urokng-urokng Yahudi ba saati umpat ngalawan Paulus ba nabanan Io ka hadapot kursi pangadilan, ¹³ Lalu, bakato," Urokng nyian dah ngaruhi urokng unto' nyamboh Allah Yang balawanan ba Hukum Taurat." ¹⁴ Tapi, pas Pulus maok muko mootte, Galio bakato ka urokng-urokng Yahudi ko," kade nyan adolah segek pasoalan palangaran atao' kajahatot nang keji, he urokng-urokng Yahudi ,aku patut batanggung jawab ka pakaro Ngu. ¹⁵ Namun kade nyian adolah pasoalan tantang kato-kato, ba namo-namo ba Hukumu sorok, uruslh sorok aku bai' jadi hakim atas jukut-jukut nyian. ¹⁶ Lalu, Galio ngoser na'ido ampat ka ruang pagadilan. ¹⁷ Ako ko na'ido' samue'e matangkapot sostenes, kapalo sinagoge ba mankongngi io ka ruang pangadilan. Tapi Galio, inok nanang jukut-jukut ko. PAULUS PUOK KA ANTIOKHIA ¹⁸ Ako ko, Paulus dioop sangape ari agik, lalu ba padoh ka kamaruk-kamaruk saiman ba balayar ka Siria, sabayo-bayo ba Priskila ba Akwila. Ka Kengkrea, Paulus dah ako nyokor Buuk Ke, Karamo Io ngamuat segek Nazar. ¹⁹ Lalu, na'ido' sampe ka Efesus ba Paulus ninggot Priskila ba Akwila ka naan, tapi Io sorok tamo' ka Sinagoge ba batukar pikiran ka urokng-urokng Yahudi. ²⁰ Pas na'ido' minto Paulus unto' dioop labih lamo, Paulus ino' nyatujui'Io, ²¹ Tapi bapadoh ka na'ido lalu bakato," Aku mao puok agik ka kau, ampamae Allah menghendakiIo."lalu, Io balayar ampat ka Efesus. ²² Ako ko, turut ka Kaisarea, Io naik ba mare salam ka para jemaat, lalu turut ka Antiokhia. ²³ Ba, Ako ngabisot sangape waktu ka naan Io ningoot tampat ko lalu ngalilingi segek tampat ka tampat lainNe. ka wilayah Galatia ba Firgia, Sambil nguatot samuee murid. APOLOS KA KOTA EFESUS BA KOTA KORINTUS ²⁴ Waktu ko, ado urokg Yahudi banamo Apolos, katurunan Alexsandria, atok ka Efesus. Io adolah seko urokng nang tapalajar ba mahir doop hal kitab Suci. ²⁵ Urokng nyian ako di ngajarot tantang marago Tuhan ba basamangat ka doop roh. Io bakato ba ngajarot tantang taliti jukut- jukut tantang Yesus, tapi Io kahe tapi Io nahui babtisot Yohanes. ²⁶ Io mulai bakato barani sidi ka doop sinagoge, tapi pas Priskila ba Akwila nangarotNyo' na'ido' narik io ka samping lalu nyalasot ka nyo'o joot Allah nang labih tapat. ²⁷ Ba, Apolos mao' nyubarang ka Akahya, kamaru'-kamaru' saiman menaguhot Io ba nulis ka murid-murid supayo nyambut ka atanganNe. Pas Io sampe, Io manyak nolong na'ido' ba oleh karamo anugrah dah jadi picayo, ²⁸ karamo Io bakaras mantoh urokng-urokng Yahudi ka muko umum, sambil nojokkot ampat ka kitab Suci bahwo Kristus adolah Yesus.